Brihat Parashara Hora Shastra · Chapter 7

atha vargavivekādhyāyaḥ

atha ṣoḍaśavargeṣu vivekaṃ ca vadāmyaham‌/
lagne dehasya vijñānaṃ horāyāṃ sampadādikam‌

dreṣkāṇe bhrātṛjaṃ saukhyaṃ turyāṃśe bhāgyacintanam‌/
putrapautrādikānāṃ cai cintanaṃ saptamāṃśake

navamāṃśe kalatrāṇāṃ daśamāṃśe mahatphalam‌/
dvādaśāṃśe tathā pitrościntanaṃ ṣoḍaśāṃśake

sukhā'sukhasya vijñānaṃ vāhanānāṃ tathaiva ca/
upāsanāyā vijñānaṃ sādhyaṃ viṃśatibhāgake

vidyāyā vedabāhvaṃśe bhāṃśe caiva balā'balam‌/
triṃśāṃśake riṣṭaphalaṃ khavedāṃśe śubhā'śubham‌

akṣavedāṃśake caiva ṣaṣṭyaṃśe'khilamīkṣayet‌/
yatra kutrāpi samprāptaḥ krūraṣaṣṭyaṃśakādhipaḥ

tatra nāśo na sande ho gargādīnāṃ vaco yathā/
yatra kutrāpi samprāptaḥ kalāṃśādhipatiḥ śubhaḥ

tatra vṛddhiśca puṣṭiśca gargādināṃ vaco yathā/
iti ṣoḍaśavargāṇāṃ bhedāste pratipāditāḥ

udayādiṣu bhāveṣu kheṭasya bhavaneṣu vā/
vargaviṃśopakaṃ vīkṣya jñeyaṃ teṣāṃ śubhā'śubham‌

athātaḥ sampravakṣyāmi vargaviṃśopakaṃ balam‌/
yasya vijñānamārteṇa vipākaṃ dṛṣṭigocaram‌

gṛhaviṃśopakaṃ vīkṣyaṃ sūryādīnāṃ khacāriṇām‌/
svagṛhocce balaṃ pūrṇaṃ śūnyaṃ tatsaptamasthite

grahasthitivaśājjñeyaṃ dvirāśyadhipatistathā/
madhye'nupātato jñeyaṃ ojayugmarkṣabhedataḥ

sūryahorāphalaṃ dadyurjīvārkavasudhātmajāḥ/
candrāsphujidarkaputrāścandrahorāphalapradāḥ

phaladvayaṃ budho dadyāt‌ same cāndraṃ tadanyake/
raveḥ phalaṃ svahorādau phalahīnaṃ virāmake

madhye'nupātāt‌ sarvatra dreṣkāṇe'pi vicintayet‌/
gṛhavat‌ turyabhāgepi navāṃśādāvapi svayam‌

sūryaḥ kujaphalaṃ dhatte bhārgavasya niśāpatiḥ/
triṃśāṃśake vicintyauvamatrāpi gṛhavat‌ smṛtam‌

lagnahorādṛkāṇāṃkabhāgasūryakā iti/
triṃśāṃśakaśca ṣaḍ‌vargā atra viṃśopakāḥ kramāt‌

ramanetrābidhapaṃcāśvibhūmayaḥ saptavargake/
sasaptamāṃśake tatra viśvakāḥ paṃca locanam‌

trayaḥ sārddhaṃ dvayaṃ sārddhavedā dvau rātrināyakaḥ/
sthūlaṃ phalaṃ ca saṃsthāpya tatsūkṣmaṃ ca tatastataḥ

daśavargāṃ digaṃśāḍhyāḥ kalāṃśāḥ ṣaṣṭibhāgakāḥ/
trayaṃ kṣetrasya vijñeyaḥ paṃcaṣaṣṭyaṃśakasya ca

sārddhaukabhāgāḥ śeṣāṇāṃ viśvakāḥ parikīrtitā/
atha vakṣye viśeṣeṇa balaṃ viṃśopakāhvayam‌

