ગરુડ પુરાણ · અધ્યાય 1.174

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે યોગસમદિવર્ણનં નામ ત્રિસપ્તન્યુત્તરશતતમો ઽધ્યાયઃ
શ્રીગરુડમહાપુરાણમ્- 174
ધન્વતરિરુવાચ ।
ઘૃતતૈલાદિ વક્ષ્યામિ શૃણુ સુશ્રુત રોગનુત્ ।
શઙ્ખપુષ્પી વચા સોમા બ્રાહ્મી બ્રહ્મસુવર્ચલા

અભયા ચ ગુડૂચી ચ અટરૂપકવાગુજી ।
એતૈરક્ષસમૈર્ભાગૈર્ઘૃતપ્રસ્થં વિપાચયેત્

કણ્ટકાર્યા રસપ્રસ્થક્ષીરપ્રસ્થમમન્વિતમ્ ।
એતદ્બ્રાહ્મીઘૃતં નામ શ્રુતિમેધાકરં પરમ્

ત્રિફલાચિત્રકબલાનિર્ગુણ્ડી નિમ્બવાસકાઃ ।
પુનર્નવા ગુડૂચી ચ બૃહતી ચ શતાવરી

એતૈર્ઘૃતં યથાલાભં સર્વરોગવિમર્દનમ્ ।
બલાશતકષાયે તુ તૈલસ્યાર્ધાઢકં પચેત્ ।
કલ્કૈર્મધૂકમઞ્જિષ્ઠાચન્દનોત્પલપદ્મકૈઃ

સૂક્ષ્મૈલાપિપ્પલીકુષ્ઠત્વગેલાગુરુકેસરૈઃ ।
ગન્ધાશ્વજીવનીયૈશ્ચ ક્ષીરાઢકસમાશ્રિતમ્

એતન્મૃદ્વગ્નિના પક્વં સ્થાપયેદ્રાજતે શુભે ।
સર્વવાતવિકારાંસ્તુ સર્વધાત્વન્તરાશ્રયાન્

તૈલમેતત્પ્રશમયેદ્વલ્યાક્યં રાજવલ્લભમ્ ।
શતાવરીરસપ્રસ્થં ક્ષીરપ્રસ્થં તથૈવ ચ

શતપુષ્પં દેવદારુ માંસી શૈલેયકં બલા ।
ચન્દનં તગરં કુષ્ટં મનઃ શિલા જ્યોતિષ્મતી

એતૈઃ કર્ષસમૈઃ કલ્કૈઃ ઘૃતપ્રસ્થં વિપાચયેત્ ।
કુવ્જવામનપઙ્ગૂનાં બધિરવ્યઙ્ગકુષ્ઠિનામ્

વાયુના ભગ્નગાત્રાણાં યે ચ સીદન્તિ મૈથુને ।
જરાજર્જરગાત્રાણાં ચાધ્માનમુખ શોષિણામ્

ત્વગ્ગતાશ્ચાપિ યે વાતા શિરાસ્નાયુગતાશ્ચ યે ।
સર્વાંસ્તાન્નાશયત્યાશુ તૈલં રોગકુલાન્તકમ્

નારાયણમિદં તૈલં વિષ્ણુનોક્તં રુગર્દનમ્ ।
પૃથક્તૈલં ઘૃતં કુર્યાત્સમસ્તૈરૌષધૈઃ પૃથક્

શતાવર્યા ગુડૂચ્યા વા ચિત્રકૈ ગોચનાન્વિતૈઃ ।
નિર્ગુણ્ડ્યા વા પ્રસારઃ સ્યાત્કણ્ટકાર્યા રસાદિભિઃ

વર્ષાભૂવાલયા વાપિ વાસકન ફલત્રિકૈઃ ।
બ્રાહયા ચૈગ્ણ્ડકેનાપિ ભૃઙ્ગરાજેન કુષ્ટિના

મુસલ્યા દશમૂલેન ખદિરેણ વટાદિભિઃ ।
વટિકા મોદકો વાપિ ચૂર્ણ સ્યાત્સર્વરોગનુત્

ઘૃતેન મધુના વાપિ અદ્ભિઃ ખણ્ડગુડાદિભિઃ ।
લવણૈઃ કટુકૈર્યુક્તં યથાલાભં ચ ગેગનુત્

ચિત્રકાર્કત્રિવૃદ્વાપિ યવાનીહયમારકમ્ ।
સુધાં ચ બાલાં ગણિકાં સપ્તપર્ણસુવર્ચિકામ્

જ્યોતિષ્મતીઞ્ચ સંભૃત્ય તૈલં ધીરો વિપાચયેત્ ।
એતન્નિષ્યન્દનં તૈલં ભૃશં દદ્યાદ્ભગન્દરે

શોધનં ગેપણં ચૈવ સર્વવર્ણકરં પરમ્ ।
ચિત્રકાદ્યં મહાતૈલં સર્વરોગપ્રભઞ્જનમ્

અજમોદં સસિન્દૂરં હરિતાલં નિશાદ્વયમ્ ।
ક્ષારદ્વયં ફેનયુતમાર્દ્રક સર (શવઃ લોદ્ભવમ્

ઇન્દ્રવારુણ્યપામાર્ગકદલૈઃ સ્યન્દનૈઃ સમમ્ ।
એભિઃ સર્ષપજં તૈલમજામૂત્રૈશ્ચયોજિતમ્

મૃદ્વગ્નિના પચેદેત્ગવ્યક્ષીરેણ સંયુતમ્ ।
અજમોદાદિકં તૈલં ગણ્ડમાલાં વ્યપોહતિ

વિદગ્ધસ્તુ પચેત્પક્વં ચૈવ વિશોધયેત્ ।
રોપણં મૃદુભાવં ચ તૈલેનાનેન કારયેત્