Brihat Parashara Hora Shastra · Chapter 8

atha rāśidṛṣṭikathanādhyāyaḥ

atha meṣādirāśīnāṃ carādīnāṃ pṛthak‌ pṛthak‌/
dṛṣṭibhedaṃ pravakṣyāmi śrṛṇu tvaṃ dvijasattama

rāśayo'bhimukhaṃ vipra tathā paśyanti pārśvabhe/
yathā caraḥ sthirānevaṃ sthiraḥ paśyati vai carān‌

dvisvabhāvo vinā'tmānāṃ dvisvabhāvān‌ prapaśyati/
samīpasthaṃ parityajya kheṭāstatra gatāstathā

careṣu saṃsthitāḥ kheṭāḥ paśyanti sthirasaṅgatān‌/
sthireṣu saṃsthitā evaṃ paśyanti carasaṃsthitān‌

ubhayasthāstu sūryādyā paśyanyubhayasaṃsthitān‌/
nikaṭasthaṃ vinā kheṭāḥ paśyantītyayamāgamaḥ

dṛṣṭicakramahaṃ vakṣye yayāvad‌ brahmaṇoditam‌/
tasya vinyāsamātreṇa dṛṣṭibhedaḥ prakāśyate

prāci meṣavṛṣau lekhyau karkasiṃhau tathottare/
tulā'lī paścime vipra mṛgakumbhau ca dakṣiṇe

īśakoṇe tu mithunaṃ vāyavye kanyakāṃ tathā/
naurṛrtyāṃ cāpamālikhya vahnikoṇe chaṣaṃ likhet‌

evaṃ caturbhujākāraṃ vṛttākāramathāpi vā/
dṛṣṭicakraṃ pravinyasyaivaṃ tato dṛṣṭiṃ vicārayet‌