Brihat Parashara Hora Shastra · Chapter 96

atha prasavavikāraśāntyadhyāyaḥ

athā'haṃ sampravakṣyāmi vikāraṃ prasavodbhavam /
yenā'riṣṭaṃ samastasya grāmasya ca kulasya ca

atyalpe vā'dhike kāle prasavo yadi jāyate /
hīnāṅgovā'dhikāṅgo vā viśirā dviśirāstathā

nāryā paśvākṛtirvāpi paśuṣvapi narākṛtiḥ /
prasavasya vikāro'yaṃ vināśāyopajāyate

yasya striyāḥ paśunāṃ vā vikārāḥ prasavodbhavaḥ /
aniṣṭaṃ bhavane tasya kule'pi ca mahad bhavet

taddoṣaparihārārthaṃ śāntiḥ kāryā prayatnataḥ /
strī vā gauvaṃḍavā vāpi parityājyā hitārthinā

nāryāḥ pañcadaśe varṣe janmataḥ ṣoḍaśo'pi vā /
garbho vā prasavo vā'pi na śubhāya prajāyate

siṃharāśisthite'rka gaunakrasthe mahiṣī tathā /
prasūtā svāminaṃ hanti svayaṃ cāpi vinaśyati

brāhmaṇāya pradadyāt tāṃ śāntiṃ vāpi samācaret /
brahmaviṣṇumaheśānāṃ grahāṇāṃ caiva pūjanam

sarvaṃ homādikaṃ karma kuryāt tritaraśāntivat /
tato gṛho sukhī bhūtvā sarvapāpaiḥ pramucyate

evaṃ tvariṣṭe samprāpte naraḥ śāntiṃ karoti yaḥ /
sarvān kāmānavāpnoti cirajīvī sukhī ca saḥ