ગરુડ પુરાણ · અધ્યાય 1.176

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે જ્વરહરનાનાયોગાદિવર્ણનં નામ પઞ્ચસપ્તત્યુત્તરશતતમો ઽધ્યાયઃ
શ્રીગરુડમહાપુરાણમ્- 176
શ્રીભગવાનુવાચ ।
સપ્તરાત્રાત્પ્રજાયન્તે ખલ્વાટસ્ય કચાઃ શુભાઃ ।
દગ્ધહસ્તિદન્તલેપાત્સાજાક્ષીરરસાઞ્જનાત્

ભૃઙ્ગરાજરસેનૈવ ચતુર્ભાગેન સાધિતમ્ ।
કેશવૃદ્ધિકરં તૈલં ગુઞ્જાચૂર્ણાન્વિતેન ચ

એલામાંસીકુષ્ઠમુરાયુક્તમભ્યઙ્ગતઃ શિવમ્ ।
ગુઞ્જાફલં સમાદેયં લેપનં ચન્દ્રલુપ્તનુત્

આમ્રાસ્થિચૂર્ણલેપાદ્વૈ કેશાઃ સૂક્ષ્મા ભવન્તિ ચ ।
કરઞ્જામલકૈલાલલાક્ષાલેપો ઽરુણાપહઃ

આમ્રાસ્થિમજ્જામલકલેપાત્કેશા ભવન્તિ વૈ ।
બદ્ધમૂલા ઘના દીર્ઘાઃ સ્નગ્ધાઃ સ્યુર્નોત્પતન્તિ ચ

વિડઙ્ગગન્ધપાષાણસાધિતં તૈલમુત્તમમ્ ।
સચતુર્ગુણગોમૂત્રં મનસઃ શિલમેવ વા

શિરો ઽભ્યઙ્ગાચ્છિરાજન્મયૂકાલિખ્યાઃ ક્ષયં નયેત્ ।
નવદગ્ધં શઙ્ખચૂર્ણં ઘૃષ્ટસીસકલેપિતમ્

કચાઃ શ્લક્ષ્ણા મહાકૃષ્ણા ભવન્તિ વૃષભધ્વજ ।
ભૃઙ્ગરાજં લોહચૂર્ણં ત્રિફલા બીજપૂરકમ્

નીલી ચ કરવીરં ચ ગુડમેતૈઃ સમં શૃતમ્ ।
પલિતાનીહ કૃષ્ણાનિ કુર્યાલ્લેપાન્મહૌષધમ્

આમ્રાસ્થિમજ્જા ત્રિફલા ની (તા) લી ચ ભૃઙ્ગ રાજકમ્ ।
જીર્ણં પક્વં લોહચૂર્ણં કાઞ્જિકં કૃષ્ણકેશકૃત્

ચક્રમર્દકબીજાનિ કુષ્ઠમેરણ્ડમૂલકમ્ ।
અત્યમ્લકાઞ્જિકં પિષ્ટ્વા લેપાન્મસ્તકરોગનુત્

સૈન્ધવં ચ વચા હિઙ્ગુ કુષ્ઠં નાગેશ્વરં તથા ।
શતપુષ્પા દેવદારુ એભિસ્તૈલં તુ સાધિતમ્

ગોપુરીપરસેનૈવ ચતુર્ભાગેન સંયુતમ્ ।
તત્કણભરણાદુગ્રકર્ણશૂલં ક્ષયં નયેત્

મેષમૂત્રસૈન્ધવાભ્યાં કર્ણયોર્ભરણાચ્છિવ ।
કર્ણયોઃ પૂતિનાશઃ સ્યાત્કૃમિસ્ત્રાવાદિકસ્ય ચ

માલતીપુપ્પદલયો રસેન ભરણાત્તથા ।
ગોજલેનૈવ પૂરેણ પૂયસ્ત્રાવો વિનશ્યતિ

કષ્ઠમાષમરીચાનિ તગરં મધુ પિપ્પલી ।
અપામાર્ગો ઽશ્વગન્ધા ચ બૃહતી સિતસર્ષપાઃ

યવાસ્તિલાઃ સૈન્ધવં ચ પાદિકોદ્વર્તનં શુભમ્ ।
લિઙ્ગબાહુસ્તનાનાં ચ કર્ણયોર્વૃદ્ધિકૃદ્ભવેત્ ।
કટુતૈલં ભલ્લાતકં બૃહતી ફલદાડિમમ્

વલ્કલૈઃ સાધિતૈર્લિપ્તં લિઙ્ગં તેન વિવર્ધતે