Brihat Parashara Hora Shastra · Chapter 10

athā'riṣṭabhaṃgādhyāyaḥ

ityariṣṭaṃ mayā proktaṃ tad‌bhaṅgaścāpi kathyate/
yat‌ samālokyaṃ jātānāṃ riṣtā'riṣṭaṃ vaded‌budhaḥ

eko'pi jñāryaśukrāṇāṃ lagnāt‌ kendragato yadi/
ariṣṭaṃ nikhilaṃ hanti timiraṃ bhāskaro yathā

eka eva balī jīvo lagnastho riṣṭasaṃcayam‌/
hanti pāpakṣayaṃ bhaktyā praṇāma iva śūlinaḥ

eka eva vilagneśaḥ kendrasaṃstho balānvitaḥ/
ariṣṭaṃ nikhilaṃ hanti pinākī tripuraṃ yathā

śuklapakṣe kṣapājanma lagne saumyanirīkṣite/
viparītaṃ kṛṣṇapakṣe tathāriṣṭavināśanaṃ

vyayasthāne yadā sūryastulālagne tu jāyate/
jīvet‌ sa śatavarṣāṇi dīrghāyurbālako bhavet‌

gurubhaumau yadā yuktau gurudṛṛṭo'thavā kujaḥ/
hatvā'riṣṭamaśeṣaṃ ca jananyāḥ śubhakrad‌bhavet‌

caturthadaśame pāpaḥ saumyamadhye yadā bhavet‌/
pituḥ saukhyakaro yogaḥ śubhaiḥ kendratrikoṇagaiḥ

saumyāntaragataiḥ pāpaiḥ śubhaiḥ kendratrikoṇagaiḥ/
sadyo nāśayate'riṣṭaṃ tad‌bhāvotthaphalaṃ na tat‌