બૃહત્પારાશરહોરાશાસ્ત્રમ્ · અધ્યાય 86

અથ દર્શજન્મશાન્ત્યધ્યાયઃ

મૈત્રેય દર્શજાતાનાં માતાપિત્રોર્દરિદ્રતા ।
તદ્દોષપરિહારાય શાન્તિં કુર્યાદ્ વિચક્ષણઃ

કલશસ્થાપનં કૃત્વા પ્રથમં વિધિપૂર્વકમ્ ।
ઉદુમ્બરટાશ્વત્થચૂતાનાં પલ્લવાંસ્તથા

સનિમ્બાનાં ચ મૂલનિ ત્વચસ્તત્ર વિનિક્ષિપેત્ ।
પંચરત્નાનિ નિક્ષિપ્ય વસ્ત્રયુગ્મેન ચેષ્ટયેત્

સર્વે સમુદ્ર ઇતિ ચાઽપોહિષ્ઠાદિત્ર્યૃચેન ચ ।
આમન્ત્ર્ય કલશે તચ્ચ સ્થાપયેદ્ વહ્નિકોણકે

દર્શસ્ય દેવયોશ્ચાઽથ ચન્દ્રભાસ્કરયોઃ ક્રમાત્ ।
પ્રતિમાં સ્વર્ણજાં નિત્યં રાજતીં તામ્રજાં તથા

આપ્યાયસ્વેતિ મન્ત્રેનઽ સવિતા પશ્ચાત્તમેવ ચ ।
ઉપચારૈઃ સમારાધ્ય તતો હોમં સમાચરેત્

સમિધશ્ચ ચરું વિદ્વાન્ ક્રમેણ જુહુયાત્ વ્રતી ।
ભક્ત્યા સવિતૃમન્ત્રેણ સોમો ધેનુશ્ચ મન્ત્રતઃ

અષ્ટોત્તરશતં વાપિ અષ્ટવિંશતિરેવ વા ।
અભિષેકં તથા કુર્યાત્ દમ્પત્યોશ્ચ સુપુત્રયોઃ

હિરણ્યં રજતં ચૈવ કૃષ્ણધેનુશ્ચ દક્ષિણા ।
બ્રાહ્મણાન્ ભોજયેત્ શક્ત્યા તતઃ ક્ષેમમવાપ્નુયાત્