Garuda Purana · Chapter 1.173

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe strīrogacikitsādikayanaṃ nāma dvisaptatyuttaraśatatamo 'dhyāyaḥ
śrīgaruḍamahāpurāṇam- 173
dhanvantariruvāca /
dravyāṇi madhurādīni vakṣye rāgaharāṇyaham /
śāliṣaṣṭikagodhṛmakṣīraṃ ghṛtaṃ rasā madha

majjāśṛṅgāṭakayavakaśervivārugīkṣuram /
gambhagī pauṣkaraṃ bījaṃ drākṣā kharjūrakaṃ balā

nārikalekṣvātmaṇuptā vidārī ca priyālakam /
madhukaṃ tālakaṣmāṇḍaṃ mukhyo 'yaṃ madhuro gaṇaḥ

mūrchādāhapraśamanaḥ paḍindriyaprasādanaḥ /
kṛmikṛtkaphakṛccaiva eko 'tyartha nipevitaḥ

śvāsakāsāmyamādhuryasvaraghātārvudāni ca /
galagaṇḍaślīpadāni guḍalepādi kārayet

dāḍimāmalakāmraṃ ca kapitthakaramardakau /
mātuluṅgāmrātakaṃ ca badaraṃ tintaḍīphalam

dadhi takraṃ kāñjikaṃ ca lakucaṃ cāmlave tasam /
amlo loṇaḥ śuṇṭhīyukto jāraṇaḥ pācano rasaḥ

kledano vātakṛddhṛpyo vidāhī cānulomanaḥ /
amlo 'tyarthaṃ sevyamānaḥ kuryāddhai dantaharṣakam

śarīrasya ca śaitilyaṃ svarakaṇṭhāsyahṛddahet /
chinnabhinnavraṇādīni pācayitvāgnibhāvitaḥ

lavaṇāni yavakṣārasarjikādiśca lāvaṇaḥ /
śodhanaḥ pācanaḥ kledī viśleṣasarpaṇādikṛt

mārgarodhī mārdavakṛtsa ekaḥ pariṣevitaḥ /
gātrakaṇḍūkoṣṭhaśothavaivarṇyaṃ janayedrasaḥ /
raktavātaṃ pittaraktaṃ puṃstvendriyarujādikam

vyoṣaśigrūmūlakaṃ devadāru ca kuṣṭhakam /
laśunaṃ valgujī phalaṃ mustāguggululāṅgalī

kaṭuko dīpanaḥ śodhī kuṣṭhakaṇḍūkaphāntakṛt /
sthaulyālasyakrimiharaḥ śukramedovirodhanaḥ /
eko 'tyarthaṃ sevyamānaḥ bhramadāhādikṛdbhavet

kṛtamālaḥ kīrāṇi haridrendrayavāstathā /
svādukaṇṭakavetrāṇi bṛhatīdvayaśaṅkhinī

guḍūcī cadravantī ca trivṛnmaṇḍūkaparṇyapi /
kāravellakavārtākukaravīrakavāsakāḥ

rohiṇī śaṅkhacūrṇaṃ ca karkoṭo vai jayantikā /
jātīvāruṇakaṃ nimbo jyotiṣmatī punarnavā

tikto rasaśchedanaḥ syādrocanī dīpanastathā /
śodhano jvaratṛṣṇāghno mūrchākaṇṭhārtikādijit

viṇmūtrakledasaṃśoṣo hyatyarthaṃ sa ca sevitaḥ /
hanustambhākṣepakārtiśiraḥ śūlabraṇādikṛt

triphalāsallakījambu āmrātakavacādikam /
tindukaṃ vakulaṃ śālaṃ pālaṅkīmudgacillakam

kaṣāyo grāhako ropī stambhanakledaśoṣaṇaḥ /
eko 'tyarthaṃ sevyamāno hṛdaye cātha pīḍakaḥ /
mukhaśoṣajvarādhmānamanyāstambhādikārakaḥ

haridrākuṣṭhalavaṇaṃ meṣaśṛṅgibalādvayam /
kacchurā sallakī pāṭhā punarnavā śatāvarī

agni mantho brahmadaṇḍī śvadaṃṣṭrairaṇḍake tathā /
yavakolakulatthādikarṣāśī daśamūlakam /
pṛthak samasto vātātorbahupittaharastathā

śatāvarī vidārī ca bālakośīracandanam /
dūrvā vaṭaḥ pippalī ca badarī sallakī tathā

kadalī cotpalaṃ padmamudumbarapaṭolakan /
atha śleṣmaharo vargo haridrāguḍakuṣṭhakam

śatapuṣpī ca jātī ca vyoṣāragvadhalāṅgalī /
sarpistailavasāmajjāḥ sneheṣu pravaraṃ smṛtam

tathā dhīsmṛtimedhāgnikāṅkṣiṇāṃ śasyate ghṛtam /
kevalaṃ paittike sarpirvātike lavaṇānvitam

deyaṃ bahukaphe vāpi vyoṣakṣārasamāyutam /
granthināḍīkṛmisleṣmamedomārutarogiṣu

tailaṃ lāghavadārḍhyāya krūrakoṣṭheṣu dehiṣu /
vātātapāmbubhārastrīvyāyāmakṣīṇadhātuṣu

rūkṣakleśakṣayātyāgnivātā vṛtapatheṣu /
atha dagdhvā śirājālaṃ yonikarma śiroruji (jam )

uttamasya palaṃ mātrā tribhiścākṣaiśca madhyame /
jaghanyasya palārdhena snehakvāthauṣadheṣu ca

jalamuṣṇaṃ ghṛte deyaṃ pṛthak taile tu śasyate /
senehe pitte tu tṛṣṇāyāṃ pibeduṣṇodakaṃ naraḥ

vātānulomaṃ dīptāgrarvarcaḥ snigdhasya tanmatam /
rūkṣamya snedṛnaṃ kāryamabhisnigdhasya rūkṣaṇam

śyāmākakoradoṣānnatakrapiṇyākasakubhiḥ /
vātaśleṣmāṇi vāte vā kaphe vā sveda iṣyate /
na svedayedatimthūlarūkṣadurvalamūrchitān