Brihat Parashara Hora Shastra · Chapter 54

atha kujadaśāntardaśāphalādhyāyaḥ

kuje svāntargate vipra lagnātkendratrikoṇage |
lābhe vā śubhasaṃyukte duṣcikye dhanasaṃyute

lagnādhipena saṃyukte rājā'nugrahavaibhavam |
lakṣmīkaṭokṣacihnāni naṣṭarājyārthalābhakṛt

putrotsavādisantoṣo gṛhe gokṣīrasaṅkalam |
svocce vā svarkṣage bhaume svāṃśe vā balasaṃyute

gṛhakṣetrābhivṛddhiśca gomahiṣyādilābhakṛt |
mahārājaprasādena sveṣṭasiddhiḥ sukhāvahā

athā'ṣṭamavyaye bhaume pāpadṛgyogasaṃyute |
mūtrakṛrcchādirogaśca kaṣṭādhikyaṃ vraṇādbhayam

caurāhirājapīḍā ca dhanadhānyaparukṣayaḥ |
dvitīye dyūnanāthe tu dehajāḍyaṃ manovyathā

taddoṣaparihārārthaṃ rudrajāpyaṃ ca kārayet |
anaḍvāhaṃ pradadvācca kujadoṣanivṛttaye

tena tuṣṭo bhaved bhaumaḥ śaṅkarasya prasādataḥ |
ārogyaṃ kurute tasya sarvasampattidāyakam

kujasyāntargate rāhau svocce mūlatrikoṇage |
śubhairyukte śubhairdṛṣṭe kendralābhatṛkoṇage

tatkāle rājasammānaṃ gṛhabhūmyādilābhakṛt |
kalatraputralābhaḥ syādvyavasāyātphalādhikam

gaṅgāsnānaphalāvāptiṃ videśagamanaṃ tathā |
tathā'ṣṭamavyaye rāhau pāpayukte'tha vīkṣite

caurāhivraṇabhītiśca catuṣpājjīvanaśanam |
vātapittarujobhītiḥ kārāgṛhaniveśanam

dhanasthānagate rāhau dhananāsaṃ mahadbhayam |
saptamasthānage vā'pi hyapamṛtyubhayaṃ mahat

nāgapūjāṃ prakurvīta devabrāhmaṇabhojanaṃ |
mṛtyuñjayajapaṃ kuryādāyurārogyalabdhaye

kujasyāntargate jīve trikoṇe kendrage'pi vā |
lābhe vā dhanasaṃyukte tuṅgāṃśe svāṃśagepi vā

satkīrtī rājasammānaṃ dhanadhānyasya vṛddhikṛt |
gṛhe kalyāṇasampattirdāraputrādilābhakṛt

dāyeśātkendrarāśisthe trikoṇe lābhage'pi vā |
bhāgyakarmādhipairyukte vāhanādhipasaṃyute

lagnādhipasamāyukte śubhāṃśe śubhavargage |
gṛhakṣetrābhivṛddhiśca gṛhe kalyāṇasampadaḥ

dehārogyaṃ mahatkīrtigṛhe gokulasaṃgrahaḥ |
catuṣpājjīvalābhaḥ syādvyavasāyātphalādhikam

kalaputrasaukhyaṃ ca rājasammānavaibhavam |
ṣaṣṭhāṣṭamavyaye jīve nīce vāstaṃgate sati

pāpagraheṇa saṃyukte dṛṣṭe vā durbale sati |
caurāhinṛpabhītiśca pittarogādisambhavam

pretabādhā bhṛtyanāśaḥ sodarāṇāṃ vināśanam |
dvitīyadyūnanāthe tu hyapamṛtyujvarādikam |
taddoṣaparihārārthaṃ śivasāhasrakaṃ japet

kujasyāntargate mande svarkṣe kendratrikoṇage |
mūlatrikoṇakendre vā tuṅgāṃśe svāṃśage sati

lagnādhipatinā vāpi śubhadṛṣṭiyute'site |
rājyasaukhyaṃ yaśovṛddhiḥ svagrāme dhānyavṛddhikṛt

