બૃહત્પારાશરહોરાશાસ્ત્રમ્ · અધ્યાય 53

અથ ચન્દ્રાન્તર્દશાફલાધ્યાયઃ

સ્વોચ્ચે સ્વક્ષેત્રગે ચન્દ્રે ત્રિકોણે લાભગેઽપિ વા ।
ભાગ્યકર્માધિપૈર્યુક્તે ગજાશ્વામ્બરસંકુલમ્

દેવતાગુરુભક્તિશ્ચ પુણ્યશ્લોકાદિકીર્તનમ્ ।
રાજ્યલાભો મહત્સૌખ્યં યશોવૃદ્ધિઃ સુખાવહા

પૂર્ણે ચન્દ્રે બલં પૂર્ણં સેનાપત્યં મહત્સુખમ્ ।
પાપયુક્તેઽથવા ચન્દ્રે નીચે વા રિષ્ફષષ્ઠગે

અતકાલે ધનનાશઃ સ્યાત્સ્થાનચ્યુતિરથાપિ વા ।
દેહલસ્યં મનસ્તપો રાજમન્ત્રિવિરોધકૃત્

માતૃક્લેશો મનોદુઃખં નિગડં બન્ધુનાશનમ્ ।
દ્વિતીયદ્યૂનનાથે તુ રન્ધ્રરિષ્ફેશસંયુતે

દેહજાડ્યં મહાભઙ્ગમપમૃત્યોભયં વદેત્ ।
શ્વેતાં ગાં મહિષીં દદ્યાત્ સ્વદશાન્તર્ગતે વિધૌ

ચન્દ્રસ્યાન્તર્ગતે ભૌમે લગ્નાત્કેન્દ્રત્રિકોણગે ।
સૌભાગ્યં રાજસન્માનં વસ્ત્રભરણભૂષણમ્

યત્નાત્ કાર્યાર્થસિદ્ધિસ્તુ ભવિષ્યતિ ન સમ્શયઃ ।
ગૃહક્ષેત્રાભિવૃદ્ધિશ્ચ વ્યવહારે જયો ભવેત્

કાર્યલાભો મહત્સૌખ્યં સ્વોચ્ચે સ્વક્ષેત્રગે ફલમ્ ।
તથાઽષ્ટમવ્યયે ભૌમે પાપયુક્તેઽથ વા યદિ

દાયશાદશુભસ્થાને દેહાર્તિઃ પરવીક્ષિતે ।
ગૃહક્ષેત્રાદિહાનિશ્ચ વ્યવહારે તથા ક્ષતિઃ

મૃત્યુવર્ગેષુ કલહો ભૂપાલસ્ય વિરોધનમ્ ।
આત્મબન્ધુવિયોગશ્ચ નિત્યં નિષ્ઠુરભાષણમ્

દ્વિતીયે દ્યૂનનાથે તુ રન્ધ્રે રન્ધ્રાધિપો યદા ।
તત્તોષપરિહારાર્થં બ્રાહ્મણસ્યાઽર્ચનં ચરેત્

ચન્દ્રસ્યાન્તર્ગતે રાહૌ લગ્નાત્કેન્દ્રત્રિકોણગે ।
આદૌ સ્વલ્ફલં જ્ઞેયં શત્રુપીડા મહદ્ભયમ્

ચૌરાહિરાજભીતિશ્ચ ચતુષ્પાજ્જિવપીડનમ્ ।
બન્ધુનાશો મિત્રહાનિર્માનહાનિર્મનોવ્યથા

શુભયુક્તે શુભૈર્દૃષ્ટે લગ્નાદુપચયેઽપિ વા ।
યોગકારકસમ્બન્ધે સર્વકાર્યાર્થસિદ્ધિકૃત્

નૈરૃત્યે પશ્ચિમે ભાવે ક્વચિત્પ્રભુસમાગમઃ ।
વાહનામબરલાભશ્ચ સ્વેષ્ટકાર્યાર્થસિદ્ધિકૃત્

