Brihat Parashara Hora Shastra · Chapter 5

athāhaṃ sampravakṣyāmi tavāgre dvijasattama/
bhāvahorāghaṭīsaṃjñalagnānīti pṛthak‌ pṛthak‌

sūryodayaṃ samārabhya ghaṭikānāṃ tu paṃcakam‌/
prayāti janmaparyantaṃ bhāvalagnaṃ tadeva hi

iṣṭaṃ ghaṭyādikaṃ bhaktvā paṃcabhirbhādijaṃ phalam‌/
yojyamaudayike sūrye bhāvalagnaṃ sphuṭaṃ ca tat‌

tathā sārdhadvighaṭikāmitādarkodayād‌ dvija/
prayāti lagnaṃ tannāma horālagnaṃ pracakṣate

iṣṭaghaṭyādikaṃ dvighnaṃ pañcāptaṃ bhādikaṃ ca yat‌/
yojyamaudayike bhānau horālagnaṃ sphuṭaṃ hi tat‌

kathayāmi ghaṭīlagnaṃ sṛnu tvaṃ dvijasattama/
sūryodayat‌ samārabhya janmakālāvadhi kramāt‌

ekaikaghaṭikāmānāt‌ lagnaṃ yadyāti bhādikam‌/
tadeva ghaṭikālagnaṃ kathitaṃ nāradādibhiḥ

rāśayastu ghaṭītulyāḥ palārdhapramitāṃśakāḥ/
yojyamaudayike bhanau ghaṭīlagnaṃ sphuṭaṃ hi tat‌

kramādeṣāṃ ca lagnānāṃ bhāvakoṣṭhaṃ pṛthak‌ likhet‌/
ye grahā yatra bhe tatra te sthāpyā rāśilagnavat‌

varṇadākhyadaśāṃ bhānāṃ kathayāmyatha te'grataḥ/
yasya vijñānamātreṇa vadedāyurbhavaṃ phalam‌

ojalagnaprasūtānāṃ meṣādergaṇayet‌ kramāt‌/
samalagnaprasūtānām mīnāderapasavyataḥ

meṣamīnādito janmalagnāntaṃ gaṇayet‌ sudhīḥ/
tathaiva horālagnāntaṃ gaṇayitvā tataḥ param‌

ojatvena samatvena sayātīye ubhe yadi/
tarhi saṃkhye yojayīta vaijātye tu viyojayet‌

meṣamīnāditaḥ paścādyo rāśiḥ sa tu varṇadaḥ/
etatprayojanaṃ vakṣye sṛṇu tvaṃ dvijapuṃgavaḥ/
horālagnabhayorneyā sabalād‌varṇadā daśā

yat‌saṃkhye varṇado lagnāt‌ tattatsaṃkhyākrameṇa tu/
kramayutkramabhedena daśā syādojayugmayo

pāpadṛṣṭiḥ pāpayogo varṇdasya trikoṇake/
yadi syāt‌ tarhi tadrāśiparyantaṃ tasya jīvanaṃ

rudraśūle yathaivāyurmaraṇādi nirūpyate/
tathaiva varṇadasyapi trikoṇe pāpasaṃgame

varṇadādapi bho vipra lagnavaccintayet‌ phalam‌/
varṇadāt‌ saptamād‌ bhāvat‌ kalatrāyurvicintayet‌

ekādaśādagrajasya tṛtīyāttu yavīyasaḥ/
sutasya paṃcame vidyānmātuścaturthabhāvat‌

pituśca navamād‌ bhāvādayurevaṃ vicintayet‌/
śūlarāśidaśāyāṃ vai pravalāyāmariṣṭakam‌

evaṃ tanvādibhāvānāṃ kartavyā varṇā daśā/
pūrvavacca phalaṃ jñeyaṃ dehināṃ ca śubhāśubham‌

grahanāṃ varṇadā naiva rāśīnāṃ varṇdā daśā/
kṛtvārkadhā rāśidaśāṃ kramādantardaśāṃ vadet‌

evamantardaśādiṃ ca kṛtvā tena phalaṃ vadet‌/
kramavyutkramabhedena likhedantardaśāmapi

svasvadeśod‌bhavaṃ lagnaṃ janmalagnamimihocyate/
bhāvahorādilagnānāṃ sarvatraiva samakriyā