Brihat Parashara Hora Shastra · Chapter 86

atha darśajanmaśāntyadhyāyaḥ

maitreya darśajātānāṃ mātāpitrordaridratā /
taddoṣaparihārāya śāntiṃ kuryād vicakṣaṇaḥ

kalaśasthāpanaṃ kṛtvā prathamaṃ vidhipūrvakam /
udumbaraṭāśvatthacūtānāṃ pallavāṃstathā

sanimbānāṃ ca mūlani tvacastatra vinikṣipet /
paṃcaratnāni nikṣipya vastrayugmena ceṣṭayet

sarve samudra iti cā'pohiṣṭhāditryṛcena ca /
āmantrya kalaśe tacca sthāpayed vahnikoṇake

darśasya devayoścā'tha candrabhāskarayoḥ kramāt /
pratimāṃ svarṇajāṃ nityaṃ rājatīṃ tāmrajāṃ tathā

āpyāyasveti mantrena' savitā paścāttameva ca /
upacāraiḥ samārādhya tato homaṃ samācaret

samidhaśca caruṃ vidvān krameṇa juhuyāt vratī /
bhaktyā savitṛmantreṇa somo dhenuśca mantrataḥ

aṣṭottaraśataṃ vāpi aṣṭaviṃśatireva vā /
abhiṣekaṃ tathā kuryāt dampatyośca suputrayoḥ

hiraṇyaṃ rajataṃ caiva kṛṣṇadhenuśca dakṣiṇā /
brāhmaṇān bhojayet śaktyā tataḥ kṣemamavāpnuyāt