Brihat Parashara Hora Shastra · Chapter 92

atha gaṇḍāntajātaśāntyadhyāyaḥ

tithinakṣatralagnānāṃ gaṇḍāntaṃ trividhaṃ smṛtam /
janmayātrāvivāhādau bhavettannidhanapradam

pūrṇānandākhyayostithyoḥ sandhau nāḍīcatuṣṭayam /
adha ūrdhvaṃ ca maitreya tithigaṇḍāntamucyate

revatīdāsrayoḥ sāpramaghayoḥ śākramūlayoḥ /
sandhau nakṣatragaṇḍāntamevaṃ nāḍīcatuṣṭayam

mīnājayoḥ karkiharyorlagnayoralicāpayoḥ /
sandhau ca lagnagaṇḍāntamadhaūrdhva ghaṭīmitam

eṣu cābhuktamūlākhyaṃ mahāvighnapadaṃ smṛtam /
indrarākṣasayoḥ sandhau pañcāṣṭaghaṭikāḥ kramāt

atha gaṇḍāntajātasya śiśoḥ śāntividhiṃ bruve /
gaṇḍāntakālajātasya sūtakāntyadine pitā

śāntiṃśubhe'hni vā kuryāt paśyet tāvanna taṃ śiśum /
vṛṣabhaṃ tithigaṇḍānte nakṣatre dhanumeva ca

kāñcanaṃ lagnagaṇḍānte dadyāttaddoṣapraśāntaye /
ādyabhāge prajātasya pituścāpyabhiṣecanam

dvitīye tu śiśormāturabhiṣekaṃ ca kārayet /
suvarṇena tadardheṇa yathāvittaṃ dvijottama /
tithibheṣādirūpaṃ ca kṛtvā vastrasamanvitam

upacārairyathāśakti kalahopari pūjayet /
pūjānte samidannajyairhoma/ kuryādyathāvidhi

brāhmaṇān bhojayet paścādevaṃ doṣātpramucyate /
āyurārogyamaiśvaryaṃ samprāpnoti dine dine