Garuda Purana · Chapter 1.174

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe yogasamadivarṇanaṃ nāma trisaptanyuttaraśatatamo 'dhyāyaḥ
śrīgaruḍamahāpurāṇam- 174
dhanvatariruvāca /
ghṛtatailādi vakṣyāmi śṛṇu suśruta roganut /
śaṅkhapuṣpī vacā somā brāhmī brahmasuvarcalā

abhayā ca guḍūcī ca aṭarūpakavāgujī /
etairakṣasamairbhāgairghṛtaprasthaṃ vipācayet

kaṇṭakāryā rasaprasthakṣīraprasthamamanvitam /
etadbrāhmīghṛtaṃ nāma śrutimedhākaraṃ param

triphalācitrakabalānirguṇḍī nimbavāsakāḥ /
punarnavā guḍūcī ca bṛhatī ca śatāvarī

etairghṛtaṃ yathālābhaṃ sarvarogavimardanam /
balāśatakaṣāye tu tailasyārdhāḍhakaṃ pacet /
kalkairmadhūkamañjiṣṭhācandanotpalapadmakaiḥ

sūkṣmailāpippalīkuṣṭhatvagelāgurukesaraiḥ /
gandhāśvajīvanīyaiśca kṣīrāḍhakasamāśritam

etanmṛdvagninā pakvaṃ sthāpayedrājate śubhe /
sarvavātavikārāṃstu sarvadhātvantarāśrayān

tailametatpraśamayedvalyākyaṃ rājavallabham /
śatāvarīrasaprasthaṃ kṣīraprasthaṃ tathaiva ca

śatapuṣpaṃ devadāru māṃsī śaileyakaṃ balā /
candanaṃ tagaraṃ kuṣṭaṃ manaḥ śilā jyotiṣmatī

etaiḥ karṣasamaiḥ kalkaiḥ ghṛtaprasthaṃ vipācayet /
kuvjavāmanapaṅgūnāṃ badhiravyaṅgakuṣṭhinām

vāyunā bhagnagātrāṇāṃ ye ca sīdanti maithune /
jarājarjaragātrāṇāṃ cādhmānamukha śoṣiṇām

tvaggatāścāpi ye vātā śirāsnāyugatāśca ye /
sarvāṃstānnāśayatyāśu tailaṃ rogakulāntakam

nārāyaṇamidaṃ tailaṃ viṣṇunoktaṃ rugardanam /
pṛthaktailaṃ ghṛtaṃ kuryātsamastairauṣadhaiḥ pṛthak

śatāvaryā guḍūcyā vā citrakai gocanānvitaiḥ /
nirguṇḍyā vā prasāraḥ syātkaṇṭakāryā rasādibhiḥ

varṣābhūvālayā vāpi vāsakana phalatrikaiḥ /
brāhayā caigṇḍakenāpi bhṛṅgarājena kuṣṭinā

musalyā daśamūlena khadireṇa vaṭādibhiḥ /
vaṭikā modako vāpi cūrṇa syātsarvaroganut

ghṛtena madhunā vāpi adbhiḥ khaṇḍaguḍādibhiḥ /
lavaṇaiḥ kaṭukairyuktaṃ yathālābhaṃ ca geganut

citrakārkatrivṛdvāpi yavānīhayamārakam /
sudhāṃ ca bālāṃ gaṇikāṃ saptaparṇasuvarcikām

jyotiṣmatīñca saṃbhṛtya tailaṃ dhīro vipācayet /
etanniṣyandanaṃ tailaṃ bhṛśaṃ dadyādbhagandare

śodhanaṃ gepaṇaṃ caiva sarvavarṇakaraṃ param /
citrakādyaṃ mahātailaṃ sarvarogaprabhañjanam

ajamodaṃ sasindūraṃ haritālaṃ niśādvayam /
kṣāradvayaṃ phenayutamārdraka sara (śavaḥ lodbhavam

indravāruṇyapāmārgakadalaiḥ syandanaiḥ samam /
ebhiḥ sarṣapajaṃ tailamajāmūtraiścayojitam

mṛdvagninā pacedetgavyakṣīreṇa saṃyutam /
ajamodādikaṃ tailaṃ gaṇḍamālāṃ vyapohati

vidagdhastu pacetpakvaṃ caiva viśodhayet /
ropaṇaṃ mṛdubhāvaṃ ca tailenānena kārayet