ગરુડ પુરાણ · અધ્યાય 1.139

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે સૂર્યવંશવર્ણનં નામાષ્ટત્રિંશદુત્તરશતતમો ઽધ્યાયઃ
શ્રીગરુડમહાપુરાણમ્- 139
હરિરુવાચ ।
સૂર્યસ્ય કથિતો વંશઃ સોમવંશં શૃણુષ્વ મે ।
નારાયણસુતો બ્રહ્મા બ્રહ્મણો ઽત્રેઃ સમુદ્ભવઃ

અત્રેઃ સોમસ્તસ્ય ભાર્યા તારા સુરગુરોઃ પ્રિયા ।
સોમાત્તરા બુધં જજ્ઞે બુધપુત્રઃ પુરૂરવાઃ

બુધપુત્રાદથોર્વશ્યાં ષટ્ પુત્રાસ્તુ શ્રુતાત્મકઃ ।
વિશ્વાવસુઃ શતાયુશ્ચ આયુર્ધોમાનમાવસુઃ

અમાવસોર્ભોમનામા ભીમપુત્રશ્ચ કાઞ્ચનઃ ।
કાઞ્ચનસ્ય સુહોત્રો ઽભૂજ્જહ્રુશ્ચાભૂત્સુહોત્રતઃ

જહ્નોઃ સુમન્તુરભવત્સુમન્તોરપજાપકઃ ।
બલાકાશ્વસ્તસ્ય પુત્રો બલાકાશ્વાત્ કુશઃ સ્મૃતઃ

કુશાશ્વઃ કુશનાભશ્ચામૂર્તરયો વસુઃ કુશાત્ ।
ગાધિઃ કુશાશ્વાત્સંજજ્ઞે વિશ્વામિત્રસ્તદાત્મજઃ

કન્યા સત્યવતી દત્તા ઋચીકાય દ્વિજાય સા ।
ઋચીકાજ્જમદાગ્નિશ્ચ રામસ્તસ્યાભવત્સુતઃ

વિશ્વામિત્રાદ્દેવરાતમદુચ્છન્દાદયઃ સુતાઃ ।
આયુષો નહુષસ્તસ્માદનેના રજિરમ્ભકૌ

ક્ષત્ત્રવૃદ્ધઃ ક્ષત્ત્રવૃદ્ધાત્સુહોત્રશ્ચાભવન્નૃપઃ ।
કાશ્યકાશૌગૃત્સમદઃ સુહોત્રાદભવંસ્ત્રયઃ

ગૃત્સમદાચ્છૌન કો ઽભૂત્કાશ્યાદ્દીર્ઘતમાસ્તથા ।
વૈદ્યો ધન્વન્તરિસ્તસ્માત્કેતુમાંશ્ચ તદાત્મજઃ

ભીમરથઃ કેતુમતો દિવોદાસસ્તદાત્મજઃ ।
દિવોદાસાત્પ્રતર્દનઃ શત્રુજિત્સો ઽત્ર વિશ્રુતઃ

ઋતધ્વજસ્તસ્ય પુત્રો હ્યલર્કશ્ચ ઋતધ્વજાત્ ।
અલર્કાત્સન્નતિર્જજ્ઞે સુનીતઃ સન્નતેઃ સુતઃ

સત્યકેતુઃ સુનીતસ્ય સત્યકેતોર્વિભુઃ સુતઃ ।
વિભોસ્તુ સુવિભુઃ પુત્રઃ સુવિભોઃ સુકુમારકઃ

સુકુમારાદ્ધૃષ્ટકેતુર્વોતિહોત્રસ્તદાત્મજઃ ।
વીતિહોત્રસ્ય ભર્ગો ઽભૂદ્ભર્ગભૂમિસ્તદાત્મજઃ

વૈષ્ણવાઃ સ્યુર્મહાત્માન ઇત્યેતે કાશયો નૃપાઃ ।
પઞ્ચપુત્રશતાન્યાસન્રજેઃ શક્રેણ સંહૃતાઃ

