Brihat Parashara Hora Shastra · Chapter 52

atha viṃśottarīmatena sūryadaśāntardaśāphalādhyāyaḥ

svocce svbhe sthitaḥ sūryo lābhe kendre trikoṇake |
svadaśāyāṃ svabhuktau ca dhanadhānyādilābhakṛt

nīcādyaśubharāśistho viparītaṃ phalaṃ diśet |
dvitīyadyūnanāthe'rke tvapamṛtyubhayaṃ vadet

taddoṣaparihārārthaṃ mṛtyuñjayajapaṃ caret |
sūryaprītikarīṃ śāntiṃ kuryādārogyalabdhaye

sūryasyā'ntargate candre lagnātkendratrikoṇage |
vivāhaṃ śubhakāryaṃ ca dhanadhānyasamṛddhikṛt

gṛhakṣetrābhivṛddhiṃ ca paśuvāhanasampadām |
tuṅge vā svarkṣage vā'pi dārasaukhyaṃ dhanāgamam

putralābhasukhaṃ caiva saukhyaṃ rājasamāgamam |
mahārājaprasādena iṣṭasiddhisukhavāham

kṣīṇe vā pāpasaṃyukte dāraputrādipoḍanam |
vaiṣamyaṃ janasaṃvādaṃ bhṛtyavargavināśanam

virodhaṃ rājakalahaṃ dhanadhānyapaśukṣayam |
ṣaṣṭhāṣṭamavyaye candre jalabhītiṃ manorujam

bandhanaṃ rogapīḍāṃ ca sthānavicyutikārakam |
duḥsthānaṃ cāpi cittena dāyādajanavigraham

nirdiśet kutsitānnaṃ ca caurādinṛpapīḍanam |
mūtrakṛcchādirogaśca dehapīḍā tathā bhavet

dāyeśāllabhabhāgye ca kendre vā śubhasaṃyute |
bhogabhāgyādisantoṣadāraputrādivarddhanam

rājyaprāptiṃ mahatsaukhyaṃ sthānaprāptiṃ ca śāśvartām |
viviāhaṃ yajñadīkṣāṃ ca sumālyāmabarabhūṣaṇam

vāhanaṃ putrapautrādi labhate sukhavarddhanam |
dāyeśādripurandhrasthe vyaye vā balavarjite

akāle bhojanaṃ caiva deśāddeśaṃ gamiṣyati |
dvitīyadyūnanāthe ca hyapamṛtyurbhaviṣyati |
śvetāṃ gāṃ mahiṣīṃ gadyācchānti kuryātsukhāptaye

sūryasyāntargate bhaume svocce svakṣetralābhage |
lagnātkendratrikoṇe vā śubhakāryaṃ samādiśet

bhūlābhaṃ kṛṣilābhaṃ ca dhanadhānyavivardhanam |
gṛhakṣetrādi lābhaṃ ca raktavastrādilābhakṛt

lagnādhipena saṃyukte saukhyaṃ rājapriyaṃ vadet |
bhāgyalābhādhipairyukte lābhaścaiva bhaviṣyati

bahusenādhipatyaṃ ca śatrunāśaṃ manodṛḍham |
ātmabandhusukham caiva bhrātṛvarddhanakaṃ tathā

dāyeśādvyayarandhrasthe pāpairyukte ca vīkṣite |
ādhipatyabalairhīne krūrabuddhiṃ manorujam

kārāgṛhe praveśaṃ ca kathayed bandhunāśanam |
bhrāṛvagavirodhaṃ ca karmanāśamathāpi vā

nīce vā durbale bhaume rājamūlāddhanakṣayaḥ |
dvitīyadyūnanāthe tu dehe jāḍyaṃ manorujam

subrahmajapadānaṃ ca vṛṣotsargaṃ tathaiva ca |
śāntiṃ kurvīta vidyivadāyurārogyasiddhidām

sūryasyāntargate rāhau lagnātkendratrikoṇage |
ādau dvimāsaparyantaṃ dhananāśo mahadbhayam

