Brihat Samhita · Chapter 40

ye yeṣāṃ dravyāṇām adhipatayo rāśayaḥ samuddiṣṭāḥ/
munibhiḥ śubhāśubhārthaṃ tān āgamataḥ pravakṣyāmi//

vastra^āvika^kutupānāṃ masūra^godhūma^rālaka^yavānām/
sthala^sambhava^oṣadhīnāṃ kanakasya ca kīrtito meṣaḥ//

gavi vastra^kusuma^godhūma^śāli^yava^mahiṣa^surabhitanayāḥ syuḥ/
mithune +api dhānya^śārada^vallī^śālūka^kārpāsāḥ//

karkiṇi kodrava^kadalī^dūrvā^phala^kanda^patra^cocāni/
siṃhe tuṣadhānya^rasāḥ siṃha^ādīnāṃ tvacaḥ saguḍāḥ//

ṣaṣṭhe +atasī^kalāyāḥ kulattha^godhūma^mudga^niṣpāvāḥ/
saptamarāśau māṣā *yava^godhūmāḥ sasarṣapāś ca^eva[K.godhūmāḥ sarṣapāḥ sayavāḥ]//

aṣṭamarāśāv ikṣuḥ saikyaṃ lohāny aja^āvikaṃ ca^api/
navame tu turaga^lavaṇa^ambara^astra^tila^dhānya^mūlāni//

makare taru^gulma^ādyaṃ saikya^ikṣu^suvarṇa^kṛṣṇalohāni/
kumbhe salilaja^phala^kusuma^ratna^citrāṇi rūpāṇi//

mīne kapāla^sambhava^ratnāny ambu^udbhavāni vajrāṇi/
snehāś ca naikarūpā vyākhyātā matsyajātaṃ ca//

rāśeś catur^daśa^artha^aya^sapta^nava^pañcamasthito jīvaḥ/
dvy^ekādaśa^daśa^pañca^aṣṭameṣu śaśijaś ca vṛddhikaraḥ//

ṣaṭ^saptamago hāniṃ vṛddhiṃ śukraḥ karoti śeṣeṣu/
upacaya^saṃsthāḥ krūrāḥ śubhadāḥ śeṣeṣu hānikarāḥ//

rāśer yasya krūrāḥ pīḍāsthāneṣu saṃsthitā balinaḥ/
tatprokta^dravyāṇāṃ mahārghatā durlabhatvaṃ ca//

iṣṭasthāne saumyā balino yeṣāṃ bhavanti rāśīnām/
taddravyāṇāṃ vṛddhiḥ *sāmarghyaṃ vallabhatvaṃ ca[K.sāmarthayamadurlabhatvaṃ ca]//

gocara^pīḍāyām api rāśir balibhiḥ śubhagrahair dṛṣṭaḥ/
pīḍāṃ na karoti tathā krūrair evaṃ viparyāsaḥ//
41 arghakāṇḍādhyāyaḥ