બૃહત્સંહિતા · અધ્યાય 84

વલ્લી^લતા^ગુલ્મ^તરુ^પ્રભેદૈઃ
સ્યુર્ દન્તકાષ્ઠાનિ સહસ્રશો યૈઃ।
ફલાનિ વાચ્યાન્ય્ અથ[ક્.અતિ] તત્પ્રસઙ્ગો
મા ભૂદ્ અતો વચ્મ્ય્ અથ કામિકાનિ॥

અજ્ઞાતપૂર્વાણિ ન દન્તકાષ્ઠાન્ય્
અદ્યાન્ ન પત્રૈશ્ ચ સમન્વિતાનિ।
ન યુગ્મપર્વાણિ ન પાટિતાનિ
ન ચ^ઊર્ધ્વશુષ્કાણિ વિના ત્વચા ચ॥

વૈકઙ્કત^શ્રીફલ^કાશ્મરીષુ
બ્રાહ્મી દ્યુતિઃ ક્ષેમતરૌ સુદારાઃ।
વૃદ્ધિર્ વટે +અર્કે પ્રચુરં ચ તેજઃ
પુત્રા મધૂકે સગુણાઃ[ક્.કકુભે] પ્રિયત્વમ્॥

લક્ષ્મીઃ શિરીષે ચ તથા કરઞ્જે
પ્લક્ષે +અર્થ^સિદ્ધિઃ સમભીપ્સિતા સ્યાત્।
માન્યત્વમ્ આયાતિ જનસ્ય જાત્યાં
પ્રાધાન્યમ્ અશ્વત્થ^તરૌ વદન્તિ॥

આરોગ્યમ્ આયુર્ બદરી^બૃહત્યોર્
ઐશ્વર્ય^વૃદ્ધિઃ ખદિરે સબિલ્વે।
દ્રવ્યાણિ ચ^ઇષ્ટાન્ય્ અતિમુક્તકે સ્યુઃ
પ્રાપ્નોતિ તાન્ય્ એવ પુનઃ કદમ્બે॥

નીપે[ક્.નિમ્બે] +અર્થાપ્તિઃ કરવીરે +અન્નલબ્ધિર્
ભાણ્ડીરે સ્યાદ્ *અન્નમ્ એવં[ક્.ઇદમ્ એવ] પ્રભૂતમ્।
શમ્યાં શત્રૂન્ અપહન્ત્ય્ અર્જુને ચ
શ્યામાયાં ચ દ્વિષતામ્ એવ નાશઃ॥

શાલે +અશ્વકર્ણે ચ વદન્તિ ગૌરવં
સભદ્રદારાવ્ અપિ ચાટરૂષકે।
વાલ્લભ્યમ્ આયાતિ જનસ્ય સર્વતઃ
પ્રિયઙ્ગુ^અપામાર્ગ^સજમ્બુ^દાડિમૈઃ॥

ઉદઙ્મુખઃ પ્રાઙ્મુખ એવ વા^અબ્દં
કામં યથેષ્ઠં[ઉ.યથેષ્ટં] હૃદયે નિવેશ્ય।
અદ્યાદ્ અનિન્દન્[ક્.અનિન્દ્યં] ચ સુખ^ઉપવિષ્ટઃ
પ્રક્ષાલ્ય જહ્યાચ્ ચ શુચિપ્રદેશે॥

અભિમુખ^પતિતં પ્રશાન્ત^દિક્^સ્થં
શુભમ્ અતિશોભનમ્ ઊર્ધ્વસંસ્થિતં યત્।
અશુભકરમ્ અતો +અન્યથા પ્રદિષ્ટં
સ્થિત^પતિતં ચ કરોતિ મૃષ્ટમ્ અન્નમ્॥
85 શાકુનાધ્યાયઃ