Brihat Parashara Hora Shastra · Chapter 6

atha ṣoḍaśavargādhyāyaḥ

śrutā grahaguṇāstvattastathā rāśiguṇa mune/
śrotamicchāmi bhāvānāṃ bhedāṃstān‌ kṛpayā vada

vargān‌ ṣoḍaśa yānāha brahmā lokapitāmahaḥ/
tānahaṃ sampravakṣyāmi maitreya srūyatāmiti

kṣetraṃ horā ca dreṣkāṇasturyāṃśaḥ saptamāṃśakaḥ/
navāṃśo daśamāṃśaśca sūryāmśaḥ ṣoḍaśāṃśakaḥ

viṃśāṃśo vedavāhvaṃśo bhāṃśastriṃśāṃśakastataḥ/
khavedāṃśo'kṣavedāṃśaḥ ṣaṣṭhyaṃśaśca tataḥ param‌

tatkṣetraṃ tasya kheṭasya rāśeryo yasya nāyakaḥ/
sūryendvorviṣame rāśau same tadviparītakam‌

pitaraścandrahoreśā devāḥ sūryasya kīrtitāḥ/
rāśerarddhaṃ bhaveddhorā tāścaturviṃśatiḥ smṛtā/
meṣādi tāsāṃ horāṇāṃ parivṛttidvayaṃ bhavet‌

rāśitribhāgādreṣkāṇāste ca ṣaṭ‌triṃśadīritāḥ/
parivṛttitrayaṃ teṣāṃ meṣādeḥ kramaśo bhavet‌

svapaṃcanavamānāṃ ca rāśīnāṃ kramaśaśca te/
nāradā'gastidurvāsā dreṣkāṇeśāścarādiṣu

svarkṣādikendrapatayasturyāṃśeśāḥ kriyādiṣu/
sanakaśca sanandaśca kumāraśca sanātanaḥ

saptāṃśapāstvojagṛhe gaṇanīyā nijeśataḥ/
yugmarāśau tu vijñeyāḥ saptamarkṣādināyakāt‌

kṣārakṣīrau ca dadhyājyau tathekṣurasasambhavaḥ/
madhyaśuddhajalāvoje same śuddhajalādikāḥ

navāṃśeśāścare tasmātsthire tannavamāditaḥ/
ubhaye tatpaṃcamāderiti cintyaṃ vicakṣaṇauḥ/
devā nṛrākṣasāścaiva carādiṣu gṛheṣu ca

daśamāṃśāḥ svataścaije yugma tannavamāt‌ smṛtāḥ/
daśa pūrvādidikpālā indrā'gniyamarākṣasāḥ

varuṇo mārutaścaiva kubereśānapad‌majāḥ/
anantaśca kramādīye same vā vyutkrameṇa tu

dvādaśāṃśasya gaṇanā tattatkṣetrādvinirdiśet‌/
teṣāmaghīśāḥ kramaśo gaṇeśā'śviyamāhayāḥ

ajasiṃhā'śvito jñeyā ṣoḍaśāṃśāścarādiṣu/
ajaviṣṇū haraḥ sūrye hyoje yugme pratīpakam‌

atha viṃśatibhāgānāmadhipā brahmaṇoditāḥ/
kriyāccare sthire cāpān‌ mṛgundrād‌ dvisvabhāvake

kālī gaurī lakṣmīvijayā vimalā satī/
tārā jvālāmukhī śvetā lalitā bagalāmukhī

pratyaṅgirā śacī raudrī bhavānī varadā jayā/
tripurā sumukhī ceti viṣame paricintayet‌

samarāśau dayā medhā chinnaśīrṣā piśācinī/
dhūmāvatī ca mātaṅgī bālā bhadra'ruṇānalā

piṅgalā chucchukā ghorā vārāhī vaiṣṇavī sitā/
bhuvaneśī bhairavī ca maṅgalā hyaparājitā

siddhāṃśakānāmadhipāḥ siṃhādojabhage grahe/
karkadyugmabhage kheṭe skandaḥ parśudharo'nalaḥ

viśvakarmā bhago mitro mayo'ntakavṛṣadhvajāḥ/
govindo madano bhīmaḥ siṃhādau viṣame kramāt‌/
karkādau samabhe bhīmādvilomena vicintayet‌

bhāṃśādhipāḥ kramāddasrayamavahnipitāmahāḥ/
candreśāditijīvāhipitaro bhagasaṃjñitāḥ

aryamārkatvaṣṭ‌ṭamarucchakrāgnimitravāsavāḥ/
nirṛtyudakaviśve'jagovindo vasavo'mbupaḥ

tato'japādahirbudhnyaḥ pūṣā caiva prakīrtitāḥ/
nakṣatreśāstu bhāṃśeśā meṣādicarabhakramāt‌

triṃśāṃśeśāśca viṣame kujarkījyajñabhārgavāḥ/
paṃcapaṃcāṣṭasaptākṣabhāgānāṃ vyatyayāt‌ same

vahniḥ samīraśakrau ca dhanado jaladastathā/
viṣameṣu kramājjñeyāḥ samarāśau viparyayāt‌

catvāriṃśadvibhāgānāmadhipā viṣame kriyāt‌/
samabhe tulato jñeyāḥ svasvādhipasamanvitāḥ

viṣṇuścandro marīciśca tvaṣṭā dhātā śivo raviḥ/
yamo yakṣaśca gandharvaḥ kālo varuṇa eva ca

tathākṣavedabhāgānāmadhipāścarabhe kriyāt‌/
sthire siṃhād‌ dvibhecāpāt‌ vidhīśaviṣṇavaścare

