Brihat Parashara Hora Shastra · Chapter 90

atha saṃkrāntijanmaśāntyadhyāyaḥ

ghorādhvāṃkṣīmahodaryo mandā mandākinī tathā /
miśrā ca rākṣasī sūryasaṃkrāntiḥ sūryavāsarāt

saṃkrāntau ca naro jāto bhaved dāridrya duḥkhabhāk /
śāntyā sukhamavāpnoti tataḥ śāntividhi bruve

navagrahamakhaṃ kuryāt tasya doṣopaśāntaye /
gṛhasya pūrvadigbhāge gomayenopalipya ca

svalaṃkṛtapradeśe tu brīhirāśiṃ prakalpayet /
pañcadroṇamitaṃ dhānyaistadardhaṃ taṇḍulaistathā

tadardhaṃ ca tilaiḥ kuryādrāśiṃ ca dvijasattama /
pṛthak tritayarāśau tu likhedaṣṭadalaṃ budhaiḥ

puṇyāhaṃ vācayitvā tu ācāryaṃ vṛṇuyāt purā /
dharmajñaṃ mantratattvajñaṃ śāntikarmaṇi kovidam

rāśiṣu sthāpayet kumbhānavraṇān sumanoharān /
tīrthodakena sampūrya samṛdauṣadhapallavam

paṃcagavyaṃ kṣipettatra vastrayugmena veṣṭayet /
kumbhopari nyaset pātraṃ sūkṣmavastreṇa veṣṭitam

pratimāṃ sthāpayet tatra sādhipratyadhidaivatām /
adhidaivaṃ bhavet sūryaścandraḥ pratyadhidaivatam

candrādityākṛtī pārśve madhye saṃkrāntimarcayet /
pratimāṃ pūjane pūrvaṃ vastrayugmaṃ nivedayet

tato vyāhṛtipūrrveṇa tattanmantreṇa pūjayet /
traiyambakeṇa mantreṇa pradhānapratibhāṃ pūjayet

utsūrya iti mantreṇa sūryapūjāṃ samācaret /
āpyāyasveti mantreṇa candrapūjāṃ samācaret

upacāraiḥ ṣoḍaśabhiryadvā pañcopacārakaiḥ /
mṛtyuṃjayana mantreṇa pradhānapratimāṃ spṛśan

aṣṭottarasahasraṃ cā'pyaṣṭottaraśataṃ japet /
athā'ṣṭāviṃśatiṃ vāpi japenmantraṃ svaśaktitaḥ

kumbhebhyaḥ paścime deśe sthaṇḍile'gniṃ prakalpayet /
svagṛhyoktavidhānena kārayet saṃskṛtānalam

trayambakena mantreṇa samidājyacarūn hunet /
aṣṭottarasahasraṃ vā aṣṭottaraśataṃ yathā

aṣṭaviṃśatimevāpi kuryād homaṃ svaśaktitaḥ /
mṛtyuṃjayena mantreṇa tilahomaśca kārayet

tataḥ sviṣṭakṛtaṃ hutvāabhiṣekaṃ ca kārayet /
brahmaṇān bhojayet paścādevaṃ śāntimavāpnuyāt