ગરુડ પુરાણ · અધ્યાય 1.141

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે ચન્દ્રવંશવર્ણનં નામ ચત્વારિંશદુત્તરશતતમો ઽધ્યાયઃ
શ્રીગરુડમહાપુરાણમ્- 141
હરિરુવાચ ।
શતાનીકો હ્યશ્વમેધદત્તશ્ચાપ્યધિસોમકઃ ।
કૃષ્ણો ઽનિરુદ્ધશ્ચાપ્યુષ્ણસ્તતશ્ચિત્રરથો નૃપઃ

શુચિદ્રથો વૃષ્ણિમાંશ્ચ સુપેણશ્ચ સુનીથકઃ ।
નૃચક્ષુશ્ચ મુખાબાણઃ મેધાવી ચ નૃપઞ્જયઃ

પારિપ્લવશ્ચ મુનયો મેધાવી ચ નૃપઞ્જયઃ ।
બૃહદ્રથો હરિસ્તિગ્મો શતાનીકઃ સુદાનકઃ

ઉદાનો ઽહ્નિનરશ્ચૈવ દણ્ડપાણિર્નિમિત્તકઃ ।
ક્ષેમકશ્ચ તતઃ શૂદ્રઃ પિતા પૂર્વસ્તતઃ સુતઃ

બૃહદ્બલાસ્તુ કથયન્તે નૃપોશ્ચૈક્ષ્વાકુવંશજાઃ ।
બૃહદ્બલાદુરુક્ષયો વત્સવ્યૂહસ્તતઃ પરઃ

વત્સવ્યૂહાત્તતઃ સૂર્યઃ સહદેવસ્તદાત્મજઃ ।
બૃહદશ્વો ભાનુરથઃ પ્રતીચ્યશ્ચ પ્રતીતકઃ ।
મનુદેવઃ સુનક્ષત્રઃ કિન્નરશ્ચાન્તરિક્ષકઃ

સુપર્ણઃ કૃતજિચ્ચૈવ બૃહદ્ભ્રાજશ્ચ ધાર્મિકઃ ।
કૃતઞ્જયો ધનઞ્જયઃ સંજયઃ શાક્ય એવ ચ

શુદ્ધોદનો બાહુલશ્ચ સેનજિત્ક્ષુદ્રકસ્તથા ।
સુમિત્રઃ કુડવશ્ચાતઃ સુમિત્રાન્માગધાઞ્છણુ

જરાસન્ધઃ સહદેવઃ સોમાપિશ્ચ શ્રુતશ્રવાઃ ।
અયુતાયુર્નિરમિત્રઃ સુક્ષત્રો બહુકર્મકઃ

શ્રુતઞ્જયઃ સેનજિચ્ચ ભૂરિશ્ચૈવ શુચિસ્તથા ।
ક્ષેમ્યશ્ચ સુવ્રતો ધર્મઃ શ્મશ્રુલો દૃઢસેનકઃ

સુમતિઃ સુબલો નીતો સત્યજિદ્વિશ્વજિત્તથા ।
ઇષુઞ્જયશ્ચ ઇત્યેતે નૃપા બાર્હદ્રથાઃ સ્મૃતાઃ

અધર્મિષ્ઠાશ્ચ શૂદ્રાશ્ચ ભવિષ્યન્તિ નૃપાસ્તતઃ ।
સ્વર્ગાદિકૃદ્ધિ ભગવાન્સાક્ષાન્નારાયણો ઽવ્યયઃ

નૈમિત્તિકઃ પ્રાકૃતિકસ્તથૈવાત્યન્તિકો લયઃ ।
યાતિ ભૂઃ પ્રલયં ચાપ્સુ હ્યાપસ્તેજસિ પાવકઃ

વાયૌ વાયુશ્ચ વિયતિ ત્વાકાશૌ યાત્યહઙ્કૃતૌ ।
અહં બુદ્ધૌ મતિર્જોવે જીવો ઽવ્યક્તે તદાત્મનિ

આત્મા પરેશ્વરો વિષ્ણુરેકો નારાયણો નરઃ ।
અવિનાશ્યપરં સર્વં જગત્સ્વર્ગાદિ નાશિ હિ

નૃપાદયો ગતા નાશમતઃ પાપં વિવર્જયેત્ ।
ધર્મં કુર્યાત્સ્થિરં યેન પાપં હિત્વા હરિં વ્રજેત્