Brihat Samhita · Chapter 38
pavanaḥ pavana^abhihato gaganād avanau yadā samāpatati/
bhavati tadā nirghātaḥ sa ca pāpo dīpta^vihaga^rutaḥ//
arka^udaye +adhikaraṇika^nṛpa^dhani^yodha^aṅganā^vaṇig^veśyāḥ/
āpraharāṃśe +aja^āvikam upahanyāt^śūdrapaurāṃś ca//
āmadhya^ahnād rāja^upasevino brāhmaṇāṃś ca pīḍayati/
vaiśya^jaladāṃs tṛtīye caurān prahare caturthe tu//
astaṃ yāte nīcān prathame yāme nihanti sasyāni/
rātrau dvitīya^yāme piśāca^saṅghān nipīḍayati//
turaga^kariṇas tṛtīye vinihanyād yāyinaś caturthe ca/
bhairava^jarjaraśabdo yāti yatas tāṃ diśaṃ hanti//
39 sasyajātakādhyāyaḥ
Original text: Bṛhatsaṃhitā · Edition: of A.V.Tripathi (Sarasvati Bhavan Granthamala Edition) with reference to H.Kern's text and his translation [variants marked by K. & K's tr.] and Utpala's commentary [marked by U.] · Data entry Michio Yano Mizue Sugita · GRETIL (Göttingen) · CC BY-NC-SA 4.0