Brihat Samhita · Chapter 58

kartur anukūla^divase daivajña^viśodhite śubha^nimitte/
maṅgala^śakunaiḥ prāsthānikaiś ca vana^sampraveśaḥ syāt//

pitṛvana^mārga^surālaya^valmīka^udyāna^tāpasāśrama^jāḥ/
caitya^saritsaṅgama^sambhavāś ca ghaṭatoya^siktāś ca//

kubja^anujāta^vallī^nipīḍitā vajra^māruta^upahatāḥ/
svapatita^hasti^nipīḍita^śuṣka^agni^pluṣṭa^madhunilayāḥ//

taravo varjayitavyāḥ śubhadāḥ syuḥ snigdha^patra^kusuma^phalāḥ/
abhimata^vṛkṣaṃ gatvā kuryāt pūjāṃ sabali^puṣpām//

suradāru^candana^śamī^madhūka^taravaḥ śubhā dvijātīnām/
kṣatrasya^ariṣṭa^aśvattha^khadira^bilvā vivṛddhikarāḥ//

vaiśyānāṃ jīvaka^khadira^sindhuka^syandanāś[K.spandanāś] ca śubhaphaladāḥ/
tinduka^kesara^sarja^arjuna^āmra^śālāś ca śūdrāṇām//

liṅgaṃ vā pratimā vā drumavat sthāpyā yathā diśaṃ yasmāt/
tasmāc cihnayitavyā diśo drumasya^ūrdhvam atha vā^adhaḥ/

paramānna^modaka^odana^dadhi^palala^ullopikā^ādibhir bhakṣyaiḥ/
madyaiḥ kusumair dhūpair gandhaiś ca taruṃ samabhyarcya//

sura^pitṛ^piśāca^rākṣasa^bhujaga^asura^gaṇa^vināyaka^ādyānām/
kṛtvā rātrau pūjāṃ vṛkṣaṃ saṃspṛśya ca brūyāt//

arcārtham amukasya tvaṃ devasya parikalpitaḥ/
namas te vṛkṣa pūjeyaṃ vidhivat sampragṛhyatām//

yānīha bhūtāni vasanti tāni
baliṃ gṛhītvā vidhivat prayuktam/
anyatra vāsaṃ parikalpyantu
kṣamantu tāny adya namo +astu tebhyaḥ//

vṛkṣaṃ prabhāte salilena siktvā
pūrvottarasyāṃ diśi sannikṛtya/
madhvājya^digdhena[K.liptena] kuṭhārakeṇa
pradakṣiṇaṃ śeṣam ato nihanyāt[K.+abhihanyāt]//

pūrveṇa pūrvottarato +atha vā^udak
pated yadā vṛddhikaras tadā syāt/
āgneyakoṇāt kramaśo +agnidāha^
rugrāga[K.kṣudroga]rogās turagakṣayaś ca//

yan na^uktam asmin vana^sampraveśe
nipāta^vicchedana^vṛkṣagarbhāḥ/
indradhvaje vāstuni ca pradiṣṭāḥ
pūrvaṃ mayā te +atra tatha^eva yojyāḥ//
59 pratimāpratiṣṭhāpanādhyāyaḥ