Brihat Samhita · Chapter 39

vṛścika^vṛṣa^praveśe bhānor ye bādarāyaṇena^uktāḥ/
grīṣma^śarat^sasyānāṃ sad^asad^yogāḥ kṛtās ta ime//

bhānor alipraveśe kendrais tasmāt^śubhagraha^ākrāntaiḥ/
balavadbhiḥ saumyair vā *nirīkṣite[K.nirīkṣitair] graiṣmika^vivṛddhiḥ//

aṣṭamarāśigate +arke guruśaśinoḥ kumbha^siṃha^*saṃsthitayoḥ[K.sthitayoḥ]/
siṃha^ghaṭa^saṃsthayor vā niṣpattir grīṣma^sasyasya//

arkāt site dvitīye budhe +atha vā yugapad eva vā sthitayoḥ/
vyayagatayor api tadvan niṣpattir atīva gurudṛṣṭyā//

śubhamadhye +alini sūryād guruśaśinoḥ saptame parā sampat/
aly^ādisthe savitari gurau dvitīye +ardhaniṣpattiḥ//

lābha^hibuka^artha^yuktaiḥ sūryād aligāt sita^indu^śaśiputraiḥ/
sasyasya parā sampat karmaṇi jīve gavāṃ ca^agryā//

kumbhe gurur gavi śaśī sūryo +alimukhe kuja^arkajau makare/
niṣpattir asti mahatī paścāt paracakra^bhaya^rogam//

madhye pāpagrahayoḥ sūryaḥ sasyaṃ vināśayaty aligaḥ/
pāpaḥ saptamarāśau jātaṃ jātaṃ vināśayati//

arthasthāne krūraḥ saumyair anirīkṣitaḥ prathamajātam/
sasyaṃ nihanti paścād uptaṃ niṣpādayed vyaktam//

jāmitra^kendra^saṃsthau krūrau sūryasya vṛścika^sthasya/
sasya^vipattiṃ kurutaḥ saumyair dṛṣṭau na sarvatra//

vṛścika^saṃsthād arkāt saptama^ṣaṣṭha^upagau yadā krūrau/
bhavati tadā niṣpattiḥ sasyānām argha^parihāniḥ//

vidhinā^anena^eva ravir vṛṣa^praveśe śarat^samutthānām/
vijñeyaḥ sasyānāṃ nāśāya śivāya vā tajjñaiḥ//

triṣu meṣa^ādiṣu sūryaḥ saumyayuto vīkṣito +api vā vicaran/
*graiṣmika[K.graṣmika]dhānyaṃ kurute *samargham[K.samartham] abhaya^upayogyaṃ ca//

kārmuka^mṛga^ghaṭa^saṃsthaḥ *śārada^sasyasya[K.śāradasya] tadvad eva raviḥ/
saṃgrahakāle jñeyo viparyayaḥ krūradṛg^*yogāt[K.yāgāt]//
40 dravyaniścayādhyāyaḥ