બૃહત્પારાશરહોરાશાસ્ત્રમ્ · અધ્યાય 59

અથ કેત્વન્તર્દશાફલાધ્યાયઃ

કેન્દ્રે ત્રિકોણલાભે વા કેતૌ લગ્નેશસંયુતે ।
ભાગ્યકર્મસુસમ્બન્ધે વાહનેશસમન્વિતે

તદ્ભુક્તૌ ધનધાન્યાદિ ચતુષ્પાજ્જીવલાભકૃત્ ।
પુત્રદારાદિસૌખ્યં ચ રાજપ્રીતિમનોરુજઃ

ગ્રામભૂમ્યાદિલાભશ્ચ ગૃહં ગોધનસંકુલમ્ ।
નીચાસ્તખેટસંયુક્તે હ્યષ્ટમે વ્યયગેઽપિ વા

હૃદ્રોગો માનહાનિશ્ચ ધનધાન્યપશુક્ષયઃ ।
દારપુત્રાદિપીડા ચ મનશ્ચાંચલ્યમેવ ચ

દ્વિતીયદ્યૂનનાથેન સમ્બન્ધે તત્ર સંસ્થિતે ।
અનારોગ્યં મહત્કષ્ટમાત્મબન્ધુવિયોગકૃત્

દુર્ગાદેવીજપં કુર્યાન્મૃત્યુઞ્જયજપં ચરેત્ ।
એવં સ્વાન્તર્ગતે કેતૌ તતઃ સુખમવાપ્નુયાત્

કેતોરન્તર્ગતે શુક્રે સ્વોચ્ચે સ્વક્ષેત્રસંયુતે ।
કેન્દ્રત્રિકોણલાભે વા રાજ્યનાથેન સંયુતે

રાજપ્રીતિં ચ સૌભાગ્યં દિશાત્સ્વામ્બરસંકુલમ્ ।
તત્કાલે શ્રિયમાપ્નોતિ ભાગ્યકર્મેશસંયુતે

નષ્ટરાજ્યધનપ્રાપ્તિં સુખવાહનસુત્તમમ્ ।
સેતુસ્નાનાદિકં ચૈવ દેવતાદર્શનં મહત્

મહારાજપ્રસાદેન ગ્રામભૂમ્યાદિલાભકૃત્ ।
દાયેશાત્કેન્દ્રકોણે વા દુશ્ચિક્યે લાભગેઽપિ વા

દેહારોગ્યં શુભં ચૈવ ગૃહે કલ્યાણશોભનમ્ ।
ભોજનામ્બરભૂષાપ્તિરથદોલાદિલાભકૃત્

દાયેશાદ્રિપુરન્ધ્રસ્થે વ્યયે વા પાપસંયુતે ।
અકસ્માત્કલહં ચૈવ પશુધાન્યાદિપીડનમ્

નીચસ્થે ખેટસંયુક્તે લગ્નાત્ષષ્ઠાષ્ટરાશિગે ।
સ્વબન્ધુજનવૈષમ્યં શિરોક્ષિવ્રણપીડનમ્

હૃદ્રોગં માનહાનિં ચ ધનધાન્યપશુક્ષયમ્ ।
કલત્રપુત્રપીડાયાઃ સઞ્ચારં ચ સમાદિશેત્

દ્વિતીયદ્યૂનનાથે તુ દેહજાડ્યં મનોરુજમ્ ।
તદ્દોષપરિહારાર્થં દુર્ગાદેવીજપં ચરેત્ ।
શ્વેતાં ગાં મહિષીં દદ્યાદાયુઆરોગ્યવૃદ્ધયે

કેતોરન્તર્ગતે સૂર્યે સ્વોચ્ચે સ્વક્ષેત્રગેઽપિ વા ।
કેન્દ્રત્રિકોણલાભે વા શુભયુક્તનિરીક્ષિતે

ધનધાન્યાદિલાભશ્ચ રાજાનુગ્રહવૈભવમ્ ।
અનેકશુભકાર્યાણિ ચેષ્ટસિદ્ધિઃ સુખાવહા

અષ્ટમવ્યયરાશિસ્થે પાપગ્રહસમન્વિતે ।
તદ્ભુક્તૌ રાજભીતિશ્ચ પિતૃમાતૃવિયોગકૃત્

વિદેશગમનં ચૈવ ચૌરાહિવિષપીડનમ્ ।
રાજમિત્રવિરોધશ્ચ રાજદણ્ડાદ્ધનક્ષયઃ

શોકરોગભયં ચૈવ ઉષ્ણાધિક્યં જ્વરો ભવેત્ ।
દાયેશાત્લેન્દ્રકોણે વા લાભે વા ધનસંસ્થિતે

