Scripture Library

Garuda Purana · Chapter 1.172

1.172.1

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe nāḍīvraṇādicikitsāvarṇanaṃ nāmaikasaptatyuttaraśatatamo 'dhyāyaḥ
śrīgaruḍamahāpurāṇam- 172
dhanvantariruvāca /
strīrogādicikitsāṃ ca vakṣye suśruta tacchṛṇu /
yonivyāpatsu bhūyiṣṭaṃ śasyate karma vātajit

1.172.2

vacopakuñcikājātīkṛṣṇāvāsakasaindhavam /
ajamodāyavakṣāraṃ citrakaṃ śarkarānvitam

1.172.3

piṣṭvāloḍya jalādyaiśca khādayeddhṛtabharjitam /
yonipārśvārtihṛdrogagulmārśo vinivartayet

1.172.4

badarīpatrasaṃlepādyonirbhinnā praśāmyati /
lodhratumbīphalālepādyonerdārḍhyaṃ karoti ca

1.172.5

pañcapallavapiṣṭāhvamālatīkusumairghṛtam /
ravipakvamasṛgdhāraṃ yonigandhavināśanam

1.172.6

sakāñjikaṃ japāpuṣpapuṣpaṃ jyotiṣmatīdalam /
dūrvāpiṣṭaṃ ca saṃprāśya citrakaṃ śarkarānvitam

1.172.7

dhātryañjanābhayācūrṇaṃ toyapītaṃ rajo haret /
sadugdhā lakṣmaṇā pītā nasyādvā putradā ṛtau

1.172.8

dugdhasyārdhāḍhakaṃ cājyamaśvagandhā ca putradā /
vandhyā putraṃ labhetpītvā ghṛtena vyopakesaram

1.172.9

kuśakāśorucṛkānāṃ mṛlairgokṣurakasya ca /
śṛtaṃ dugdhaṃ sitāyuktaṃ garbhiṇyāḥ śūlanutparam

1.172.10

pāṭhālāṅgalisiṃhāmyamayūrakūṭajaiḥ pṛthak /
nābhibasti bhagālepātsukhaṃ nārī prasūyate

1.172.11

sūtāyā hṛcchirobastiśūlamarkanda (kvalla) saṃjñitam /
yavakṣāraṃ pibettatra mastu koṣṇodakena vā

1.172.12

daśamūlīkṛtaḥ ktāthaḥ sājyaḥ mūtirujāpahaḥ /
śātilaṇḍulacūrṇaṃ tu sadugdhaṃ dugdhakṛdbhavet

1.172.13

vidārī kandasvarasaṃ mūlaṃ kārpāsajaṃ tathā /
dhātrī stanyaviśuddhyarthaṃ mudgayūparasāśinī

1.172.14

kuṣṭhā vacābhayā brāhmī madhurā kṣaudrasarpiṣā /
varṇāyuḥ kāntijananaṃ lehyaṃ vālamya dāpayet

1.172.15

stanyābhāve payaśchāgaṃ gavyaṃ vā tadguṇaṃ pivet /
svedanaṃ nāgniśophārte mṛdā syādagnitaptayā

1.172.16

leho mustavipāyāśca vamikāsajvare pibet /
sustaśuṇṭhīviṣāvilvakūṭajairatisāranuta

1.172.17

madhu vyoṣaṃ mātuluṅgaṃ hikkācchardinivāraṇam /
kuṣṭhendrayavasiddhārthā niśā dūrvā ca kuṣṭhajit

1.172.18

mahāmuṇjitikojīcyakāthaiḥ snānaṃ grahāpaham /
saptacchadāmayaniśācandanaiścānulepanam

1.172.19

śaṅkhābjabījarudrākṣavacālauhādidhāraṇam /
oṃ kaṃ ṭaṃ yaṃ gaṃ vainateyāya namaḥ /
oṃ hoṃ hāṃ haḥ mantreṇa śāntirvālānāṃ mārjanādvalidānataḥ /
oṃ hrīṃ bālamrahādvaliṃ gṛhṇīta vālaṃ muñcata svāhā

1.172.20

taṇḍulādbhiḥ śirīpasya palaṃ pītaṃ viṣāpaham /
taṇḍulādbhiśca varṣābhvāḥ śuklāyāḥ sarpadaṃśanut