kramāt‌ ṣoḍaśavargāṇāṃ kṣetrādīnāṃ pṛthak‌ pṛthak‌/
horātriṃśāṃśadṛkkāṇe kucandraśaśinaḥ kramāt‌

kalāṃśasya dvayaṃ jñeyaṃ trayaṃ nandāṃśakasya ca/
kṣetre sārddhaṃ ca tritayaṃ vedāḥ ṣaṣṭyaṃśakasya hi

arddhamardhaṃ tu śeṣāṇāṃ hyetat‌ svīyamudāhṛtam‌/
pūrṇaṃ viṃśopakaṃ viṃśo dhṛtiḥ syādadhimitrake

mitre paṃcadaśa proktaṃ same daśa prakīrtitam‌/
śatrau saptādhiśatrau ca paṃcaviṃśopakaṃ bhavet‌

vargaviśvāḥ svaviśvaghnāḥ punarviṃśatibhājitāḥ/
viśvāphalopayogyaṃ tatpañconaṃ phalado na hi

tadūrdhvaṃ svalpaphaladaṃ daśordhvaṃ madhyamaṃ smṛtam‌/
tiyyūrdhaṃ pūrṇaphaladaṃ bodhyaṃ sarvaṃ khacāriṇām‌

athā'nyadapi vakṣye'haṃ maitreya tvaṃ vidhāraya/
khetāḥ pūrṇaphalaṃ dadyuḥ sūryāt‌ saptamake sthitāḥ

phalābhāvaṃ vijānīyāt‌ same sūryanabhaścare/
madhye'nupātāt‌ sarvatra hyudayāstaviṃśopakāḥ

vargaviṃśopakaṃ jñeyaṃ phalamasya dvijarṣabha/
yacca yatra phalaṃ bud‌dhvā tatphalaṃ parikīrtitam‌

vargaviṃśopakaṃ cādāvudayāstamataḥ param‌/
pūrṇaṃ pūrṇetipūrnaṃsyāt‌ sarvadauvaṃ vicintayet‌

hīnaṃ hīnetihīnaṃ syāt‌ svalpelpātyalpakaṃ smṛtam‌/
madhyaṃ madhyetimadhyaṃ syādyāvattasya daśāsthitiḥ

athā'nyadapi vakṣyāmi maitreya srṛṇu suvrat/
lagnaturyāstaviyatāṃ kendrasaṃjñā viśeṣataḥ

dvipaṃcarandhralābhānāṃ jñeyaṃ paṇapharābhidham‌/
triṣaṣṭhabhāgyariṣphānāmāpoklimamiti dvija

lagnāt‌ paṃcamabhāgyasya koṇasaṃjñā vidhīyate/
ṣaṣṭhāṣṭavyayabhābānāṃ duḥsaṃjñāstrikasaṃjñakāḥ

caturasraṃ turyarandhraṃ kathayānte dvijottama/
svasthādupacayarkṣāṇi triṣaḍāyāmbarāṇi hi

tanurdhanaṃ ca sahajo bandhuputrārayastathā/
yuvatīrandhradharmākhyakarmālābhavyayāḥ kramāt‌

saṃkṣepeṇautaduditamanyad‌ buddhyanusārataḥ/
kiñcidviśeṣaṃ vakṣyāmi yathā bhahmamukhārcchutam‌

navame'pi piturjñānaṃ sūryācca navame'thavā/
yatkiñciddaśame lābhe tatsūryāddaśame bhave

turye tanau dhane lābhe bhāgye yaccintanaṃ ca tat‌/
candrātturye tanau lābhe bhagye taccintayed‌ dhruvam‌

lagnād‌ duścikyabhavane yatkujādvikrame'khilam‌/
vicāryaṃ ṣaṣṭhabhāvasya budhāt‌ ṣaṣṭhe vilokayet‌

putrasya ca guroḥ putre jāyāyāḥ saptame bhṛgoḥ/
aṣṭamasya vyayasyāpi mandānmṛtyau vyaye tathā

yad‌bhāvādyatphalaṃ cintyaṃ tadīśāttatphalaṃ viduḥ/
jñeyaṃ tasya phalaṃ taddhi tatra cintyaṃ śubhā'śubham‌