Brihat Parashara Hora Shastra · Chapter 78

atha naṣṭajātakādhyāyaḥ

janmakālavaśādevaṃ phalaṃ proktaṃ tvayā mune /
yajjanmasamayo'jñāto jñeyaṃ tasya phalaṃ katham

śubhaṃ vā'pyaśubhaṃ vāpi manujasya purākṛtam /
asti kaścidupāyaścet taṃ bhavān vaktumarhati

sādhu pṛṣṭaṃ tvayā vipra lokānugrahamānasā /
kathayāmi tava snehāt phalamajñātajanmanām

varṣāyanartumāsārdhatithinakṣatrabhādiṣu /
yadajñātaṃ ca tanmānaṃ jñāyate praśnalagnataḥ

praśnāṅgadvādaśāṃśarkṣasthite janma vadet gurau /
ayanaṃ lagnapūrvārdhe saumyaṃ yāmyaṃ parārdhake

ṛturlagnadṛkāṇarkṣasvāmibhiḥ śaśirādayaḥ /
śaniśukrakujendujñajīvairgrīṣmastu bhānunā

ayanartuvirodhe tu parivartyāḥ parasparam /
budhacandra surācāryāḥ kujaśukraśanaiścaraiḥ

māso dṛkāṇapūrvārdherpūrvo'nyastu parārdhake /
anupātāt tithirjñeyā bhāskarāṃśasamā dvija

tadvaśādiṣṭakālo yo janmakālasamo hi saḥ /
tatra grahāṃśca bhāvāṃśca jñātvā tasya phalaṃ vadet

gururdvādaśabhrvarṣaiḥ punastadrāśigo bhavet /
tat kasmin paryayo tasya jñeyaḥ saṃvatsaro mune

saṃvastarasya sandehe praśnakarturdvijottama /
vayo'numānatastatra dvādaśa dvādaśa kṣipet

tatrāpi saṃśaye jāte gururlagnatrikoṇagaḥ /
kalpyo vayo'numānena vatsaraḥ pūrvavat tataḥ

jñātvā māsaṃ sasūryāṃśaṃ kālajñānaṃ kathaṃ bhavet /
bhagavanniti me brūhi lokānugrahacetasā

sakrānteriṣṭasūryāṃśatulye'hni dvijasattama /
raviraudayikaḥ sādhyastasyeṣṭārkasya cāntaram

kalīkṛtya svaṣaṇnighnaṃ sphuṭārkagatibhājitam /
labdhaṃghaṭyādimānaṃ yat tāvān sūryodayāt param

pūrvaṃ janmeṣṭakālo hi kramāj jñeyo vipaścitā /
sādhitaudayikādarkādiṣṭe'rke'nikahīnake