દેહસૌખ્યં ચાર્થલાભ૦ પુત્રલાભો મનોદૃઢમ્ ।
સર્વકાર્યાર્થસિદ્ધિઃ સ્યાત્સ્વલ્પગ્રામાધિપત્યયુક્

દાયેશાદ્રન્ધ્રરિઃફે વા સ્થિતે વા પાપસંયુતે ।
અન્નવિઘ્નો મનોબીતિર્ધનધાન્યપશુક્ષયઃ

આદૌ મધ્યે મહાક્લેશાનન્તે સૌખ્યં વિનિર્દિશેત્ ।
દ્વિતીયસપ્તમાધીશે હ્યપમૃત્યુર્ભવિષ્યતિ

તસ્ય શાન્તિં પ્રકુર્વીત સ્વર્ણં ધેનું પ્રદાપયેત્ ।
ભાસ્કરસ્ય પ્રસાદેન તતઃ સુખમવાપ્નુયાત્

કેતોરન્તર્ગતે ચન્દ્રે સ્વોચ્ચે સ્વક્ષેત્રગેઽપિ વા ।
કેન્દ્રત્રિકોણલાભે વા ધને શુભસમન્વિતે

રાજપ્રીતિર્મહોત્સાહઃ કલ્યાણં ચ મહત્સુખમ્ ।
મહારાજપ્રસાદેન ગૃહભૂમ્યાદિલાભકૃત્

ભોજનામ્બરપશ્વાદિવ્યવસાયેઽધિકં ફલમ્ ।
અશ્વવાહનલાભશ્ચ વસ્ત્રભરણભૂષણમ્

દેવાલયતડાગાદિપુણ્યધર્માદિસઙ્ગ્રહમ્ ।
પુત્રદારાદિસૌખ્યં ચ પૂર્ણચન્દ્રઃ પ્રયચ્છતિ

ક્ષીણે વા નીચગે ચન્દ્રે ષષ્ઠાષ્ટમવ્યયરાશિગે ।
આત્મસૌખ્યં મનસ્તાપં કાર્યવિઘ્નં મહદ્ભયમ્

પિતૃમાતૃવિયોગં ચ દેહજાડ્યં મનોવ્યથામ્ ।
વ્યવસાયાત્ફલં કષ્ટં પશુનાશં ભયં વદેત્

દાયેશાત્કેન્દ્રકોણે વા લાભે વા બલસંયુતે ।
કૃષિગોભૂમિલાભં ચ ઇષ્ટબન્ધુસમાગમમ્

તસ્માત્સ્વકાર્યસિદ્ધિં ચ ગૃહે ગોક્ષીરમેવ ચ ।
ભુક્ત્યાદૌ શુભમારોગ્યં મધ્યે રાજપ્રિયં શુભમ્

અન્તે તુ રાજભીતિં ચ વિદેશગમનં તથા ।
દૂરયાત્રાદિસઞ્ચારં સમ્બન્ધિજનપૂજનમ્

દાયેશાત્ષષ્ઠરિઃફે વા રન્ધ્રે વા બલવર્જિતે ।
ધનધાન્યાદિહાનિશ્ચ મનોવ્યાત્કુલમેવ ચ

સ્વબન્ધુજનવૈરં ચ ભ્રાતૃપીડા તથૈવ ચ ।
નિધનાધિપદોષેણ દ્વિસપ્તપતિસંયુતે

અપમૃત્યુભયં તસ્ય શાન્તિં કુર્યાદ્યથાવિધિ ।
ચન્દ્રપ્રીતિકરીં ચૈવ હ્યાયુરારોગ્યસિદ્ધયે

કેતોરન્તર્ગતે ભૌમે લગ્નાત્કેન્દ્રત્રિકોણગે ।
સ્વોચ્ચે સ્વક્ષેત્રગે વાઽપિ શુભગ્રહયુતેક્ષિતે

આદૌ શુભફલં ચૈવ ગ્રામભૂમ્યાદિલાભકૃત્ ।
ધનધાન્યાદિલાભશ્ચ ચતુષ્પાજ્જીવલાભકૃત્

ગૃગારામક્ષેત્રલાભો રાજાનુગ્રહવૈભવમ્ ।
ભાગ્યે કર્મેશસમ્બન્ધે ભૂલાભઃ સૌખ્યમેવ ચ

દાયેશાત્કેન્દ્રકોણે વા દુશ્ચિક્યે લાભગેઽપિ વા ।
રાજપ્રીતિયશોલાભઃ પુત્રમિત્રાદિસૌખ્યકૃત્

