Brihat Samhita · Chapter 75

rakte +adhike strī puruṣas tu śukre napuṃsakaṃ śoṇita^śukrasāmye/
yasmād ataḥ śukra^vivṛddhidāni niṣevitavyāni rasāyanāni//

harmya^pṛṣṭham uḍunātha^raśmayaḥ sa^utpalaṃ madhu mada^alasā priyā/
vallakī smarakathā rahaḥ srajo varga eṣa madanasya vāgurā//

mākṣīkadhātu^madhu^pārada^lohacūrṇa^
pathyā^śilājatu^*ghṛtāni samāni[K.viḍaṅgaghṛtāni] yo +adyāt/
saikāni viṃśatir ahāni jarānvito +api
so +aśītiko +api ramayaty abalāṃ yuvā^iva//

kṣīraṃ śṛtaṃ yaḥ kapikacchu^mūlaiḥ
pibet kṣayaṃ strīṣu na so +abhyupaiti/
māṣān payaḥsarpiṣi vā vipakvān
ṣaḍgrāsamātrāṃś ca payo +anupānam[K.anupānān]//

vidārikāyāḥ svarasena cūrṇaṃ muhurmuhur bhāvitaśoṣitaṃ ca/
śṛtena dugdhena saśarkareṇa pibet sa yasya pramadāḥ prabhūtāḥ//

dhātrīphalānāṃ svarasena cūrṇaṃ
subhāvitaṃ kṣaudra^sita^ājya^yuktam/
līḍhvā^anu pītvā ca payo +agniśaktyā
kāmaṃ nikāmaṃ puruṣo niṣevet//

kṣīreṇa basta^aṇḍa yujā śṛtena
samplāvya kāmī bahuśas tilān yaḥ/
suśoṣitān atti *payaḥ pibec[K.pibet payaś] ca
tasya^agrataḥ kiṃ caṭakaḥ karoti//

māṣa^sūpa^sahitena sarpiṣā ṣaṣṭikaudanam adanti ye narāḥ/
kṣīram apy anu pibanti tāsu te śarvarīṣu madanena[K.madane na] śerate//

tila^aśvagandhā^kapikacchu^mūlair
vidārikā^ṣaṣṭika^piṣṭa^yogaḥ/
ājena piṣṭaḥ payasā ghṛtena
pakvaṃ[K.paktvā] bhavet^śaṣkulikātivṛṣyā//

kṣīreṇa vā gokṣuraka^upayogaṃ
vidārikā^kandaka^bhakṣaṇaṃ vā/
kurvan na sīded yadi jīryate +asya
mandāgnitā ced idam atra cūrṇam//

sa^ajamoda^lavaṇā harītakī śṛṅgavera^sahitā ca pippalī/
madya^takra^tarala^uṣṇavāribhiś cūrṇapānam udarāgnidīpanam//

atyamla^tikta^lavaṇāni kaṭūni vā+atti
*yaḥ kṣāraśāka^bahulāni[K.kṣāraśākabahulāni] ca bhojanāni/
dṛk^śukra^vīrya^rahitaḥ sa karoty anekān
vyājān jarann iva yuvā +apy abalām avāpya//
76 gandhayuktyadhyāyaḥ