putrapautrasamāyukto gṛhe godhanasaṃgrahaḥ |
svavāre rājasammānaṃ svamāse putravṛddhikṛt

nīcādikṣetrage mande tathā'ṣṭavyayarāśige |
mlecchavargaprabhubhayaṃ dhanadhanyādināśanam

nigaḍe bandhanaṃ vyādhirante kṣetranāśakṛt |
dvitīyadyūnanāthe tu pāpayukte mahadbhayam

dhananāśaśca sañcāre rājadveṣo manovyathā |
caurāgninṛpapīḍā ca sahodaravināśanam

bandhudveṣaḥ pramādyaiśca jīvahāniśca jāyate |
akasmācca mṛterbhītiḥ putradārādipīḍanam

kārāgṛhādibhīdiśca rājadaṇḍo mahadbhayam |
dāyeśātkendrarāśisthe lābhasthe vā trikoṇage

videśayānaṃ labhate duṣkīrtirvividhā tathā |
pāpakarmarato nityaṃ bahujīvādihiṃsakaḥ

vikrayaḥ kṣetrahāniśca sthānabhraṃśo manovyathā |
raṇe parājayaścaiva mūtrakṛrcchānmahadbhayam

dāyeśādatha randhre vā vyaye vā pāpasaṃyute |
tadbhuktau maraṇaṃ jñeyaṃ nṛpacaurādipīḍanam

vātapīḍā ca śūlādijñātiśtrubhayaṃ bhavet

taddoṣaparihārārthaṃ mṛtyuñjayajapaṃ caret |
tataḥ sukhamavāpnoti śaṅkarasya prasādataḥ

kujasyāntargate saumye lagnātkendratrikoṇage |
satkathāścā'japādānaṃ dharmabuddhirmahadyaśaḥ

nītimārgaprasaṅgaśca nityaṃ miṣṭānnabhojanam |
vāhanāmbarapaśvādirrājakarma sukhāni ca

kṛṣikarmaphale siddhirvāraṇāmbarabhūṣaṇam |
nīce vāstaṅgate vāpi ṣaṣṭhāṣṭavyayage'pi vā

hṛdrogaṃ mānahāniśca nigaḍaṃ bandhunāśanam |
dāraputrārthanāśaḥ syāccatuṣpājjīvanāśanam

daśādhipena saṃyukte śatruvṛddhirmahadbhayam |
videśagamanaṃ caiva nānārogāstathaiva ca

rājadvāre virodhaśca kalahaḥ svajanairapi |
dāyeśātkendratrikoṇe vā svocce yuktārthalābhakṛt

anekadhananāthatvaṃ rājasammanameva ca |
bhūpālayogaṃ kurute dhanambaravibhūṣaṇam

bhūravādyamṛdaṃgādi senāpatyaṃ mahatsukham |
vidyāvinodavimalā vastravāhanabhūṣaṇam

dāraputrādivibhavaṃ gṛhe lakṣmīḥ kaṭākṣakṛt |
dāyeśātṣaṣṭhariḥphasthe randhre vā pāpasaṃyute

taddāye mānohāniḥ syātkrūrabuddhistu krūravāk |
caurāgninṛpapīḍā ca mārge dasyubhayādikam

akasmātkalahaścaiva budhamuktau na saṃśayaḥ |
dvitīyadyūnanāthe tu mahāvyādhirbhayaṅkaraḥ

aśvadānaṃ prakurvīta viṣṇornāmasahasrakam |
sarvasampatpradaṃ vipra sarvāriṣṭapraśāntaye

kujasyāntargate ketau trikoṇe kendrage'pi vā |
diścikye lābhage vā'pi śubhayukte śubhekṣite

rājānugrahaśāntiśca bahusaukhyaṃ dhanāgamaḥ |
kiñcitphalaṃ daśādau tu bhūlābhaḥ putralābhakṛt

rājasaṃlābhakāryāṇi catuṣpājjīvalābhakṛt |
yogakārakasaṃsthāne balavīryasamanvite

putralābho yaśovṛddhirgṛhe lakṣmīḥ kaṭākṣakṛt |
bhṛtyavargadhanaprāptiḥ senāpatyaṃ mahatsukham

