Brihat Samhita · Chapter 84

vallī^latā^gulma^taru^prabhedaiḥ
syur dantakāṣṭhāni sahasraśo yaiḥ/
phalāni vācyāny atha[K.ati] tatprasaṅgo
mā bhūd ato vacmy atha kāmikāni//

ajñātapūrvāṇi na dantakāṣṭhāny
adyān na patraiś ca samanvitāni/
na yugmaparvāṇi na pāṭitāni
na ca^ūrdhvaśuṣkāṇi vinā tvacā ca//

vaikaṅkata^śrīphala^kāśmarīṣu
brāhmī dyutiḥ kṣematarau sudārāḥ/
vṛddhir vaṭe +arke pracuraṃ ca tejaḥ
putrā madhūke saguṇāḥ[K.kakubhe] priyatvam//

lakṣmīḥ śirīṣe ca tathā karañje
plakṣe +artha^siddhiḥ samabhīpsitā syāt/
mānyatvam āyāti janasya jātyāṃ
prādhānyam aśvattha^tarau vadanti//

ārogyam āyur badarī^bṛhatyor
aiśvarya^vṛddhiḥ khadire sabilve/
dravyāṇi ca^iṣṭāny atimuktake syuḥ
prāpnoti tāny eva punaḥ kadambe//

nīpe[K.nimbe] +arthāptiḥ karavīre +annalabdhir
bhāṇḍīre syād *annam evaṃ[K.idam eva] prabhūtam/
śamyāṃ śatrūn apahanty arjune ca
śyāmāyāṃ ca dviṣatām eva nāśaḥ//

śāle +aśvakarṇe ca vadanti gauravaṃ
sabhadradārāv api cāṭarūṣake/
vāllabhyam āyāti janasya sarvataḥ
priyaṅgu^apāmārga^sajambu^dāḍimaiḥ//

udaṅmukhaḥ prāṅmukha eva vā^abdaṃ
kāmaṃ yatheṣṭhaṃ[U.yatheṣṭaṃ] hṛdaye niveśya/
adyād anindan[K.anindyaṃ] ca sukha^upaviṣṭaḥ
prakṣālya jahyāc ca śucipradeśe//

abhimukha^patitaṃ praśānta^dik^sthaṃ
śubham atiśobhanam ūrdhvasaṃsthitaṃ yat/
aśubhakaram ato +anyathā pradiṣṭaṃ
sthita^patitaṃ ca karoti mṛṣṭam annam//
85 śākunādhyāyaḥ