બૃહત્પારાશરહોરાશાસ્ત્રમ્ · અધ્યાય 78

અથ નષ્ટજાતકાધ્યાયઃ

જન્મકાલવશાદેવં ફલં પ્રોક્તં ત્વયા મુને ।
યજ્જન્મસમયોઽજ્ઞાતો જ્ઞેયં તસ્ય ફલં કથમ્

શુભં વાઽપ્યશુભં વાપિ મનુજસ્ય પુરાકૃતમ્ ।
અસ્તિ કશ્ચિદુપાયશ્ચેત્ તં ભવાન્ વક્તુમર્હતિ

સાધુ પૃષ્ટં ત્વયા વિપ્ર લોકાનુગ્રહમાનસા ।
કથયામિ તવ સ્નેહાત્ ફલમજ્ઞાતજન્મનામ્

વર્ષાયનર્તુમાસાર્ધતિથિનક્ષત્રભાદિષુ ।
યદજ્ઞાતં ચ તન્માનં જ્ઞાયતે પ્રશ્નલગ્નતઃ

પ્રશ્નાઙ્ગદ્વાદશાંશર્ક્ષસ્થિતે જન્મ વદેત્ ગુરૌ ।
અયનં લગ્નપૂર્વાર્ધે સૌમ્યં યામ્યં પરાર્ધકે

ઋતુર્લગ્નદૃકાણર્ક્ષસ્વામિભિઃ શશિરાદયઃ ।
શનિશુક્રકુજેન્દુજ્ઞજીવૈર્ગ્રીષ્મસ્તુ ભાનુના

અયનર્તુવિરોધે તુ પરિવર્ત્યાઃ પરસ્પરમ્ ।
બુધચન્દ્ર સુરાચાર્યાઃ કુજશુક્રશનૈશ્ચરૈઃ

માસો દૃકાણપૂર્વાર્ધેર્પૂર્વોઽન્યસ્તુ પરાર્ધકે ।
અનુપાતાત્ તિથિર્જ્ઞેયા ભાસ્કરાંશસમા દ્વિજ

તદ્વશાદિષ્ટકાલો યો જન્મકાલસમો હિ સઃ ।
તત્ર ગ્રહાંશ્ચ ભાવાંશ્ચ જ્ઞાત્વા તસ્ય ફલં વદેત્

ગુરુર્દ્વાદશભ્ર્વર્ષૈઃ પુનસ્તદ્રાશિગો ભવેત્ ।
તત્ કસ્મિન્ પર્યયો તસ્ય જ્ઞેયઃ સંવત્સરો મુને

સંવસ્તરસ્ય સન્દેહે પ્રશ્નકર્તુર્દ્વિજોત્તમ ।
વયોઽનુમાનતસ્તત્ર દ્વાદશ દ્વાદશ ક્ષિપેત્

તત્રાપિ સંશયે જાતે ગુરુર્લગ્નત્રિકોણગઃ ।
કલ્પ્યો વયોઽનુમાનેન વત્સરઃ પૂર્વવત્ તતઃ

જ્ઞાત્વા માસં સસૂર્યાંશં કાલજ્ઞાનં કથં ભવેત્ ।
ભગવન્નિતિ મે બ્રૂહિ લોકાનુગ્રહચેતસા

સક્રાન્તેરિષ્ટસૂર્યાંશતુલ્યેઽહ્નિ દ્વિજસત્તમ ।
રવિરૌદયિકઃ સાધ્યસ્તસ્યેષ્ટાર્કસ્ય ચાન્તરમ્

કલીકૃત્ય સ્વષણ્નિઘ્નં સ્ફુટાર્કગતિભાજિતમ્ ।
લબ્ધંઘટ્યાદિમાનં યત્ તાવાન્ સૂર્યોદયાત્ પરમ્

પૂર્વં જન્મેષ્ટકાલો હિ ક્રમાજ્ જ્ઞેયો વિપશ્ચિતા ।
સાધિતૌદયિકાદર્કાદિષ્ટેઽર્કેઽનિકહીનકે