દાયેશાદથ રન્ધ્રથે વ્યયે વા બલવર્જિતે ।
સ્થાનભ્રંશો મનોદુખં પુત્રક્લેશો મહદ્ભયમ્

દારપીડા ક્વચિજ્જ્ઞેયા ક્વચિત્સ્વાઙ્ગે રુજોભયમ્ ।
વૃશ્ચિકાદિવિષાદ્ભીતિશ્ચૌરાહિનૃપપીડનમ્

દાયેશાત્કેન્દ્રકોણે વ દુશ્ચિક્યે લાભગેઽપિ વા ।
પુણ્યતીર્થફલાવાપ્તિર્દેવતાદર્શનં મહત્

પરોપકારકર્માદિપુણ્યકર્માદિસંપ્રહઃ ।
દ્વિતીયદ્યૂનરાશિઅથે દેહબાધા ભવિષ્યતિ

તદ્દોષપરિહારાર્થં રુદ્રજાપ્યં સમાચરેત્ ।
છાગદાનં પ્રકુર્વીત દેહારોગ્યં પ્રજાયતે

ચન્દ્રસ્યાન્તર્ગતે જીવે લગ્નાત્કેન્દ્રત્રિકોણગે ।
સ્વગેહે લાભગે સ્વોચ્ચે રાજ્યલાભો મહોત્સવઃ

વસ્ત્રાઽલઙ્કારભૂષાપ્તી રાજપ્રીતિર્ધનાગમઃ ।
ઇષ્ટદેવપ્રસાદેન ગર્ભાધાનાદિકં ફલમ્

તથા શોભનકાર્યાણિ ગૃહે લક્ષ્મીઃ કટાક્ષકૃત્ ।
રાજાશ્રયં ધનં ભૂમિગજવાજિસમન્વિતમ્

મહારાજપ્રસાદેન સ્વેષ્ટસિદ્ધિઃ સુખાવહા ।
ષ.ષ્ઠાષ્ટમવ્યયે જીવે નીચ વાસ્તઙ્ગતે યદિ

પાપયુક્તેઽશુભં કર્મ ગુરુપુત્રાદિનાશનમ્ ।
સ્થાનભ્રંશો મનોદુઃખમકસ્માત્કલહો ધ્રુવમ્

ગૃહક્ષેત્રાદિનાશશ્ચ વાહનામ્બરનાશનમ્ ।
દાયેશાત્કેન્દ્રકોણે વા દુશ્ચિક્યે લાભગેઽપિ વા

ભોજનામ્બરપરવાદિ=લાભં સૌખ્યં કરોતિ ચ ।
બ્ર્હાત્રાદિસુખસમ્પત્તિં ધૈર્યં વીર્યપરાક્રમમ્

યજ્ઞવ્રતવિવાહાદિરાજ્યશ્રીધનસમ્પદઃ ।
દાયેશાદ્રિપુરન્ધ્રસ્થે વ્યયે વા બલવર્જિતે

કરોતિ કુત્સિનાન્નં ચ વિદેશગમનં તથા ।
ભુક્ત્યાદૌ શોભનં પ્રોક્તમન્તે ક્લેશકરં ભવેત્

દ્વિતીયદ્યૂનનાથે ચ હ્યપમૃત્યુર્ભવિષ્યતિ ।
તદ્દોષપરિહારાર્થં શિવસાહસ્રકં જપેત્ ।
સ્વર્ણદાનમિતિ પ્રોક્તં સર્વકષ્ટનિવારકમ્

ચન્દ્રસ્યાન્તર્ગતે મન્દે લગ્નાત્કેન્દ્રત્રિકોણગે ।
સ્વક્ષેત્રે સ્વાંશગે ચૈવ મન્દે તુઙ્ગાંશસંયુતે

શુભદૃષ્ટયુતે વાઽપિ લાભે વા બલસંયુતે ।
પુત્રમિત્રાર્થસમ્પત્તિઃ શૂદ્રપ્રભુસમાગમાત્

વ્યયસાયાત્ફલાધિક્યં ગૃહે ક્ષેત્રાદિવૃદ્ધિદમ્ ।
પુત્રલાભશ્ચ કલ્યાણં રાજાનુગ્રહવૈભવમ્