īśācyutasurajyeṣṭhā viṣṇukeśāḥ sthire dvibhe/
devāḥ paṃcadaśāvṛttyā vijñeyā dvijasattama

rāśīn‌ vihāya kheṭasya dvighnamaṃśādyamarkahṛt‌/
śeṣaṃ saikaṃ tadrāśerbhapāḥ ṣaṣṭyaṃśāpāḥ smṛtāḥ

ghoraśca rākṣaśo devaḥ kubero yakṣakinnarau/
bhraṣṭaḥ kulaghno garalo vahnirmāyā purīṣakaḥ

apāmpatirmarutvāṃśca kālaḥ sarpāmṛtendukāḥ/
mṛduḥ komalaherambabrahmaviṣṇumaheśvarāḥ

devārdrau kalināśaśca kṣitīśakamalākarau/
guliko mṛtyukālaśca dāvāgnirghorasaṃjñakaḥ

yamaśca kaṇṭakasudhā'mṛtau pūrṇaniśākaraḥ/
viṣadagdhakulāntaśca mukhyo vaṃśakṣayastathā

utpātakālasaumyākhyāḥ komalaḥ śītalābhidhaḥ/
karāladaṃṣṭracandrāsyau pravīṇaḥ kālapāvakaḥ

daṇḍabhṛnnirmalaḥ saumyaḥ krūro'tiśītalo'mṛtaḥ/
payodhibhramaṇākhyau ca candrarekhā tvayugmapāḥ

same bhe vyatyayājjñeyāḥ ṣaṣṭyaṃśeśāḥ prakīrtitāḥ/
ṣaṣṭyāṃśasvāminastvoje tadīśādavyatpayaḥ same

śubhaṣaṣṭayaṃśasaṃyuktā grahāḥ śubhaphalapradāḥ/
krūraṣaṣṭyaṃśāsaṃyuktā nāśayanti khacāriṇaḥ

vargabhedānahaṃ vakṣye maitreya tvaṃ vidhāraya/
ṣaḍ‌vargāḥ saptavargāśca digvargā nṛpavargakāḥ

bhavanti vargasaṃyoge ṣaḍavarge kiṃśukādayaḥ/
dvābhyāṃ kiṃśukanāmā ca tribhirvyañjanamucyate

caturbhiścāmarākhyaṃ ca chatraṃ pañcabhireva ca/
ṣaḍ‌bhiḥ kuṇḍalayogaḥ syānmukuṭākhyaṃ ca saptabhiḥ

saptavarge'tha digvarge pārijātādisaṃjñakāḥ/
pārijātaṃ bhaved‌dvābhyāmuttamaṃ tribhirucyate

caturbhirgopurākhyaṃ syāccharauḥ siṃhāsanaṃ tathā/
pārāvataṃ bhavet‌ ṣaḍ‌bhirdevalokaṃ ca saptabhiḥ

vasubhirbrahmalokākhyaṃ navabhiḥ śakravāhanam‌/
digbhiḥ śrīdhāmayogaḥ syādatha ṣoḍaśavargake

bhedakaṃ ca bhaved‌dvābhyāṃ tribhiḥ syāt‌ kumumākhyakam‌/
caturbhirnāgapuṣpaṃ syāt‌ paṃcabhiḥ kandukāhvayam‌

keralākhyaṃ bhavet‌ ṣaḍ‌bhiḥ saptabhiḥ kalpavṛkṣakam‌/
aṣṭabhiścandanavaṃ navabhiḥ pūrṇacandrakam‌

digbhiruccaiḥśravā nāma rudrairdhanvantarirbhavet‌/
sūryakāntaṃ bhaved‌ sūryairviśvaiḥ syādvidrumākhyakam‌

śakrasiṃhāsanaṃ śakrairgolokaṃ tithibhirbhavet‌/
bhūpaiḥ srīvallabhākhyaṃ syādvargā bhedairudāhṛtāḥ

svoccamūlatrikoṇasvabhavanādhipateḥ śubhāḥ/
svāruḍhāt‌ kendranāthānāṃ vargā grāhyāḥ sudhīmatā

astaṃgatā grahajitā nīcagā durbalāśca ye/
śayanādigatāstebhya utpannā yoganāśakāḥ