ગરુડ પુરાણ · અધ્યાય 1.131

(ઇતિ વિજયસપ્તમીવ્રતમ્) ।
ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે સપ્તમીવ્રતનિરૂપણં નામ ત્રિંશોત્તરશતતમો ઽધ્યાયઃ
શ્રીગરુડમહાપુરાણમ્- 131
બ્રહ્મોવાચ ।
બ્રહ્મન્ ભાદ્રપદે માસિ શુક્લાષ્ટમ્યામુપોષિતઃ ।
દૂર્વાં સૌરીં ગણેશં ચ ફલપુષ્પૈઃ શિવં યજેત્

ફલવ્રીહ્યાદિભિઃ સર્વૈઃ શમ્ભવેનમઃ શિવાય ચ ।
ત્વં દૂર્વે ઽમૃજન્માસિ હ્યષ્ટમી સર્વકામભાક્

અનગ્નિપક્રમશ્રીયાન્મુચ્યતે બ્રહ્મહત્યયા ।
(ઇતિ દૂર્વાષ્ટમીવ્રતમ્) ।
કૃષ્ણાષ્ટમ્યાં ચ રોહિણ્યામર્ધરાત્રેર્ઽચનં હરેઃ

કાર્યા વિદ્ધાપિ સપ્તમ્યા હન્તિ પાપં ત્રિજન્મનઃ ।
ઉપોષિતોર્ઽચયેન્મન્ત્રૈસ્તિથિ ભાન્તે ચ પારણમ્

યોગાય યોગપતયે યોગેશ્વરાય યોગસમ્ભવાય ગોવિન્દાય નમોનમઃ ।
(સ્નાનમન્ત્રઃ( યજ્ઞાય યજ્ઞેશ્વરાય યજ્ઞપતયે ગોવિન્દાય નમોનમઃ

(અર્ચનદૃ)--વિશ્વાય વિશ્વેશ્વરાય વિશ્વપતયે ગોવિન્દાય નમોનમઃ ।
(શયનદૃ)--સર્વાય સર્વેશ્વરાય સર્વેતાય સર્વસમ્ભવાય ગોવિન્દાય નમોનમઃ

સ્થણ્ડિલે પૂજયેદ્દેવં સચન્દ્રાં રોહિણીં તથા ।
શઙ્ખે તોયં સમાદાય સપુષ્પફલચન્દનમ્

જાનુભ્યામવનીં ગત્વા ચન્દ્રાયાર્ઘ્યં નિવેદયેત્ ।
ક્ષિરોદાર્ણવસંભૂત ! અત્રિનેત્રસમુદ્ભવ !

ગૃહાણાર્ઘ્યં શશાઙ્કેશ (મં) રોહિણ્યા સહિતો મમ ।
શ્રિયૈ ચ વસુદે વાય નન્દાય ચ બલાય ચ

યશોદાયૈ તતો દદ્યાદર્ઘ્યં ફલસમન્વિતમ્ ।
અનન્તં (ઘં) વામનં શૌરિં વૈકુષ્ઠં પુરુષોત્તમમ્

વાસુદેવં હૃષીકેશં માધવં મધુસૂદનમ્ ।
વરાહં પુણ્ડરીકાક્ષં નૃસિંહં દૈત્યસૂદનમ્

દામોદરં પદ્મનાભં કેશવં ગારુડધ્વજમ્ ।
ગોવિન્દમચ્યુતં દેવમનન્તમ પરાજિતમ્

અધોક્ષજં જગદ્વીજં સર્ગસ્થિત્યન્તકારણમ્ ।
અનાદિનિધનં વિષ્ણું ત્રિલોકેશં ત્રિવિક્રમમ્

નારાયણં ચતુર્બાહું શઙ્ખચક્રગદાધરમ્ ।
પીતમ્બરધરં દિવ્યં વનમાલાવિભૂષિતમ્

શ્રીવત્સાઙ્કં જગદ્ધામ શ્રીપતિં શ્રીધરં હરિમ્ ।
યં દેવં દેવકી દેવી વસુદેવાદજીજનત્

ભૌમસ્ય બ્રહ્મણો ગુપ્ત્યૈ તસ્મૈ બ્રહ્માત્મને નમઃ ।
નામાન્યેતાનિ સંકીર્ત્ય ગત્યર્થં પ્રાર્થયેત્પુનઃ

ત્રાહિ માં દેવદેવેશ ! હરે ! સંસારસાગરાત્ ।
ત્રાહિ માં સર્વપાપઘ્ન ! દુઃ ખશોકાર્ણવાત્પ્રભો !

દેવકીનન્દન ! શ્રીશ ! હરે ! સંસારસાગરાત્ ।
દુર્વૃત્તાંસ્ત્રાયસે વિષ્ણો ! યે સ્મરન્તિ સકૃત્સકૃત્

સો ઽહં દેવાતિદુર્વૃત્તસ્ત્રાહિ માં શોકસાગરાત્ ।
પુષ્કરાક્ષ ! નિમગ્નો ઽહં મહ્તયજ્ઞાનસાગરે

ત્રાહિ માં દેવદેવેશ ! ત્વામૃતે ઽન્યો ન રક્ષિતા ।
સ્વજન્મ વાસુદેવાપ ગોબ્રાહ્મણહિતાય ચ

જગદ્ધિતાય કૃષ્ણાય ગોવિન્દાય નમોનમઃ ।
શાન્તિરસ્તુ શિવં ચાસ્તુ ધનવિખ્યાતિરાજ્યભાક્