Brihat Parashara Hora Shastra · Chapter 53

atha candrāntardaśāphalādhyāyaḥ

svocce svakṣetrage candre trikoṇe lābhage'pi vā |
bhāgyakarmādhipairyukte gajāśvāmbarasaṃkulam

devatāgurubhaktiśca puṇyaślokādikīrtanam |
rājyalābho mahatsaukhyaṃ yaśovṛddhiḥ sukhāvahā

pūrṇe candre balaṃ pūrṇaṃ senāpatyaṃ mahatsukham |
pāpayukte'thavā candre nīce vā riṣphaṣaṣṭhage

atakāle dhananāśaḥ syātsthānacyutirathāpi vā |
dehalasyaṃ manastapo rājamantrivirodhakṛt

mātṛkleśo manoduḥkhaṃ nigaḍaṃ bandhunāśanam |
dvitīyadyūnanāthe tu randhrariṣpheśasaṃyute

dehajāḍyaṃ mahābhaṅgamapamṛtyobhayaṃ vadet |
śvetāṃ gāṃ mahiṣīṃ dadyāt svadaśāntargate vidhau

candrasyāntargate bhaume lagnātkendratrikoṇage |
saubhāgyaṃ rājasanmānaṃ vastrabharaṇabhūṣaṇam

yatnāt kāryārthasiddhistu bhaviṣyati na samśayaḥ |
gṛhakṣetrābhivṛddhiśca vyavahāre jayo bhavet

kāryalābho mahatsaukhyaṃ svocce svakṣetrage phalam |
tathā'ṣṭamavyaye bhaume pāpayukte'tha vā yadi

dāyaśādaśubhasthāne dehārtiḥ paravīkṣite |
gṛhakṣetrādihāniśca vyavahāre tathā kṣatiḥ

mṛtyuvargeṣu kalaho bhūpālasya virodhanam |
ātmabandhuviyogaśca nityaṃ niṣṭhurabhāṣaṇam

dvitīye dyūnanāthe tu randhre randhrādhipo yadā |
tattoṣaparihārārthaṃ brāhmaṇasyā'rcanaṃ caret

candrasyāntargate rāhau lagnātkendratrikoṇage |
ādau svalphalaṃ jñeyaṃ śatrupīḍā mahadbhayam

caurāhirājabhītiśca catuṣpājjivapīḍanam |
bandhunāśo mitrahānirmānahānirmanovyathā

śubhayukte śubhairdṛṣṭe lagnādupacaye'pi vā |
yogakārakasambandhe sarvakāryārthasiddhikṛt

nairṛtye paścime bhāve kvacitprabhusamāgamaḥ |
vāhanāmabaralābhaśca sveṣṭakāryārthasiddhikṛt

dāyeśādatha randhrathe vyaye vā balavarjite |
sthānabhraṃśo manodukhaṃ putrakleśo mahadbhayam

dārapīḍā kvacijjñeyā kvacitsvāṅge rujobhayam |
vṛścikādiviṣādbhītiścaurāhinṛpapīḍanam

dāyeśātkendrakoṇe va duścikye lābhage'pi vā |
puṇyatīrthaphalāvāptirdevatādarśanaṃ mahat

paropakārakarmādipuṇyakarmādisaṃprahaḥ |
dvitīyadyūnarāśiathe dehabādhā bhaviṣyati

taddoṣaparihārārthaṃ rudrajāpyaṃ samācaret |
chāgadānaṃ prakurvīta dehārogyaṃ prajāyate

candrasyāntargate jīve lagnātkendratrikoṇage |
svagehe lābhage svocce rājyalābho mahotsavaḥ

vastrā'laṅkārabhūṣāptī rājaprītirdhanāgamaḥ |
iṣṭadevaprasādena garbhādhānādikaṃ phalam

tathā śobhanakāryāṇi gṛhe lakṣmīḥ kaṭākṣakṛt |
rājāśrayaṃ dhanaṃ bhūmigajavājisamanvitam

mahārājaprasādena sveṣṭasiddhiḥ sukhāvahā |
ṣa.ṣṭhāṣṭamavyaye jīve nīca vāstaṅgate yadi

pāpayukte'śubhaṃ karma guruputrādināśanam |
sthānabhraṃśo manoduḥkhamakasmātkalaho dhruvam

gṛhakṣetrādināśaśca vāhanāmbaranāśanam |
dāyeśātkendrakoṇe vā duścikye lābhage'pi vā

bhojanāmbaraparavādi=lābhaṃ saukhyaṃ karoti ca |
brhātrādisukhasampattiṃ dhairyaṃ vīryaparākramam

yajñavratavivāhādirājyaśrīdhanasampadaḥ |
dāyeśādripurandhrasthe vyaye vā balavarjite

karoti kutsinānnaṃ ca videśagamanaṃ tathā |
bhuktyādau śobhanaṃ proktamante kleśakaraṃ bhavet

dvitīyadyūnanāthe ca hyapamṛtyurbhaviṣyati |
taddoṣaparihārārthaṃ śivasāhasrakaṃ japet |
svarṇadānamiti proktaṃ sarvakaṣṭanivārakam

candrasyāntargate mande lagnātkendratrikoṇage |
svakṣetre svāṃśage caiva mande tuṅgāṃśasaṃyute

śubhadṛṣṭayute vā'pi lābhe vā balasaṃyute |
putramitrārthasampattiḥ śūdraprabhusamāgamāt

vyayasāyātphalādhikyaṃ gṛhe kṣetrādivṛddhidam |
putralābhaśca kalyāṇaṃ rājānugrahavaibhavam

