Brihat Samhita · Chapter 89

śvabhiḥ śṛgālāḥ sadṛśāḥ phalena
viśeṣa eṣāṃ śiśire madāptiḥ/
hūhū rutānte parataś ca ṭāṭā
pūrṇaḥ svaro +anye kathitāḥ pradīptāḥ//

lomāśikāyāḥ khalu kakkaśabdaḥ
pūrṇaḥ svabhāva^prabhavaḥ sa tasyāḥ/
ye +anye svarās te prakṛter apetāḥ
sarve ca dīptā iti sampradiṣṭāḥ//

pūrvodīcyoḥ śivā śastā śāntā sarvatra pūjitā/
dhūmitā^abhimukhī hanti svaradīptā digīśvarān//
89.4ab[K.omitted]/ rājā kumāro netā ca dūtaḥ śreṣṭhī caro dvijaḥ/
89.4cd[K.omitted]/ gaja^adhyakṣaś ca pūrvā^ādyāḥ kṣatriya^ādyāś caturdiśam//

sarvadikṣv aśubhā dīptā viśeṣeṇa^ahny aśobhanā/
pure sainye +apasavyā ca kaṣṭā sūryonmukhī śivā//

yāhi^ity agnibhayaṃ śāsti ṭāṭa^iti mṛta^vedikā/
dhigdhig duṣkṛtim[K.duṣkṛtam] ācaṣṭe sajvālā deśanāśinī//

naiva dāruṇatām eke sajvālāyāḥ pracakṣate/
arkādyanalavat tasyā vaktraṃ lālāsvabhāvataḥ//

anyapratirutā yāmyā sā^udbandha^mṛta^śaṃsinī/
vāruṇy anurutā sā^eva śaṃsate salile mṛtam//

akṣobhaḥ śravaṇaṃ ca^iṣṭaṃ dhanaprāptiḥ priyāgamaḥ/
kṣobhaḥ pradhāna^bhedaś ca vāhanānāṃ ca sampadaḥ//

phalam ā saptamād etad agrāhyaṃ parato rutam/
yāmyāyāṃ tad^viparyastaṃ phalaṃ ṣaṭ^pañcamād ṛte//

yā romāñcaṃ manuṣyāṇāṃ śakṛn^mūtraṃ ca vājinām/
rāvāt trāsaṃ ca janayet sā śivā na śiva^pradā//

maunaṃ gatā pratirute nara^dvirada^*vājibhiḥ[K.vājinām]/
yā śivā sā śivaṃ sainye pure vā samprayacchati//

bhebhā^iti śivā bhayaṅkarī bhobho vyāpadam ādiśec ca sā/
mṛti^bandha^nivedinī phiphe[K.phipha] hūhū ca^ātmahitā śivā svare//

śāntā tv a^varṇāt *param ā^ruvantī[K.pavanau ruvantī]
ṭāṭām udīrṇām iti vāśyamānā/
ṭeṭe ca pūrvaṃ parataś ca thethe
tasyāḥ sva^tuṣṭi^prabhavaṃ rutaṃ tat//

uccair ghoraṃ varṇam uccārya pūrvaṃ
paścāt krośet kroṣṭukasya^anurūpam/
yā sā kṣemaṃ prāha vittasya cāptiṃ
saṃyogaṃ vā proṣitena priyeṇa//
90 mṛgaceṣṭitādhyāyaḥ