ગરુડ પુરાણ · અધ્યાય 1.129

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે વ્રતપરિભાષા નામાષ્ટાવિંશત્યુત્તરશતતમો ઽધ્યાયઃ
શ્રીગરુડમહાપુરાણમ્- 129
બ્રહ્મોવાચ ।
વક્ષ્યે પ્રતિપદાદીનિ વ્રતાનિ વ્યાસ શૃણ્વથ ।
વાશ્વાનરપદં યાતિ શિખિવ્રતમિદં સ્મૃતમ્

પ્રતિપદ્યેકભક્તાશી સમાપ્તે કપિલાપ્રદઃ ।
ચૈત્રાદૌ કારયેચ્ચૈવ બ્રહ્મપૂજાં યથાવિધિ ।
ગન્ધપુષ્પાર્ચનૈર્દાનૈર્માલ્યાદ્યૈશ્ચ મનોરમૈઃ

સહોમૈઃ પૂજયેદ્દેવં સર્વાન્કામાનવાપ્નુયાત્ ।
કાર્તિકે ત સિતે ઽષ્ટમ્યાં પુષ્પહારી ચ વત્સરમ્

પુષ્પાદિદાતા રૂપેણ રૂપભાગી ભવેન્નરઃ ।
કૃષ્ણપક્ષે તૃતીયાયાં શ્રાવણે શ્રીધરં શ્રિયા

યજેદશૂન્યશય્યાયાં ફલં દદ્યાદ્દ્વિજાતયે ।
શય્યાં દત્ત્વા પ્રાર્થયેચ્ચ શ્રીધરાય નમઃ શ્રિયૈ

ઉમાંશિવં હુતાશં ચ તૃતીયાયાં ચ પૂજયેત્ ।
હવિષ્યમન્ન નૈવેદ્ય દેય દમનકં તથા

ચૈત્રાદૌ ફલમાપ્નોતિ ઉમયા મે પ્રભાષિતમ્ ।
ફાલ્ગુનાદિતૃતીયાયાં લવણં યસ્તુ વર્જયેત્

સમાપ્તે શયનં દદ્યાદ્ગૃહં ચોપસ્કરાન્વિતમ્ ।
સંપૂજ્ય વિપ્રમિથનં ભવાની પ્રીયતામિતિ

ગૌરીલોકે વસેન્નિત્યં સૌભાગ્યકરમુત્તમમ્ ।
ગૌરી કાલી ઉમા ભદ્રા દુર્ગા કાન્તિઃ સરસ્વતી

મઙ્ગલા વૈષ્ણવી લક્ષ્મીઃ શિવા નારાયણી ક્રમાત્ ।
માર્ગેતૃતીયામારભ્ય અવિયોગાદિમાપ્નુયાત્

ચતુર્થ્યાં સિતમાઘાદૌ નિરાહારો વ્રતાન્વિતઃ ।
દત્ત્વા તિલાંસ્તુ વિપ્રાય સ્વયં ભુઙ્ક્તે તિલોદકમ્

વર્ષદ્વયે સમાપ્તિશ્ચ નિર્વિઘ્નાદિં સમાપ્નુયાત્ ।
ગઃ સ્વાહા મૂલમન્ત્રો ઽયં પ્રણવેન સમન્વિતઃ

ગ્લૈં ગ્લાંહૃદયે ગાં ગીં હૂં હ્રીં હ્રીં શિરઃ શિખા ।
ગૂં વર્મ ગોં ચ ગૈં નેત્રં ગોં ચ આવાહનાદિષુ

આગચ્છોલ્કાય ગનન્ધોલ્કઃ પુષ્પોલ્કો ધૂપકોલ્કકઃ ।
દીપોલ્કાય મહોલ્કાય બલિશ્ચાથ વિસ (માર્) જનમ્

સિદેધોલ્કાય ચ ગાયત્ત્રી (ત્ર) ન્યાસોંગુષ્ઠાદિરીરિતઃ ।
ઓં મહાકર્ણાય વિદ્મહે--વક્રતુણ્ડાય ધીમહિ--તન્નો દન્તિઃ પ્રચોદયાત્