ṣaṣṭhāṣṭamavyaye mande nīce vā dhanage'pi vā |
tadbhuktyādau puṇyatīrthe snānaṃ caiva tu darśanam

anekajanatrāsaśca śastrapīḍā bhaviṣyati |
dāyeśātkendrarāśisthe trikoṇe balage'pi vā

kvacitsaukhyaṃ dhanāptiśca dāraputravirodhakṛt |
dvitīyadyūnarandhrasthe dehabādhā bhaviṣyati

taddoṣaparihārārthaṃ mṛtyuñjayajapaṃ caret |
kṛṣṇāṃ gāṃ mahiṣīṃ dadyāddānemārogyamādiśet

candrasyāntargate saumye kendralābhatrikoṇage |
svarkṣe nijāṃśake saumye tuṅge vā balasaṃyute

dhanāgamo rājamānapriyavastrādilābhakṛt |
vidyāvinodasadgoṣṭhī jñānavṛddhiḥ sukhāvahā

santānaprāptiḥ santoṣo vāṇijyāddhanalābhkṛt |
vāhanacchatrasaṃyuktanānālaṅkāralābhakṛt

dāyeśātkendrakoṇe vā lābhe vā dhanage'pi vā |
vivāho yajñadīkṣā ca dānadharmaśubhādikam

rājaprītikaraścaiva vidvajjanasamāgamaḥ |
muktāmaṇipravālāni vāhanāmbarabhūṣaṇam

ārogyaprītisaukhyaṃ ca somapānādikaṃ sukham |
dāyeśādripurandhrasthe vyaye vā nīcage'pi vā

tadbhuktau dehabādhā ca kṛrṣigobhūmināśanam |
kārāgṛhapraveśāśca dāraputrādipīḍanam

dvitīyadyūnanāthe tu jvarapīḍā mahadbhayam |
chāgadānaṃ prakurvīta viṣṇusāhasrakaṃ japet

candrasyāntargate ketau kendralābhatrikoṇage |
duścikye balasaṃyukte dhanalābhaṃ mahatsukham

putradārādisaukhyaṃ ca vidhikarma karoti ca |
bhuktyādau dhanahāniḥ syānmadhyage sukhamāpnuyāt

dāyeśātkendralābhe vā trikoṇe balasaṃyute |
kvacitphalaṃ daśādau tu dadyāt saukhyaṃ dhanāgamam

gomahiṣyādilābhaṃ ca bhuktyante cārthanāśanam |
pāpayukte'thavā dṛṣṭe dāyeśādrandhrariḥphage

śatrutaḥ kāryahāniḥ syādakasmātkalaho dhruvam |
dvitīyadyūnarāśistyhe hyanārogyaṃ mahadbhayam

mṛtyuñjayajapaṃ kuryāt sarvasampatpradāyakam |
tataḥ śāntimavāpnoti śaṅkarasya prasādataḥ

candrasyāntargate śukre kendralābhatrikoṇage |
svocce svakṣetrage vāpi rājyalābhaṃ karoti ca

mahārājaprasādena vāhanāmbarabhūṣaṇam |
catuṣpājjivalābhaḥ syāddāraputrādivardhanam

nūtanāgāranirmāṇaṃ nityaṃ miṣṭhānnabhojanaṃ |
sugandhapuṣpamālyādiramyastryārogyasampadam

daśādhipena saṃyukte dehasaukhyaṃ mahatsukham |
satkīrtisukhasampattigṛhakṣetrādivṛddhikṛt

nīce vā'staṅgate śukre pāpagrahayutekṣite |
bhūnāśaḥ putramitrādināśanaṃ patnināśanam

catuṣpājjivahāniḥ syādrājadvāre virodhakṛt |
dhanasthānagate śukre svacce svakṣetrasaṃyute

nidhilābhaṃ mahatsaukhyaṃ bhū lābhaṃ putrasambhavam |
bhāgyalābhādipairyukte bhāgyavṛddhiḥ karotyasau

mahārājaprasādena sveṣṭasiddhiḥ sukhāvahā |
devabrāhmaṇabhaktiśca muktavidrumalābhakṛt

dāyaśāllābhage śukre trikoṇe kendrage'pi vā |
gṛhakṣetrābhivṛddhiśca vittalābho mahatsukham

dāyeśādripurandhrasthe vyaye vā pāpasaṃyute |
videśavāsaduḥkhārtimṛtyucaurādipīḍanam

dvitīyadyūnanāthe tu apamṛtyubhayaṃ bhavet |
taddoṣavinivṛttyarthaṃ rudrajāpyaṃ ca kārayet

śvetāṃ gāṃ rajataṃ dadyācchantimāpnotyasaṃśayaḥ |
śaṅkarasya prasādena nā'tra kāryā vicāraṇā

candrasyāntargate bhānau svocce svakṣetrasaṃyute |
kendre trikoṇe lābhe vā dhane vā sodarālaye

naṣṭarājyadhanaprāptirgṛhe kalyāṇaśobhanam |
mitrarājaprasādena grāmabhūmyādilābhkṛt

garbhādhānaphalaprāptirgṛhe lakṣmīḥ kaṭākṣakṛt |
bhuktyante deha ālasyaṃ jvarapīḍā bhaviṣyati

dāyeśādapi randhrasthe vyaye vā pāpasaṃyute |
nṛpacaurāhibhītiśca jvararogādisambhavaḥ

videśagamane cārti labhate na saṃśayaḥ |
dvitīyadyūnanāthe tu jvarapīḍā bhaviṣyati

taddoṣaparihārārthaṃ śivapūjāṃ ca kārayet |
tataḥ śāntibhavāpnoti śāṅkarasya prasādataḥ