Brihat Samhita · Chapter 41

ativṛṣṭy^ulkā^daṇḍān pariveṣa^grahaṇa^paridhi^pūrvāṃś ca/
dṛṣṭvā^amāvāsyāyām utpātān *paurṇamāsyāṃ[K.pūrṇamāsyāṃ] ca//

brūyād arghaviśeṣān pratimāsaṃ rāśiṣu kramāt sūrye/
anyatithāv utpātā ye te ḍamarārtaye rājñām//

meṣa^upagate sūrye grīṣmaja^dhānyasya saṃgrahaṃ *kṛtvā[K.kuryāt]/
vana^mūla^phalasya vṛṣe caturthamāse tayor lābhaḥ//

mithunasthe sarvarasān dhānyāni ca saṃgrahaṃ samupanīya/
ṣaṣṭhe māse vipulaṃ *vikretā[K.vikrīṇan] prāpnuyāl lābham//

karkiṇy arke madhu^gandha^taila^ghṛta^phāṇitāni vinidhāya/
dviguṇā dvitīyamāse labdhir hīna^adhike chedaḥ//

siṃhe suvarṇa^maṇi^carma^varma^śastrāṇi mauktikaṃ rajatam/
pañcamamāse labdhir vikretur ato +anyathā chedaḥ//

kanyāgate dinakare cāmara^khara^karabha^vājināṃ kretā/
ṣaṣṭhe māse dviguṇaṃ lābham avāpnoti vikrīṇan//

taulini tāntava^bhāṇḍaṃ maṇi^kambala^kāca^pītakusumāni/
ādadyād dhānyāni ca *varṣārdhād[K.ṣaṇmāsād] dviguṇitā vṛddhiḥ//

vṛścika^saṃsthe savitari phala^kandaka^mūla^vividha^ratnāni/
varṣadvayam uṣitāni dviguṇaṃ lābhaṃ prayacchanti//

cāpagate gṛhṇīyāt *kuṅkuma[K.kuṅkama]^śaṅkha^pravāla^kācāni/
muktāphalāni ca tato varṣārdhād dviguṇatāṃ yānti//

*mṛga^ghaṭa^saṃsthe savitari gṛhṇīyāl[K.mṛgadhaṭage gṛhṇīyād divākare] lohabhāṇḍa^dhānyāni/
sthitvā māsaṃ dadyāl lābhārthī dviguṇam āpnoti//

savitari jhaṣam upayāte mūla^phalaṃ kanda^bhāṇḍa^ratnāni/
saṃsthāpya vatsarārdhaṃ lābhakam iṣṭaṃ samāpnoti//

rāśau rāśau yasmin śiśiramayūkhaḥ sahasrakiraṇo vā/
yukto +adhimitradṛṣṭas tatra^ayaṃ lābhako diṣṭaḥ//

savitṛ^sahitaḥ sampūrṇo vā śubhair yutavīkṣitaḥ
śiśirakiraṇaḥ sadyo +arghasya pravṛddhikaraḥ smṛtaḥ/
aśubhasahitaḥ sandṛṣṭo vā hinasty atha vā raviḥ
pratigṛhagatān bhāvān buddhvā vadet sadasatphalam//
42 indradhvajasampadadhyāyaḥ