બૃહત્પારાશરહોરાશાસ્ત્રમ્ · અધ્યાય 92

અથ ગણ્ડાન્તજાતશાન્ત્યધ્યાયઃ

તિથિનક્ષત્રલગ્નાનાં ગણ્ડાન્તં ત્રિવિધં સ્મૃતમ્ ।
જન્મયાત્રાવિવાહાદૌ ભવેત્તન્નિધનપ્રદમ્

પૂર્ણાનન્દાખ્યયોસ્તિથ્યોઃ સન્ધૌ નાડીચતુષ્ટયમ્ ।
અધ ઊર્ધ્વં ચ મૈત્રેય તિથિગણ્ડાન્તમુચ્યતે

રેવતીદાસ્રયોઃ સાપ્રમઘયોઃ શાક્રમૂલયોઃ ।
સન્ધૌ નક્ષત્રગણ્ડાન્તમેવં નાડીચતુષ્ટયમ્

મીનાજયોઃ કર્કિહર્યોર્લગ્નયોરલિચાપયોઃ ।
સન્ધૌ ચ લગ્નગણ્ડાન્તમધઊર્ધ્વ ઘટીમિતમ્

એષુ ચાભુક્તમૂલાખ્યં મહાવિઘ્નપદં સ્મૃતમ્ ।
ઇન્દ્રરાક્ષસયોઃ સન્ધૌ પઞ્ચાષ્ટઘટિકાઃ ક્રમાત્

અથ ગણ્ડાન્તજાતસ્ય શિશોઃ શાન્તિવિધિં બ્રુવે ।
ગણ્ડાન્તકાલજાતસ્ય સૂતકાન્ત્યદિને પિતા

શાન્તિંશુભેઽહ્નિ વા કુર્યાત્ પશ્યેત્ તાવન્ન તં શિશુમ્ ।
વૃષભં તિથિગણ્ડાન્તે નક્ષત્રે ધનુમેવ ચ

કાઞ્ચનં લગ્નગણ્ડાન્તે દદ્યાત્તદ્દોષપ્રશાન્તયે ।
આદ્યભાગે પ્રજાતસ્ય પિતુશ્ચાપ્યભિષેચનમ્

દ્વિતીયે તુ શિશોર્માતુરભિષેકં ચ કારયેત્ ।
સુવર્ણેન તદર્ધેણ યથાવિત્તં દ્વિજોત્તમ ।
તિથિભેષાદિરૂપં ચ કૃત્વા વસ્ત્રસમન્વિતમ્

ઉપચારૈર્યથાશક્તિ કલહોપરિ પૂજયેત્ ।
પૂજાન્તે સમિદન્નજ્યૈર્હોમ। કુર્યાદ્યથાવિધિ

બ્રાહ્મણાન્ ભોજયેત્ પશ્ચાદેવં દોષાત્પ્રમુચ્યતે ।
આયુરારોગ્યમૈશ્વર્યં સમ્પ્રાપ્નોતિ દિને દિને