Brihat Samhita · Chapter 106

śāstra^upanayaḥ pūrvaṃ sāṃvatsarasūtram arkacāraś ca/
śaśi^rāhu^bhauma^budha^guru^sita^manda^śikhi^grahāṇāṃ ca//

cāraś ca^agastyamuneḥ saptarṣīṇāṃ ca kūrma^yogaś ca/
nakṣatrāṇāṃ vyūho grahabhaktir grahavimardaś ca//

graha^śaśi^yogaḥ samyag^graha^varṣaphalaṃ grahāṇāṃ ca/
śṛṅgāṭa^saṃsthitānāṃ meghānāṃ garbha^lakṣaṇaṃ ca^eva//

dhāraṇa^varṣaṇa^rohiṇi^vāyavya^āṣāḍha^bhadrapada[K.bhādrapada]^yogāḥ/
kṣaṇavṛṣṭiḥ kusumalatāḥ sandhyā^cihnaṃ diśāṃ dāhaḥ//

bhūkampa^ulkā^pariveṣa^lakṣaṇaṃ śakracāpa^khapuraṃ ca/
pratisūryo nirghātaḥ sasya^dravya^arghakāṇḍaṃ ca//

indradhvaja^nīrājana^khañjanaka^utpāta^varhi[K.barhi]citraṃ ca/
puṣya^abhiṣeka^paṭṭapramāṇam asilakṣaṇaṃ vāstu//

udak[K.udag]ārgalam ārāmikam amarālaya^lakṣaṇaṃ kuliśalepaḥ/
pratimā vanapraveśaḥ surabhavanānāṃ pratiṣṭhā ca//

cihnaṃ gavām atha śunām kukkuṭa^kūrma^aja^puruṣa^cihnaṃ ca/
pañca^manuṣya^vibhāgaḥ strīcihnaṃ vastra^vicchedaḥ//

cāmara^daṇḍa^parīkṣā strī^stotraṃ ca^api subhaga^karaṇaṃ ca/
kāndarpika^anulepana^puṃstrikādhyāya^śayana^vidhiḥ//

vajra^parīkṣā mauktika^lakṣaṇam atha padmarāga^marakatayoḥ/
dīpasya lakṣaṇaṃ dantadhāvanaṃ śākunaṃ miśram//

antaracakraṃ virutaṃ śvaceṣṭitaṃ virutam atha śivāyāś ca//
caritaṃ mṛga^aśva^kariṇāṃ vāyasa^vidyottaraṃ ca tataḥ//

pāko nakṣatra^guṇās tithi^karaṇa^guṇāḥ sadhiṣṇya^janma^guṇāḥ/
*gocaram atha[K.gocaras tathā] grahāṇāṃ kathito nakṣatrapuruṣaś ca//

śatam idam adhyāyānām anuparipāṭikramād anukrāntam/
atra śloka^sahasrāṇy ābaddhāny ūnacatvāri//
106.14ab[K.omitted]/ atra^eva^antarbhūtaṃ pariśeṣaṃ nigaditaṃ ca yātrāyām/
106.14cd[K.omitted]/ bahvāścaryaṃ jātakam uktaṃ karaṇaṃ ca bahucodyam//