bhūpālamitraṃ kurute yāgāmbarādibhūṣaṇam |
dāyeśātṣaṣṭhariḥphasthe randhre vā pāpasaṃyute

kalaho dantarogaśca cauravyāghrādipīḍanam |
jvarātisārakuṣṭhādidāraputrādipīḍanam

dvitīyasaptamasthāne dehe vyādhirbhaviṣyati |
apamānamanastāpo dhanadhānyādipracyutim

kujasyāntargate śukre kendralābhatrikoṇage |
svocce vā svarkṣage vā'piśubhasthānādhipe'thavā

rājyalābho mahatsaukhyaṃ gajāśvāmbarabhūṣaṇam |
lagnādhipena sambandhe putradārādivardhanam

āyuṣo vṛddhiraiśvaryaṃ bhāgyavṛddhisukhaṃ bhavet |
dāyeśātkendrakoṇasthe lābhe vā dhanage'pi vā

tatkāle śriyamāpnoti putralābhaṃ mahatsukham |
svaprabhośca mahatsaukhyaṃ dhanavastrādilābhakṛt

mahārajaprasādena grāmabhūmyādilābhadam |
bhuktyante phalamāpnoti gītanṛtyādilābhakṛt

puṇyatīrthasnānalābhaṃ karmādhipasamanvite |
puṇyadharmadayākūpataḍāgaṃ kārayiṣyati

dāyeśādrandhrariṣphasthe ṣaṣṭhe vā pāpasaṃyute |
karoti duḥkhabāhulyaṃ dehapīḍāṃ dhanakṣayaṃ

rājacaurādibhītiñca gṛhe kalahameva ca |
dāraputrādipīḍāṃ ca gomahiṣyādināśakṛt

dvitīyadyūnanāthe tu dehabādhā bhaviṣyati |
śvetāṃ gāṃ mahiṣīṃ dadyādāyurārogyavṛddhaye

kujasyāntargate sūrye svocce svakṣetrakendrage |
mūlatrikoṇalābhe vā bhāgyakarmeśasaṃyute

tadbhuktau vāhanaṃ kīrtiṃ putralābhaṃ ca vindati |
dhanadhānyasamṛddhiḥ syād gṛhe kalyāṇasampadaḥ

kṣemārogyaṃ mahaddhairyaṃ rājapūjyaṃ mahatsukham |
vyavasāyātphalādhikyaṃ videśe rājadarśanam

dāyeśātṣaṣṭhariṣphe vā vyaye vā pāpasaṃyute |
dehapīḍā manastāpaḥ kāryahānirmahadbhayam

śirorogo jvarādiśca atisāramathāpi vā |
dvitīyadyūnanāthe tu sarpajvaraviṣādbhayam

sutapīḍābhayaṃ caiva śānti kuryādyathāvidhi |
dehārogyaṃ prakurute dhanadhānyacayaṃ tathā

kujasyāntargate candre svocce svakṣetrakendrage |
bhāryavāhanakarmeśalagnādhipasamanvite

karoti vipulaṃ rājyaṃ gandhamālyāmbarādikam |
taḍāgaṃ gopurādīnāṃ puṇyadharmādisaṃgraham

vivāhotsavakarmāṇi dāraputrādisaukhyakṛt |
pitṛmātṛsukhāvāptiṃ gṛhe lakṣmīḥ kaṭākṣakṛt

mahārajaprasādena sveṣṭasiddhisukhādikam |
pūrṇe candre pūrṇaphalaṃ kṣīṇe svalpaphalṃ bhavet

nīcāristha'ṣṭame ṣaṣṭhe dāyeśādripurandhrake |
maraṇaṃ dāraputrāṇāṃ kaṣṭaṃ bhūmivināśanam

paśudhānyakṣayaścaiva caurādiraṇabhītikṛt |
dvitīyadyūnanāthe tu hyapamṛtyurbhaviṣyati

dehajāḍyaṃ manoduḥkhaṃ durgā lakṣmījapaṃ caret |
śvetāṃ gāṃ mahiṣīṃ dadyādanemārogyamādiśet