Brihat Parashara Hora Shastra · Chapter 9

athāriṣṭādhyāyaḥ

ādau janmāṅgato vipra riṣṭā'riṣṭaṃ vicārayet‌/
tatastanvādibhāvānāṃ jātakasya phalaṃ vadet‌

caturviṃśativarṣāṇi yāvad‌ gacchanti janmataḥ/
janmāriṣṭaṃ tu tāvat‌ syādāyurdāyuṃ na cintayet‌

ṣaṣṭhāṣṭariṣphagaścandraḥ krūrauḥ kheṭaiśca vīkṣitaḥ/
jātasya mṛtyudaḥ sadyastvaṣṭarṣaiḥ śubhakṣitaḥ

śaśivanmṛtyudāḥ saumyāścedvakrāḥ krūravīkṣitāḥ/
śiśorjātasya māsena lagne saumyavivarjite

yasya janmani dhīsthāḥ syuḥ sūryārkīndukujābhadhāḥ/
tasya tvāśu janitrī ca bhrātā ca nidhanaṃ vrajet‌

pāpekṣito yuto bhaumo lagnago na śubhekṣitaḥ/
mṛtyudastvaṣṭamastho'pi saureṇārkeṇa vā yutaḥ

candrasūryagrahe rāhuścandrasūryayuto yadi/
sauribhaumekṣitaṃ lagnaṃ pakṣamekaṃ sa jīvati

karmasthāne sthitaḥ sauriḥ śatrusthāne kalānidhiḥ/
kṣitijaḥ saptamasthāne saha mātrā vipadyate

lagne bhāskaraputraśca nidhane candramā yadi/
tṛtīyastho yadā jīvaḥ sa yāti yamamandiram‌

horāyāṃ navame sūryaḥ saptamasthaḥ śanaiścaraḥ/
ekādaśe guruḥ sukro māsamekaṃ sa jīvati

vyaye sarve grahā neṣṭāḥ sūryeśukrendurāhavaḥ/
viśeṣānnāśakartāro dṛṣṭyā vā bhaṅgakāriṇaḥ

pāpānvitaḥ śaśī dharme dyūnalagnagato yadi/
śubhairavekṣitayutastadā mṛtyupradaḥ śiśoḥ

sandhyāyāṃ candrahorāyāṃ gaṇḍānte nidhanāya vai/
pratyekaṃ candrapāpaiśca kendragaiḥ syādvināśanam‌

ravestu maṇḍalārddhāstāt‌ sāyaṃ saṃdhyā trināḍikā/
tathaivārddhodayāt‌ pūrvaṃ prātaḥ saṃdhyā trināḍikā

cakrapūrvāparārddheṣu krūrasaumyeṣu kīṭabhe/
lagnage nidhanaṃ yāti nā'tra kāryā vicāraṇā

vyayaśatrugataiḥ krūrairmṛtyudravyagatairapi/
pāpamadhyagate lagne satyameva mṛtiṃ vadet‌

lagnasaptamagau pāpau candro'pi krūrasaṃyutaḥ/
yadā nāvekṣitaḥ saumyaiḥ śīghrān‌mṛtyurbhavettadā

kṣīṇe śaśini lagnasthe pāpaiḥ kendrāṣṭasaṃsthitaiḥ/
yo jāto mṛtyumāpnoti sa vipreśa na saṃśayaḥ

pāpayormadhyagaścandro lagnāṣṭāntimasaptamaḥ/
acirānmṛtyumāpnoti yo jātaḥ sa śiśustadā

pāpadvayamadhyagate candre lagnasamāśrite/
saptāṣṭamena pāpena mātrā saha mṛtaḥ śiśuḥ

śanaiścarārkabhaumeṣu riṣphadharmāṣṭameṣu ca/
śabhairavīkṣyamāṇeṣu yo jāto nidhanaṃgataḥ

yad‌dreṣkāṇe ca yāmitre yasya syāddāruṇo grahaḥ/
kṣīṇacandro vilagnasthaḥ sadyo harati jīvatam‌

