Brihat Parashara Hora Shastra · Chapter 89

athaika nakṣatra jātaśāntyadhyāyaḥ

atha yadyekanakṣatre bhrātrorvā pitṛputrayoḥ /
prasūtiśca tayormṛturathaivakasya niścayaḥ

tatra śāntiṃ pravakṣyāmi gargādimunibhāṣitam /
sudine śubhanakṣatre candratārābalānvite

riktāvaviṣṭivivarjye ca samaya śāntimācaret /
śanerīśānadigbhāge nakṣatrapratimāṃ śubhām

tannakṣatroktamantreṇa pūjayet kalaśopari /
raktavastreṇa saṃchādya vastrayugmena veṣṭayet

svasvaśākhoktamārgeṇa kuryādagnimukhaṃ tathā /
punastenaiva mantreṇa hunadaṣṭottaraṃ śatam

pratyekaṃ samidannājyaiḥ prāyaścittāntameva hi /
abhiṣekaṃ tataḥ kuryādācāryaśca dvayorapi

ṛtvigbhyo dakṣiṇāṃ dadyādācāryāya viśeṣataḥ /
brāhmaṇān bhojayed bhaktyā vittaśāṭhyavivarjitaḥ