પ્રતિક્ષત્ત્રઃ ક્ષત્ત્રવૃદ્ધાત્સંજયશ્ચ ત દાત્મજઃ ।
વિજયઃ સંજયસ્યાપિ વિજયસ્ય કૃતઃ સુતઃ

કૃતાદ્વૃષધનશ્ચાભૂત્સહદેવસ્તદાત્મજઃ ।
સહદેવાદદીનો ઽભૂજ્જયત્સેનો ઽપ્યદીનતઃ

જયત્સેનાત્સંકૃતિશ્ચ ક્ષત્ત્રધર્મા ચ સંકૃતેઃ ।
યતિર્યયાતિઃ સંયાતિરયાતિર્વિકૃતિઃ ક્રમાત્

નહુષસ્ય સુતાઃ ખ્યાતા યયાતેર્નૃપતેસ્તથા ।
યદું ચ તુર્વસું ચૈવ દેવયાની વ્યજાયત

દ્રુહ્યું ચાનું ચ પૂરુઞ્ચ શર્મિષ્ઠા વાર્ષપાર્વણી ।
સહસ્રજીત્ક્રોષ્ટુમના રઘુશ્ચૈવ યદોઃ સુતાઃ

સહસ્રજિતઃ શતજિત્તસ્માદ્વૈ હયહૈહયૌ ।
અનરણ્યો હયાત્પુત્રો ધર્મો હૈહયતો ઽભવત્

ધર્મસ્ય ધર્મનેત્રો ઽબૂત્કુન્તિર્વૈ ધર્મનેત્રતઃ ।
કુન્તેર્બભૂત સાહઞ્જિર્મહિષ્માંશ્ચ તદાત્મજઃ

ભદ્રશ્રેણ્યસ્તસ્ય પુત્ત્રો ભદ્રશ્રેણયસ્ય દુર્દમઃ ।
ધનકો દુર્દમાચ્ચૈવ કૃતવીર્યશ્ચ જાનકિઃ

કૃતાગ્નિઃ કૃતકર્મા ચ કૃતૌજાઃ સુમહાબલઃ ।
કૃતવીર્યાદર્જુનો ઽભૂદર્જુનાચ્છૂરસેનકઃ

જયધ્વજો મધુઃ શૂરો વૃષણઃ પઞ્ચ સવ્રતાઃ ।
જયધ્વજાત્તાલજઙ્ઘો ભરતસ્તાલજઙ્ગતઃ

વૃષણસ્ય મધુઃ પુત્ત્રો મધોર્વૃષ્ણ્યાદિવંશકઃ ।
ક્રોષ્ટોર્વિજજ્ઞિવાન્પુત્ત્ર આહિસ્તસ્ય મહાત્મનઃ

આહેરુશઙ્કુઃ સંજજ્ઞેતસ્ય ચિત્રરથઃ સતઃ ।
શશબિન્દુશ્ચિત્રરથાત્પત્ન્યો લક્ષઞ્ચ તસ્ય હ

દશલક્ષઞ્ચ પુત્રાણાં પૃથુકીર્ત્યાદયો વરાઃ ।
પૃથુકીર્તિઃ પૃથુજયઃ પૃથુદાનઃ પૃથુશ્રવાઃ

પૃથુશ્રવસો ઽભૂત્તમ ઉશનાસ્તમસો ઽભવત્ ।
તત્પુત્રઃ શિતગુર્નામ શ્રીરુક્મકવચસ્તતઃ

રુક્મશ્ચ પૃથુરુક્મશ્ચ જ્યામઘઃ પાલિતો હરિઃ ।
શ્રીરુક્મકવચસ્યૈતે વિદર્ભો જ્યામઘાત્તથા