caurādivraṇabhītiśca dāraputrādipīḍanam |
tatparaṃ sukhamāpnoti śubhayukte śubhāṃśake

dehārogyaṃ manastuṣṭi rājaprītikaraṃ sukham |
lagnādupacaye rāhau yogakārakasaṃyute

dāyeśācchubharāśisthe rājasanmānamādiśet |
bhāgyavṛddhiṃ yaśolābhaṃ dāraputrādipīḍanam

putrotsavādisantoṣaṃ gṛhe kalyāṇaśobhanaṃ |
dāyeśādatha riṣphasthe randhre vā balavarjite

bandhanaṃ sthānanāśaśca kārāgṛhaniveśanam |
caurādivraṇabhītiśca dāraputrādivarddhanam

catuṣpājjīvanāśaśca gṛhakṣetrādināśanaṃ |
gulmakṣayādirogaśca hyatisārādipīḍanaṃ

dvisphasthe tathā rāhau tatsthānādhipasaṃyute |
apamṛtyubhayaṃ caiva sarpabhītiśca sambhavet

durgājapaṃ ca kurvīt chāgadānaṃ samācaret |
kṛṣṇāṃ gāṃ mahiṣīṃ dadyacchāntimāpnotyasaṃśayam

sūryasyāntargate jīve lagnātkendratrikoṇage |
svocce mitrasya vargasthe vivāhaṃ rājadarśanam

dhanadhānyādilābha ca putralābhaṃ mahatsukhaṃ |
mahārājaprasādena iṣṭakāryārthalābhakṛt

brāhmaṇpriyasanmānaṃ priyavastrādilābhakṛt |
bhāgyakarmādhipavaśādrājyalābhaṃ vaded dvija

naravāhanayogaśca sthānādhikyaṃ mahatsukham |
dāyeśācchubharāśisthe bhāgyavṛddhiḥ sukhāvahā

dīnadharmakriyāyukto devatārādhanapriyaḥ |
gurubhaktirmanaḥsiddhiḥ puṇyukarmādisaṃgrahaḥ

rāśeśādripurandhrasthe nīce vā pāpasaṃyute |
dāraputrādipīḍā ca dehapīḍā mahadbhayam

rājakopaṃ prakurute'bhīṣṭavastuvināśnam |
pāpamūladdravyanāśaṃ dehabhraṣṭaṃ manorujam

svarṇadānaṃ prakurvīta sveṣṭajāpyaṃ ca kārayet |
gavāṃ kapilavarṇānāṃ dānenārogyamādiśet

sūryasyāntargate mande lagnātkendratrikoṇage |
śatrunāśo mahatsaukhyaṃ svalpadhānyārthalābhakṛt

vivāhādisukāryañca gṛhe tasya śubhāvaham |
svocce svakṣetrage mande suhṛdgrahasamanvite

gṛhe kalyāṇasampattirvivāhādiṣu satkriyā |
rājasanmānakīrtiśca nānāvastradhanāgamam

dāyeśādatha randhrasthe vyaye vā pāpasaṃyute |
vātaśūlamahāvyādhijvarātīsārapīḍanam

bandhanaṃ kāryahāniśca vittanāśo mahadbhayam |
akaśmātkalahaścaiva dāyādajanavigrahaḥ

bhuktyādau mitrahāniḥsyānmadhye kiñcitsukhāvaham |
ante kleśakaraṃ caiva nīce teṣāṃ tathaiva ca

pitṛmātṛviyogaśca gamanāgamamaṃ tathā |
dvitīyadyūnanāthe tu apamṛtyubhayaṃ bhavet

kṛṣṇāṃ gāṃ mahiṣīṃ dadyānmṛtyuñjayajapaṃ caret |
chāgadānaṃ prakurvīta sarvasampatpradāyakam

sūryāsyāntargate saumye svocce vā svarkṣage'pi vā |
kendratrikoṇalābhasthe budhe vargabalairyute

