Brihat Samhita · Chapter 56

āmaṃ tindukam āmaṃ kapitthakaṃ puṣpam api ca śālmalyāḥ/
bījāni śallakīnāṃ dhanvana^valko vacā ca^iti//

etaiḥ saliladroṇaḥ kvāthayitavyo +aṣṭabhāgaśeṣaś ca/
avatāryo +asya ca kalko dravyair etaiḥ samanuyojyaḥ//

śrīvāsaka^rasa^guggulu^bhallātaka^kundurūka^sarjarasaiḥ/
atasī^bilvaiś ca yutaḥ kalko +ayaṃ vajralepa^ākhyaḥ//

prāsāda^harmya^valabhī^liṅga^pratimāsu kuḍya^kūpeṣu/
santapto dātavyo varṣa^sahasrāyuta^sthāyī//

lākṣā^kunduru^guggulu^gṛhadhūma^kapittha^bilva^madhyāni/
nāga*phala^nimba[K.balāphala]^tinduka^madana^phala^madhūka^mañjiṣṭhāḥ//

sarjarasa^rasa^āmalakāni ca^iti kalkaḥ kṛto dvitīyo +ayam/
vajrākhyaḥ prathamaguṇair ayam api teṣv eva kāryeṣu//

go^mahiṣa^aja^viṣāṇaiḥ khararomṇā mahiṣacarma^gavyaiś ca/
nimba^kapittha^rasaiḥ saha vajratalo[K.vajrataro] nāma kalko +anyaḥ//

aṣṭau sīsaka^bhāgāḥ kāṃsasya dvau tu rītikā^bhāgaḥ/
maya^kathito yogo +ayaṃ vijñeyo vajrasaṅghātaḥ//
57 pratimālakṣaṇādhyāyaḥ/