ગરુડ પુરાણ · અધ્યાય 1.120

ઇતિ શ્રીગારુડે મહાપુરાણે પ્રથમાંશાખ્યે આચારકાણ્ડે ઽગસ્ત્યાર્ઘ્યવ્રતં નામકોનવિંશત્યુત્તરશતતમો ઽધ્યાયઃ
શ્રીગરુડમહાપુરાણમ્- 120
બ્રહ્મોવાચ ।
રમ્ભાતૃતીયાં વક્ષ્ય ચ સૌભગ્યશ્રીસુતાદિદામ્ ।
માર્ગશીર્ષેસિતે પક્ષે તૃતીયાયામુપોષિતઃ

ગૌરીં યજેદ્વિલ્વપત્રૈઃ કુશોદકકરસ્તતઃ ।
કદમ્બાદૌ ગિરિસુતાં પૌષે મરુબકૈર્યજેત્

કર્પૂરાદઃ કૃસરદો મલ્લિકાદન્તકાષ્ઠકૃત્ ।
માઘેસુભદ્રાં કલ્હારૈર્ઘૃતાશો મણ્ડકપ્રદઃ

ગીતીમયં તન્તકાષ્ઠં ફાલ્ગુને ગોમતીં યજેત્ ।
કુન્દૈઃ કૃત્વા દન્તકાષ્ઠં જીવાશઃ શષ્કુલીપ્રદઃ

વિશાલાક્ષીં દમનકૈશ્ચૈત્રે ચ કૃસરપ્રદઃ ।
દધિપ્રાશો દન્તકાષ્ઠં તગરં શ્રીમુખીં યજેત્

વૈશાખે કર્ણિકારૈશ્ચ અશોકાશો વટપ્રદઃ ।
જ્યેષ્ઠે નારાયણીમર્ચેચ્છતપત્રૈશ્ચ ખણ્ડદઃ ।
લવઙ્ગાશો ભવેદેવ આષાઢે માધવીં યજેત્

તિલાશો બિલ્વપત્રૈશ્ચ ક્ષીરાન્નવટકપ્રદઃ ।
ઔદુમ્બરં દન્તકાષ્ઠં તગર્યાઃ શ્રાવણે શ્રિયમ્

દન્તકાષ્ઠં મલ્લિકાયા ક્ષીરદો હ્યુત્તમાં યજેત્ ।
પદ્મૈર્યજેદ્ભાદ્રપદે શૃઙ્ગદાશો ગૃડાદિદઃ

રાજપુત્રીં ચાશ્વયુજે જપાપુષ્પૈશ્ચ જીરકમ્ ।
પ્રાશયેન્નિશિ નૈવેદ્યૈઃ કૃસરૈઃ કાર્તિકે યજેત્

જાતીપુષ્પૈઃ પદ્મજાં ચ પઞ્ચગવ્યાશનો યજેત્ ।
ઘૃતોદનં ચ વર્ષાન્તે સપત્નીકાન્દ્વિજાન્યજેત્

ઉમામહેશ્વરં પૂજ્ય પ્રદદ્યાચ્ચ ગુડાદિકમ્ ।
વસ્ત્રચ્છત્રસુવર્ણાદ્યૈઃ રાત્રૌ ચ કૃતજાગરઃ ।
ગીતવાદ્યૈર્દદત્પ્રતર્ગવાદ્યં સર્વમાન્પુયાત્