1.172.21

dadhyājyaṃ taṇḍulīyaṃ ca gṛhadhṛmo niśā tathā /
piṣṭaṃ pānaṃ tathā kṣaudraṃ sindhṛtthasya vipāntakam

1.172.22

aṅkoṭamūlaniṣkvāthaḥ sājyaḥ pīto viṣāntakaḥ /
yajjarāvyādhividhvaṃsi bheṣajaṃ tadrasāyanam

1.172.23

sindūtyarārkarāśuṇṭhīkaṇāmadhuguḍaiḥ kramāt /
varṣādiṣvabhayā sevyā rasāyanaguṇauṣiṇā

1.172.24

jvarasyānte 'bhayāṃ caikāṃ prabhuṅkte dve vibhītake /
bhuktvā madhvājyadhātrīṇāṃ catuṣkaṃ śatavarṣakṛt

1.172.25

pītāśvagandhā payasā ghṛtenāśeparoganut /
maṇḍūkaparṇyāḥ svaraso vidāryāścāmṛtopamaḥ

1.172.26

tiladhātrībhṛṅgarājau jagdhvā varṣaśatī bhavet /
trikaṭu triphalā vahnirguḍūcī ca śatāvarī

1.172.27

viḍaṅgalohacūrṇaṃ tu madhunā saha roganut /
triphalā ca kaṇā śuṇṭhī guḍūcī ca śatāvarī

1.172.28

viḍaṅgabhṛṅgarājādi bhāvitaṃ sarvaroganut /
cūrṇaṃ vidāryā madhvājyaṃ līḍhvā daśa striyo vrajet

1.172.29

ghṛtaṃ śatāvarīkalkaiḥ kṣīrairdaśaguṇaiḥ pacet /
śarkarāpippalīkṣaudrayuktaṃ vā jārakaṃ viduḥ

1.172.30

pratimarṣo 'vapīḍaśca nasyaṃ pravapanaṃ tathā /
śirovirecanaṃ ceti pañcakarma ca kathyate

1.172.31

māsairdvisaṃkhyairmāghādyaiḥ kramātṣaḍṛtavaḥ smṛtāḥ /
agnisevāmadhukṣīravikṛtīḥ paripevayet

1.172.32

strīyuktaḥ śiśire tadvadvasante na divā svapet /
tyajedvarṣāsu svapnādīñcharadindośca raśmayaḥ

1.172.33

pathyāni śālayo mudrā varṣāmbhaḥ kvathitaṃ payaḥ /
nimvātasīkusumbhānāṃ śigrusarṣapayostathā

1.172.34

jyotiṣmatīmūlakānāṃ tailāni ca haranti hi /
kṛmikuṣṭhapramehāṃśca vātaśleṣmaśirorujaḥ

1.172.35

dāḍimāmalakīkolakaramardpiyālakam /
jambīraṃ nāgaggaṃ ca āmrātakakapinthakam

1.172.36

pittalānyanilaghnāni kaphotkleśakarāṇica /
jalaṃ jīmūtakekṣvākukuṭajākṛtabandhanam

1.172.37

dhāmārgavaśca saṃyojyāḥ sarvathā vamaneṣvamī /
pūrvāhne vamanāyete madanendrayavī vacā

1.172.38

mṛdukoṣṭaśca pittena kharo vātakaphāśrayāt /
madhyamaḥ samadoṣe syāttrivṛttite virecanam

1.172.39

śarkarāmadhusaṃyuktaṃ saindhavaṃ nagaraṃ trivṛt /
harītakīvihaṅgāni gomūtreṇa virecanam

1.172.40

eraṇḍatailaṃ triphalākvāthaśca dviguṇastathā /
vātolbaṇeṣu doṣeṣu bhojayitvātha vāmayet

1.172.41

vaṃśādinetraṃ kurvīta paḍaṣṭadvādaśāṅgulam /
karkandhṛphalavacchidraṃ vastiruttānaśāyine

1.172.42

nirūhadāne 'pi vidhirayamevamudīritaḥ /
ardhatripaṭpale mātrā laghumadhyottamaḥ kramāt

1.172.43

pathyākṣavātryokadvicaturbhāga rugardanāḥ /
śatavaryasṛtābhṛṅgasindhuvārādibhāvitāḥ

Original text: Garuḍapurāṇa · Edition: Bombay : Venkatesvara Steam Press (or a reprint thereof) · Data entry members of the Sansknet Project · GRETIL (Göttingen) · CC BY-NC-SA 4.0