āpoklimasthitāḥ sarve grahā balavivarjitāḥ/
ṣaṇmāsaṃ va dvimāsaṃ va tasyāyuḥ samudāhṛtam‌

tribhiḥ pāpagrahaiḥ sūtau candramā yadi dṛśyate/
mātṛnāśo bhavettasya śubhardṛṣṭe śubhaṃ vadet

dhane rāhurbudhaḥ śukraḥ sauriḥ sūryo yadā sthitaḥ/
tasya māturbhavenmṛtyurmṛte pitari jāyate

pāpātsaptamarandhrasthe candre pāpasamanvite/
balibhiḥ pāpakairdṛṣṭe jāto bhavati mātṛhā

uccastho vā'tha nīcasthaḥ saptamastho yadāraviḥ/
pānahīno bhaved‌bāla ajākṣīreṇa jīvati

candrāccaturthagaḥ pāpo ripukṣetre yadā bhavet‌/
tadā mātṛvadhaṃ kuryāt‌ kendre yadi śubho na cet‌

dvādaśe ripubhāve ca yadā pāpagraho bhavet‌/
tadā māturbhayaṃ vidyāccaturthe daśame pituḥ

lagne krūro vyaye krūro dhane saumyastathaiva ca/
saptame bhavane krūraḥ parivārakṣayaṃkaraḥ

lagnasthe ca gurau saurau dhane rāhau tṛtīyage/
iti ceñjanmakāle syān‌mātā tasya na jīvati

kṣīṇacandrāt‌trikoṇasthaiḥ pāpaiḥ saumyavivarjitaiḥ/
mātā parityajed‌balaṃ ṣaṇmāsācca na saṃśayaḥ

ekāṃśakasthau mandārau yatra kutrasthitau yadā/
śaśikendragatau tau vā dvimātṛbhyāṃ na jīvati

lagne sando made bhaumaḥ ṣaṣṭhasthāne ca candramāḥ/
iti cejjanmakāle syāt‌ pitā tasya na jīvati

lagne jīvo dhane mandaravibhaumabudhāstathā/
vivāhasamaye tasya bālasya mriyate pitā

sūryaḥ pāpena saṃyukto hyathavā pāpamadhyagaḥ/
sūryāt‌ saptamagaḥ pāpastadā pitṛvadho bhavet‌

saptame bhavane sūryaḥ karmastho bhūmanandanaḥ/
rāhurvyaye ca yusyaiva pitā kaṣṭena jīvati

daśamastho yadā bhaumaḥ śatrukṣetrasamāsritaḥ/
mriyate tasya jātasya pitā śīghraṃ na saṃśayaḥ

ripusthāne yadā candro lagnasthāne śanaiścaraḥ/
kujaśca saptame sthāne pitā tasya na jīvati

bhaumāṃśakasthite bhānau śaninā ca nirīkṣite/
prāgjanmano nivṛttiḥ syān‌mṛtyurvā'pi śiśoḥ pituḥ

caturthe daśame pāpau dvādaśe ca yadā sthitau/
pitaraṃ mātaraṃ hatvā deśāddeśāntaraṃ vrajet‌

rāhujīvau ripukṣetre lagne vā'tha caturthake/
trayoviṃśatime varṣe putrastātaṃ na paśyati

bhānuḥ pitā ca jantūnāṃ candro mātā tathaiva ca/
pāpadṛṣṭiyuto bhānuḥ pāpamadhyagato'pi vā

pitrariṣṭaṃ vijānīyācchiśorjātasya niścitam‌/
bhānoḥ ṣaṣṭhaṣṭamarkṣasthaiḥ pāpaiḥ saumyavivarjitaiḥ/
sukhabhāvagatairvā'pi pitrariṣṭaṃ vinirdiśet‌

evaṃ candrāt‌ sthitaiḥ pāpairmātu kaṣṭaṃ vicārayet‌/
balā'balavivekena kaṣṭaṃ vā mṛtyumādiśet‌