પૂજયોત્તિલહોમૈશ્ચ એતે પૂજ્યા ગણાસ્તથા ।
ગણાય ગણપતયે સ્વાહા કૂષ્માણ્ડકાય ચ

અમોઘોલ્કાયૈકદન્તાય ત્રિપુરાન્તકરૂપિણે ।
ઓં શ્યામ (વ) દન્તવિકરાલાસ્યાહવેપાય વૈ નમઃ

પદ્મદંષ્ટાય સ્વાહાન્તે મુદ્રા વૈ નર્તનં ગણે ।
હસ્તતાલશ્ચ હસનં સૌભાગ્યાદિફલં ભવેત્

માર્ગશીર્ષે તથા શુક્લચતુર્થ્યાં પૂજયેદ્ગણ ।
અબ્દં પ્રાપ્નોતિ વિદ્યાશ્રીકીર્ત્યાયુઃ પુત્રસન્તતિમ્

સોમવારે ચતુર્થ્યાં ચ સમુપોષ્યાર્ચયેદ્ગણમ્ ।
જપઞ્જુહ્વત્સ્મરન્વિદ્યા સ્વર્ગં નિર્વાણતાં વ્રજેત્

યજેચ્છુક્લચતુર્થ્યાં યઃ ખણ્ડલડ્ડુકમોદ (મણ્ડ) કૈઃ ।
વિઘ્નાચનેન સર્વાન્સ કામાન્સૌભાગ્યમાપ્નુયાત્

પુત્રાદિકં દમનકૈર્દમનાખ્યા ચતુર્થ્યપિ ।
આં ગણપતયે નમઃ ચતુર્થ્યન્તં યજેદ્ગણમ્

માસે તુ યસ્મિન્કસ્મિંશ્ચિજ્જુહુયાદ્વા જપેત્સ્મરેત્ ।
સર્વાન્કામાનવાપ્નોતિ સર્વવિઘ્નવિનાશનમ્

વિનાયકં મૂર્તિકાદ્યં યજેદેભિશ્ચ નામભિઃ ।
સો ઽપિ સદ્ગતિમાપ્નોતિ સ્વર્ગમોક્ષસુખાનિ ચ

ગણપૂજ્યો વક્રતુણ્ડ એકદંષ્ટ્રી ત્રિયમ્બકઃ ।
નીલગ્રીવો લમ્બોદરો વિકટો વિઘ્નરાજકઃ

ધૂમ્રવર્ણો ભાલચન્દ્રો દશમસ્ત વિનાયકઃ ।
ગણપતિર્હસ્તિમુખો દ્વાદશારે યજેદ્ગણમ્

પૃથક્ સમસ્તં મધાવી સર્વાન્કામાન વાપ્નુયાત્ ।
શ્રાવણે ચાશ્વિને ભાદ્રે પઞ્ચમ્યાં કાત્તિક શુભે

વાસુકિસ્તક્ષકશ્ચૈવ કાલીયો મણિભદ્રકઃ ।
ઐરાવતો ધૃતરાષ્ટઃ કર્કોટકધનઞ્જયૌ

ઘૃતાદ્યૈઃ સ્નાપિતા હ્યેતે આયુરારોગ્યસમ્પદઃ ।
અનન્તં વાસુકિં શઙ્ખં પદ્મં કમ્બલમેવ ચ

તથા કર્કાટકં નાગં ધૃતરાષ્ટ્રં ચ શઙ્ખકમ્ ।
કાલીયં તક્ષકં ચૈવ પિઙ્ગલં માસિમાસિ ચ

યજેદ્ભાદ્રસિતે નાગાનષ્ટૌ મુક્તિં દિવં વ્રજેત્ ।
દ્વારસ્યોભયતો લેખ્યાઃ શ્રાવણે તુ સિતે યજેત્

પઞ્ચમ્યાં પૂજયેન્નાગાનનન્તાન્દ્યાન્મહોરગાન્ ।
ક્ષીરં સર્પિશ્ચ નૈવેદ્યં દેયં સર્વવિષાપહમ્ ।
નાગા અભયહસ્તાશ્ચ દષ્ટોદ્ધારાતુ પઞ્ચમી