ભાર્યાયાઞ્ચૈવ શૈબ્યાયાં વિદર્ભાત્ક્રથકૌશિકૌ ।
રોમપાદો રોમપાદાદ્બભ્રુર્બભ્રોર્ધૃતિસ્તથા

કૌશિકસ્ય ઋચિઃ પુત્રઃ તતશ્ચૈદ્યો નૃપઃ કિલ ।
કુન્તિઃ કિલાસ્ય પુત્રો ઽભૂત્કુન્તેર્વૃષ્ણિઃ સુતઃ સ્મૃતઃ

વૃષ્ણેશ્ચ નિવૃતિઃ પુત્રો દશાર્હે નિવૃતેસ્તથા ।
દશાર્હસ્ય સુતો વ્યોમા જીમૂતશ્ચ તદાત્મજઃ

જીમૂતાદ્વિકૃતિર્જજ્ઞે તતો ભીમરથો ઽભવત્ ।
તતો મધુરથો જજ્ઞે શકુનિસ્તસ્ય ચાત્મજઃ

કરમ્ભિઃ શકુનેઃ પુત્રસ્તસ્ય વૈ દેવવાન્સ્મૃતઃ ।
દેવક્ષત્ત્રો દેવનતો દેવક્ષત્ત્રાન્મધુઃ સ્મૃતઃ

કુરુવંશો મધોઃ પુત્રો હ્યનુશ્ચ કુરુવંશતઃ ।
પુરુહોત્રો હ્યનોઃ પુત્રો હ્યંશુશ્ચ પુરુહોત્રતઃ

સત્ત્વશ્રુતઃ સુતશ્ચાંશોસ્તતો વૈ સાત્ત્વતો નૃપઃ ।
ભજિનો ભજમાનશ્ચ સાત્વતાદન્ધકઃ સુતઃ

મહાભોજો વૃષ્ણિ દિવ્યાવન્યો દેવાવૃધો ઽભવત્ ।
નિમિવૃષ્ણી ભજમાનાદયુતાજિત્તથૈવ ચ

શતજિચ્ચ સહસ્રાજિદ્બભ્રુર્દેવો બૃહસ્પતિઃ ।
મહાભોજાત્તુ ભોજો ઽભૂત્તદ્વૃષ્ણેશ્ચ સુમિત્રકઃ

સ્વધાજિત્સંજ્ઞકસ્તસ્માદનમિત્રાશિની તથા ।
અનમિત્રસ્ય નિઘ્નો ઽભૂન્નિઘ્નાચ્છત્રાજિતો ઽભવત્

પ્રસેનશ્ચાપરઃ ખ્યાતો હ્યનમિત્રાચ્છિબિસ્તથા ।
શિબેસ્તુ સત્યકઃ પુત્રઃ સત્યકાત્સાત્યકિસ્તથા

સાત્યકેઃ સઞ્જયઃ પુત્રઃ કુલિશ્ચૈવ તદાત્મજઃ ।
કુલેર્યુગન્ધરઃ પુત્રસ્તે શૈબેયાઃ પ્રકીર્તિતાઃ

અનમિત્રાન્વયે વૃષ્ણિઃ શ્વફલ્કશ્ચિત્રકઃ સુતઃ ।
શ્વફલ્કાચ્ચૈવગાન્દિન્યામક્રૂરો વૈષ્ણવો ઽભવત્

ઉપમદ્ગુરથાક્રૂરાદ્દેવદ્યોતસ્તતઃ સુતઃ ।
દેવવાનુપદેવશ્ચ હ્યક્રૂરસ્ય સુતૌ સ્મૃતૌ

પૃથુર્વિપૃથુશ્ચિત્રસ્ય ત્વન્ધકસ્ય શુચિઃ સ્મૃતઃ ।
કુકુરો ભજમાનસ્ય તથા કમ્બલબર્હિષઃ