તથાઽષ્ટમવ્યયે ભૌમે દાયેશાદ્ધનગેઽપિ વા ।
દ્રુતં કરોતિ મરણં વિદેશે ચાપદં ભ્રમમ્

પ્રમેહમૂત્રકૃચ્છ્રાદિચૌરાદિનૃપપીડનમ્ ।
કલહાદિ વ્યથાયુક્તં કિઞ્ચિત્સુખવિવર્દ્ધનમ્

દ્વિતીયદ્યૂનનાથે તુ તાપજ્વરવિષાદ્ભયમ્ ।
દારપીડા મનઃક્લેશમપમૃત્યુભયં ભવેત્

અન્ડ્વાહં પ્રદદ્યાત્તુ સર્વસમ્પત્સુખાવહમ્ ।
તતઃ શાન્તિમવાપ્નોતિ ભૌમગ્રહપ્રસાદતઃ

કેતોરન્તર્ગતે રાહૌ સ્વોચ્ચે મિત્રસ્વરાશિગે ।
કેન્દ્રત્રિકોણે લાભે વા દુશ્ચિક્યે ધનસંજ્ઞકે

તત્કાલે ધનલાભઃ સ્યાત્સઞ્ચારો ભવતિ ધ્રુવમ્ ।
મ્લેચ્છપ્રભુવશાત્સૌખ્યં ધન્ધાન્યફલાદિકમ્

ચતુષ્પાજ્જીવલાભઃ સ્યાદ્ગ્રામભૂમ્યાદિલાભકૃત્ ।
ભુક્ત્યાદૌ ક્લેશમાપ્નોતિ મધ્યાન્તે સૌખ્યમાપ્નુયાત્

રન્ધ્રે વા વ્યયગે રાહૌ પાપસંદૃષ્ટસંયુતે ।
બહુમૂત્રં કૃશં દીહં શીતજ્વરવિષાદ્ભયમ્

ચાતુર્થિકજ્વરં ચૈવ ક્ષુદ્રોપદ્રવપીડનમ્ ।
અકસ્માત્કલહં ચૈવ પ્રમેહં શૂલમાદિશેત્

દ્વિતીયસપ્તમસ્થે વા તદા ક્લેશં મહદ્ભયમ્ ।
તદ્દોષપરિહારાર્થં દુર્ગાદેવીજપં ચરેત્

કેતોરન્તર્ગતે જીવે કન્દ્રે લાભે ત્રિકોણગે ।
સ્વોચ્ચે સ્વક્ષેત્રગે વાપિ લગ્નાધિપસમન્વિતે

કર્મભાગ્યાધિપૈર્યુક્તે ધનધાન્યાર્થસંપદમ્ ।
રાજપ્રીતિં તદોત્સાહમશ્વાંદોલ્યાદિકં દિશેત્

ગૃહે કલ્યાણસમ્પત્તિં પુત્રલાભં મહોત્સવહમ્ ।
પુણ્યતીર્થં મહોત્સાહં સત્કર્મ ચ સુખાવહમ્

ઇષ્ટદેવપ્રસાદેન વિજયં કાર્યલાભકૃત્ ।
રાજસંલ્લાપકાર્યાણિ નૂતનપ્રભુદર્શનમ્

ષષ્ઠાષ્ટમવ્યયે જીવે દાયેશાન્નીચગેઽપિ વા ।
ચૌરાહિવ્રણભીતિં ચ ધનધાન્યાદિનાશનમ્

પુત્રદારાવિયોગં ચ ત્વતીવક્લેશસમ્ભવમ્ ।
આદૌ સુભફલં ચૈવ અન્તે ક્લેશકરં વદેત્

દાયેશાત્કેન્દ્રકોણે વા દુશ્ચિક્યે લાભગેઽપિ વા ।
શુભયુક્તે નૃપપ્રીતિર્વિચિત્રામ્બરભૂષણમ્

દૂરદેશપ્રયાણં ચ સ્વબન્ધુજનપોષણમ્ ।
ભોજનામ્બરપશ્વાદિ ભુક્ત્યાદૌ દેહપીડનમ્

અન્તે તુ સ્થાનચલનમકસ્માત્કલહો ભવેત્ ।
દ્વિતીયદ્યૂનનાથે તુ હ્યપમૃત્યુર્ભવિષ્યતિ

તદ્દોષપરિહારાર્થં શિવસાહસ્રકં જપેત્ ।
મહામૃત્યુઞ્જયં જાપ્યં સર્વોપદ્રવનાશનમ્

કેતોરન્તર્ગતે મન્દે સ્વદશાયાં તુ પીડનમ્ ।
બન્ધોઃ ક્લેશો મનસ્તાપશ્ચતુષ્પાજ્જીવલાભકૃત્