rājyalābho mahotsāho dāraputrādisaukhyakṛt |
mahārajaprasādena vāhanāmbarabhūṣaṇaṃ

puṇyatīrthaphalāvāptirgṛhe godhanasaṃkulam |
bhāgyalābhādhipairyukte lābhavṛddhikoro bhavet

bhāgyapaṃcamakarmasthe sanmāno bhavati dhruvam |
sukarmadharmabuddhiśca gurudevadvijārjanam

dhanadhānyādisaṃyukto vivāhaḥ putrasambhavaḥ |
dāyeśācchubharāśisthe saumyayukte mahatsukham

vaivāhikaṃ yajñakarma dānadharmajapādikam |
svanāmāṅkitapadyāni nāmadvayamathā'pi vā

bhojanāmbarabhūṣāptiramareśo bhavennaraḥ |
dāyeśādripurandhrasthe riṣphage nīcage'pi vā

dehapīḍā manastāpo dāraputrādipīḍanam |
bhuktyādau duḥkhamāpnoti madhye kiñcitsukhāvaham

ante tu rājabhītiśca gamanāgamanaṃ tathā |
dvitīye dyūnanāthe tu dehajāḍyaṃ jvarādikam

viṣṇunāmasahasraṃ ca hyannadānaṃ ca kārayet |
rajatapratimādānaṃ kuryādārogyasiddhaye

sūryasyāntargate ketau dehapīḍā manovyathā |
arthavyayaṃ rājakopaṃ svajanāderupadravam

lagnādhipena saṃyukte ādau saukhyaṃ dhanāgamam |
madhye tatkleśamāpnoti mṛtavārtāgamaṃ vadet

athāṣṭamavyaye caivaṃ dāyeśātpāpasaṃyute |
kapoladantarogaśca mūtrakṛrcchasya sambhavaḥ

sthānavicyutirarthasya mitrahāniḥ piturmṛtiḥ |
videśagamanaṃ caiva śatrupīḍā mahadbhayam

lagnādupacaye ketau yogakārakasaṃyute |
śubhāṃśe śubhavarge ca śubhakarmaphalodayaḥ

putradārādisaukhyaṃ ca santoṣaṃ priyavarddhanam |
vicitravastralābhaśca yaśovṛddhiḥ sukhāvahā

dvitīyādyūnanāthe vā hyapamṛtyubhayaṃ vadet |
durgājapaṃ ca kurvīta chāgadānaṃ sukhāptaye

sūryasyāntargate śukre trikoṇe kendrage'pi vā |
svocce mitrasvavargasthe'bhīṣṭastrībhogyasampadaḥ

grāmāntaraprayāṇaṃ ca bhāhmaṇaprabhudarśanam |
rājyalābho mahotsāhaśchatracāmaravaibhavam

gṛhe kalyāṇasampattirnityaṃ miṣṭhānnabhojanam |
vidrumādiratnalābho muktāvastrādi lābhakṛt

catuṣpājjīvalābhaḥ syādbahudhānyadhanādikam |
utsāhaḥ kīrtisampattirnaravāhanasampadaḥ

ṣaṣṭhāṣṭamavyaye śukre dāyeśādbalavarjite |
rājakopo manaḥkleśaḥ putrastrīdhananāśanam

bhuktyādau madhyamaṃ madhye lābhaḥ śubhakaro bhavet |
ante yaśonāśanaṃ ca sthānabhraṃśamathāpi vā

bandhudveṣaṃ vaded vāpi svakulādbhoganāśanam |
bhārgave dyūnanāthe tu dehe jāḍyaṃ rujobhayam

randhrariṣphasamāyukte hyapamṛtyurbhaviṣyati |
taddoṣaparihārārthaṃ mṛtyurjayajapaṃ caret

śvetāṃ gāṃ mahiṣīṃ dadyādrudrajāpyaṃ ca kārayet |
tataḥ śāntibhavāpnoti śaṅkarasya prasādataḥ