ધૃષ્ટસ્તુ કુકુરાજ્જજ્ઞે તસ્માત્કાપોતરોમકઃ ।
તદાત્મજો વિલોમા ચ વિલોમ્નસ્તુમ્બુરુઃ સુતઃ

તસ્માચ્ચદુન્દુભિર્જજ્ઞે પુનર્વસુરતઃ સ્મૃતઃ ।
તસ્યાહુકશ્ચાહુકી ચ કન્યા ચૈવાહુકસ્ય તુ

દેવકશ્ચોગ્રસેનશ્ચ દેવકાદ્દેવકી ત્વભૂત્ ।
વૃકદેવોપદેવાચ સહદેવા સુરક્ષિતા

શ્રીદેવી શાન્તિદેવી ચ વસુદેવ ઉવાહ તાઃ ।
દેવવાનુપદેવશ્ચ સહદેવાસુતૌ સ્મૃતૌ

ઉગ્રસેનસ્ય કંસો ઽભૂત્સુનામા ચ વટાદયઃ ।
વિદૂરથો ભજમાનાચ્છૂરશ્ચાભૂદ્વિદૂરથાત્

વિદૂરથસુતસ્યાથ સૂરસ્યાપિ શમી સુતઃ ।
પ્રતિક્ષત્ત્રશ્ચ શમિનઃ સ્વયમ્ભોજસ્તદાત્મજઃ

હૃદિકશ્ચ સ્વયમ્ભોજાત્કૃતવર્મા તદાત્મજઃ ।
દેવઃ શતધનુશ્ચૈવ શૂરાદ્વૈ દેવમીઢુષઃ

દશ પુત્રા મારિષાયાં વસુદેવાદયો ઽભવન્ ।
પૃથા ચ શ્રુતદેવી ચ શ્રુતકીર્તિઃ શ્રુતશ્રવાઃ

રાજાધિદેવો શૂરાચ્ચ પૃથાં કુન્તેઃ સુતામદાત્ ।
સા દત્તા કુન્તિના પાણ્ડોસ્તસ્યાં ધર્માનિલેન્દ્રકૈઃ

યુધિષ્ઠિરો ભીમપાર્થો નકુલઃ સહદેવકઃ ।
માદ્રયાં નાસત્યદસ્ત્રાભ્યાં કુન્ત્યાં કર્ણઃ પુરાભવત્

શ્રુતદેવ્યાં દન્તવક્રો જજ્ઞે વૈ યુદ્ધદુર્મદઃ ।
સન્તર્દનાદયઃ પઞ્ચ શ્રુતકીર્ત્યાઞ્ચ કૈકયાત્

રાજાધિદેવ્યાં જજ્ઞાતે વિન્દશ્ચૈવાનુવિન્દકઃ ।
શ્રુતશ્રવા દમઘોષાત્પ્રજજ્ઞે શિશુપાલકમ્

પૌરવી રોહીણા ભાર્યા મદિરાનકદુન્દુભેઃ ।
દેવકીપ્રમુખા ભદ્રા રોહિણ્યાં બલભદ્રકઃ

સારણાદ્યાઃ શઠશ્ચૈવ રેવત્યાં બલભદ્રતઃ ।
નિશઠશ્ચોલ્મુકો જાતો દેવક્યાં ષટ્ ચ જજ્ઞિરે

કીર્તિમાંશ્ચ સુષેણશ્ચ હ્યુદાર્યો ભદ્રસેનકઃ ।
ઋજુદાસો ભદ્રદેવઃ કંસ એવાવધીચ્ચ તાન્

સંકર્ષણઃ સપ્તમો ઽભૂદષ્ટમઃ કૃષ્ણ એવ ચ ।
ષોડશસ્ત્રીસહસ્રાણિ ભાર્યાણાઞ્ચાભવન્હરેઃ

રુક્મિણી સત્યભામા ચ લક્ષ્મણા ચારુહાસિની ।
શ્રેષ્ઠા જામ્બવતી ચાષ્ટૌ જજ્ઞિરે તાઃ સુતાન્બહૂન્

