Brihat Samhita · Chapter 66

madhv^ābha^dantāḥ suvibhakta^dehā
na ca^*upadigdhā na[K.digdhāś ca] kṛśāḥ kṣamāś ca/
gātraiḥ samaiś cāpa^samāna^vaṃśā
varāha^tulyair jaghanaiś ca bhadrāḥ//

vakṣo +atha kakṣā^valayaḥ ślathāś ca
lamba^udaras tvag bṛhatī galaś ca/
sthūlā ca kukṣiḥ saha pecakena
saiṃhī ca dṛg manda^mataṅgajasya//

mṛgās tu hrasva^adhara^vāla^meḍhrās
tanv^aṅghri[K.tanvaṃhri]^kaṇṭha^dvija^hasta^karṇāḥ/
sthūla^īkṣaṇāś ca^iti yathā^ukta^cihnaiḥ
saṅkīrṇa^nāgā vyatimiśra^cihnāḥ//

pañca^unnatiḥ sapta mṛgasya dairghyam
aṣṭau ca hastāḥ pariṇāha^mānam/
eka^dvi^vṛddhāv atha manda^bhadrau
saṅkīrna^nāgo +aniyata^pramāṇaḥ//

bhadrasya varṇo harito *madaś ca[K.madasya]
mandasya hāridraka^sannikāśaḥ/
kṛṣṇo madaś ca^abhihito mṛgasya
saṅkīrṇa^nāgasya mado vimiśraḥ//

tāmra^oṣṭha^tālu^vadanāḥ kalaviṅka^netrāḥ
snigdha^unnata^agra^daśanāḥ pṛthula^āyata^āsyāḥ/
cāpa^unnata^āyata^nigūḍha^nimagna^vaṃśās
tanv^eka^roma^cita^kūrma^samāna^kumbhāḥ//

vistīrṇa^karṇa^hanu^nābhi^lalāṭa^guhyāḥ
kūrma^unnata^dvi^nava^viṃśatibhir nakhaiś ca/
rekhā^traya^upacita^vṛtta^karāḥ suvālā
dhanyāḥ sugandhi^mada^puṣkara^mārutāś ca//

dīrgha^aṅguli^rakta^puṣkarāḥ sajala^ambhoda^nināda^bṛṃhiṇaḥ/
bṛhad^āyata^vṛtta^kandharā dhanyā bhūmipater mataṅgajāḥ//

nimarda[K.ū.nirmadā]^abhyadhika^hīna^nakha^aṅgān
kubja^vāmanaka^meṣa^viṣāṇān/
dṛśya^kośa^phala^puṣkara^hīnān
śyāva^nīla^śabala^asita^tālūn//

svalpa^vaktra^ruha^matkuṇa^ṣaṇḍhān
hastinīṃ ca gaja^lakṣaṇa^yuktām/
garbhiṇī ca nṛpatiḥ paradeśaṃ
prāpayed ativirūpa^phalās te//
67 puruṣalakṣanādhyāyaḥ