રાજકાર્યકલાપેન ધનનાશો મહદ્ભયમ્ ।
સ્થાનાચ્ચ્યુતિઃ પ્રવાસશ્ચ માર્ગે ચૌરભયં ભવેત્

આલસ્યં મનસો હાનિશ્ચાષ્ટમે વ્યયરાશિગે ।
મીનત્રિકોણગે મન્દે તુલાયાં સ્વર્ક્ષગેઽપિ વા

કેન્દ્રત્રિકોણલાભે વા દુશ્ચિક્યે વા શુભાંશકે ।
શુભદૃષ્ટયુતે ચૈવ સર્વકાર્યાર્થસાધનમ્

સ્વપ્રભોશ્ચ મહત્સૌખ્યં ભ્રમણં ચ સુખાવહમ્ ।
સ્વગ્રામે સુખસમ્પત્તિઃ સ્વવર્ગે રાજદર્શનમ્

દાયેશાત્ષષ્ઠરિઃફે વા અષ્ટમે પાપસંયુતે ।
દેહતાપો મનસ્તાપઃ કાર્યે વિઘ્નો મહદ્ભયમ્

આલસ્યં માનહાનિશ્ચ પિતૃમાત્રોર્વિનાશનમ્ ।
દ્વિતીયદ્યૂનનાથે તુ હ્યપમૃત્યુભયં ભવેત્

તદ્દોષપૈર્હારાર્થં તિલહોમં ચ કારયેત્ ।
કૃષ્ણાં ગાં મહિષીં દદ્યાદાયુરારોગ્યવૃદ્ધયે

કેતોરન્તર્ગતે સૌમ્યે કેન્દ્રલાભત્રિકોણગે ।
સ્વોચ્ચે સ્વક્ષેત્રસંયુક્તે રાજ્યલાભો મહત્સુખમ્

સત્કથાશ્રવણં દાનં ધર્મસિદ્ધિઃ સુખાવહા ।
ભૂલાભઃ પુત્રલાભશ્ચ શુભગોષ્ઠીધનાગમઃ

અયત્નાદ્ધર્મલબ્ધિશ્ચ વિવાહશ્ચ ભવિષ્યતિ ।
ગૃહે શુભકરં કર્મ વસ્ત્રાભરણભૂષણમ્

ભાગ્યકર્માધિપૈર્યુક્તે ભાગ્યવૃદ્ધિઃ સુખાવહા ।
વિદ્વદ્ગોષ્ઠીકથાભિશ્ચ કાલક્ષેપો ભવિષ્યતિ

ષષ્ઠાષ્ટમવ્યયે સૌમ્યે મન્દારાહિયુતેક્ષિતે ।
વિરોધો રાજવર્ગૈશ્ચ પરગેહનિવાસનમ્

વાહનામ્બરપશ્વાદિધનધાન્યાદિનાશકૃત્ ।
ભુક્ત્યાદૌ શોભનં પ્રોક્તં મધ્યે સૌખ્યં ધનાગમઃ

અન્તે ક્લેશકરં ચૈવ દારપુત્રાદિપીડનમ્ ।
દાયેશાત્કેન્દ્રગે સૌમ્યે ત્રિકોણે લાભગેઽપિ વા

દેહારોગ્યં મહાંલ્લાભઃ પુત્રકલ્યાણવૈભવમ્ ।
ભોજનામ્બરપશ્વાદિવ્યવસાયેઽધિકં ફલમ્

દાયેશાત્ષષ્ઠરન્ધ્રે વા વ્યયે વા બલવર્જિતે ।
તદ્ભુક્ત્યાદૌ મહાક્લેશો દારપુત્રાદિપીડનમ્

રાજભીતિકરશ્ચૈવ મધ્યે તીર્થકરો ભવેત્ ।
દ્વિતીયદ્યૂનનાથે તુ હ્યપમૃત્યુર્ભવિષ્યતિ

તદ્દોષપરિહારાર્થં વિષ્ણુસાહસ્રકં જપેત્ ।
તતઃ સુખમવાપ્નોતિ શ્રીહરેશ્ચ પ્રસાદતઃ