Brihat Samhita · Chapter 105
jyotiḥśāstra^samudraṃ pramathya mati^mandarādriṇā +atha mayā/
lokasya ālokakaraḥ śāstra^śaśāṅkaḥ samutkṣiptaḥ//
pūrvācārya^granthā na^utsṛṣṭāḥ kurvatā mayā śāstram/
tān avalokya^idaṃ ca prayatadhvaṃ kāmataḥ sujanāḥ//
atha vā kṛśam[K.bhṛśam] api sujanaḥ prathayati doṣārṇavād guṇaṃ dṛṣṭvā/
nīcas tad^viparītaḥ prakṛtir iyaṃ sādhv^asādhūnām//
durjana^hutāśa^taptaṃ kāvya^suvarṇaṃ viśuddhim āyāti/
śrāvayitavyaṃ tasmād duṣṭajanasya prayatnena//
granthasya yat pracarato +asya vināśam eti
lekhyād bahuśruta^mukha^ādhigama^krameṇa/
yadvā mayā kukṛtam alpam iha^ākṛtaṃ vā
kāryaṃ tad atra viduṣā parihṛtya rāgam//
dinakara^muni^guru^caraṇa^praṇipātakṛtaprasādamatinā^idam/
śāstram upasaṅgṛhītaṃ namo +astu pūrvapraṇetṛbhyaḥ//
106 śāstrānukramaṇī
Original text: Bṛhatsaṃhitā · Edition: of A.V.Tripathi (Sarasvati Bhavan Granthamala Edition) with reference to H.Kern's text and his translation [variants marked by K. & K's tr.] and Utpala's commentary [marked by U.] · Data entry Michio Yano Mizue Sugita · GRETIL (Göttingen) · CC BY-NC-SA 4.0