Brihat Samhita · Chapter 100

priyabhūṣaṇaḥ svarūpaḥ[K.surūpaḥ] subhago dakṣo +aśvinīṣu matimāṃś ca/
kṛtaniścaya^satya^arug^dakṣaḥ sukhitaś ca bharaṇīṣu//

bahubhuk paradāraratas tejasvī kṛttikāsu vikhyātaḥ/
rohiṇyāṃ satya^śuciḥ priyaṃvadaḥ *sthiraḥ svarūpaś ca[K.sthirasurūpaś ca]//

capalaś caturo bhīruḥ paṭur utsāhī dhanī mṛge bhogī/
śaṭha^garvita^caṇḍa^kṛtaghna^hiṃsra^pāpaś ca raudra^ṛkṣe//

dāntaḥ sukhī suśīlo durmedhā rogabhāk pipāsuś ca/
alpena ca santuṣṭaḥ punarvasau jāyate manujaḥ//

śāntātmā subhagaḥ paṇḍito dhanī dharma^saṃśritaḥ puṣye/
śaṭha^sarva^bhakṣakṣya[K.bhakṣa][U.bhakṣya]^pāpaḥ kṛtaghna^dhūrtaś ca bhaujaṅge//

bahubhṛtya^dhanī bhogī sura^pitṛ^bhakto mahodyamaḥ pitrye/
priyavāg dātā dyutimān aṭano nṛpa^sevako bhāgye//

subhago vidyā^āptadhano bhogī sukhabhāg dvitīyaphalgunyām/
utsāhī dhṛṣṭaḥ pānapo +aghṛṇī taskaro haste//

citrā^ambara^mālya^dharaḥ sulocanāṅgaś ca citrāyām[K.bhavati citrāyām]/
dānto vaṇik tṛṣāluḥ[K.kṛpāluḥ] priyavāg dharmāśritaḥ svātau//

īrṣur[K.irṣyur] lubdho dyutimān vacanapaṭuḥ kalahakṛd viśākhāsu//
āḍhyo videśavāsī kṣudhālur aṭano +anurādhāsu//

jyeṣṭhāsu na bahumitraḥ santuṣṭo dharmakṛt pracurakopaḥ/
mūle mānī dhanavān sukhī na hiṃsraḥ sthiro bhogī//

iṣṭā^nanda^kalatro vīro dṛḍha^sauhṛdaś ca jaladeve/
vaiśve vinīta^dhārmika^bahu^mitra^kṛtajña^subhagaś ca//

śrīmān śravaṇe śrutavān udāra^dāro dhana^anvitaḥ khyātaḥ/
dātā^āḍhya^śūra^gītapriyo dhaniṣṭhāsu dhana^lubdhaḥ//

sphuṭavāg vyasanī ripuhā sāhasikaḥ śatabhiṣaksu durgrāhyaḥ/
bhadrapadāsu^udvignaḥ strījita^dhana^paṭur adātā ca//

vaktā sukhī prajāvān jitaśatrur dhārmiko dvitīyāsu//
sampūrṇa^aṅgaḥ subhagaḥ śūraḥ śucir arthavān pauṣṇe//
101 rāśivibhāgādhyāyaḥ