પ્રદ્યુમ્નશ્ચારુદેષ્ણશ્ચ પ્રધાનાઃ સામ્બ એવ ચ ।
પ્રદ્યુમ્નાદનિરુદ્ધો ઽભૂત્કકુદ્મિન્યાં મહાબલઃ

અનિરુદ્ધાત્સુભદ્રાયાં વજ્રો નામ નૃપો ઽભવત્ ।
પ્રતિબાહુર્વજ્રસુતશ્ચારુસ્તસ્ય સુતો ઽભવત્

વહ્નિસ્તુ તુર્વસોર્વંશે વહ્નેર્ભર્ગો ઽભવત્સુતઃ ।
ભર્ગાદ્ભાનુરભૂત્પુત્રો ભાનોઃ પુત્રઃ કરન્ધમઃ

કરન્ધમસ્ય મરુતો દ્રુહ્યોર્વંશં નિબોધ મે ।
દ્રહ્યોસ્તુ તનયઃ સેતુરારદ્ધશ્ચ તદાત્મજઃ

આરદ્ધસ્યૈવ ગાન્ધ રો ઘર્મો ગાન્ધારતો ઽભવત્ ।
ઘૃતસ્તુ ઘર્મપુત્રો ઽભૂદ્દુર્ગમશ્ચ ઘૃસ્ય તુ

પ્રચેતા દુર્ગમસ્યૈવ અનોર્વંશં શૃણુષ્વ મે ।
અનોઃ સભાનરઃ પુત્રસ્તસ્મા કાલઞ્જયો ઽભવત્

કાલઞ્જયાત્સૃઞ્જયો ઽભૂત્સૃઞ્જયાત્તુ પુરુઞ્જયઃ ।
જનમેજયસ્તુ તત્પુત્રો મહાશાલસ્તદાત્મજઃ

મહામના મહાશાલદુશીનર ઇહ સ્મૃતઃ ।
અશીનરાચ્છિબિર્જજ્ઞે વૃષદર્ભઃ શિવેઃ સુતઃ

મહામનોજાત્તિતિક્ષોઃ પુત્રો ઽભૂચ્ચ રુષદ્રથઃ ।
હેમો રુષદ્રથાજ્જજ્ઞે સુતપા હેમતો ઽભવત્

બલિઃ સુતપસો જજ્ઞે હ્યઙ્ગવઙ્ગકલિઙ્ગકાઃ ।
અન્ધઃ પૈણ્ડ્રશ્ચ બાલેયા હ્યનપાનસ્તથાઙ્ગતઃ

અનપાનાદ્દિવિરથસ્તતો ધર્મરથો ઽભવત્ ।
રોમપાદો ધર્મરથાચ્ચતુરઙ્ગસ્તદાત્મજઃ

પૃથુલાક્ષસ્તસ્ય પુત્રશ્ચમ્પો ઽભૂત્પૃથુલાક્ષતઃ ।
ચમ્પપુત્રશ્ચ હર્યઙ્ગસ્તસ્ય ભદ્રરથઃ સુતઃ

બૃહત્કર્મા સુતસ્તસ્ય બૃહદ્ભાનુસ્તતો ઽભવત્ ।
બુહન્મના બૃહાદ્ભાનોસ્તસ્ય પુત્રો જયદ્રથઃ

જયજ્રથસ્ય વિજયો વિજયસ્ય ધૃતિઃ સુતઃ ।
ધૃતેર્ધૃવ્રતઃ પુત્રઃ સત્યધર્મા ધૃતવ્રતાત્

તસ્ય પુત્રસ્ત્વધિરથઃ કર્ણસ્તસ્ય સુતો ઽભવત્

વૃર્ષસેનસ્તુ કર્ણસ્ય પુરુવંશ્યાઞ્છણુષ્વ મે