ષષ્ઠાષ્ટમવ્યયે મન્દે નીચે વા ધનગેઽપિ વા ।
તદ્ભુક્ત્યાદૌ પુણ્યતીર્થે સ્નાનં ચૈવ તુ દર્શનમ્

અનેકજનત્રાસશ્ચ શસ્ત્રપીડા ભવિષ્યતિ ।
દાયેશાત્કેન્દ્રરાશિસ્થે ત્રિકોણે બલગેઽપિ વા

ક્વચિત્સૌખ્યં ધનાપ્તિશ્ચ દારપુત્રવિરોધકૃત્ ।
દ્વિતીયદ્યૂનરન્ધ્રસ્થે દેહબાધા ભવિષ્યતિ

તદ્દોષપરિહારાર્થં મૃત્યુઞ્જયજપં ચરેત્ ।
કૃષ્ણાં ગાં મહિષીં દદ્યાદ્દાનેમારોગ્યમાદિશેત્

ચન્દ્રસ્યાન્તર્ગતે સૌમ્યે કેન્દ્રલાભત્રિકોણગે ।
સ્વર્ક્ષે નિજાંશકે સૌમ્યે તુઙ્ગે વા બલસંયુતે

ધનાગમો રાજમાનપ્રિયવસ્ત્રાદિલાભકૃત્ ।
વિદ્યાવિનોદસદ્ગોષ્ઠી જ્ઞાનવૃદ્ધિઃ સુખાવહા

સન્તાનપ્રાપ્તિઃ સન્તોષો વાણિજ્યાદ્ધનલાભ્કૃત્ ।
વાહનચ્છત્રસંયુક્તનાનાલઙ્કારલાભકૃત્

દાયેશાત્કેન્દ્રકોણે વા લાભે વા ધનગેઽપિ વા ।
વિવાહો યજ્ઞદીક્ષા ચ દાનધર્મશુભાદિકમ્

રાજપ્રીતિકરશ્ચૈવ વિદ્વજ્જનસમાગમઃ ।
મુક્તામણિપ્રવાલાનિ વાહનામ્બરભૂષણમ્

આરોગ્યપ્રીતિસૌખ્યં ચ સોમપાનાદિકં સુખમ્ ।
દાયેશાદ્રિપુરન્ધ્રસ્થે વ્યયે વા નીચગેઽપિ વા

તદ્ભુક્તૌ દેહબાધા ચ કૃર્ષિગોભૂમિનાશનમ્ ।
કારાગૃહપ્રવેશાશ્ચ દારપુત્રાદિપીડનમ્

દ્વિતીયદ્યૂનનાથે તુ જ્વરપીડા મહદ્ભયમ્ ।
છાગદાનં પ્રકુર્વીત વિષ્ણુસાહસ્રકં જપેત્

ચન્દ્રસ્યાન્તર્ગતે કેતૌ કેન્દ્રલાભત્રિકોણગે ।
દુશ્ચિક્યે બલસંયુક્તે ધનલાભં મહત્સુખમ્

પુત્રદારાદિસૌખ્યં ચ વિધિકર્મ કરોતિ ચ ।
ભુક્ત્યાદૌ ધનહાનિઃ સ્યાન્મધ્યગે સુખમાપ્નુયાત્

દાયેશાત્કેન્દ્રલાભે વા ત્રિકોણે બલસંયુતે ।
ક્વચિત્ફલં દશાદૌ તુ દદ્યાત્ સૌખ્યં ધનાગમમ્

ગોમહિષ્યાદિલાભં ચ ભુક્ત્યન્તે ચાર્થનાશનમ્ ।
પાપયુક્તેઽથવા દૃષ્ટે દાયેશાદ્રન્ધ્રરિઃફગે

શત્રુતઃ કાર્યહાનિઃ સ્યાદકસ્માત્કલહો ધ્રુવમ્ ।
દ્વિતીયદ્યૂનરાશિસ્ત્ય્હે હ્યનારોગ્યં મહદ્ભયમ્

મૃત્યુઞ્જયજપં કુર્યાત્ સર્વસમ્પત્પ્રદાયકમ્ ।
તતઃ શાન્તિમવાપ્નોતિ શઙ્કરસ્ય પ્રસાદતઃ

ચન્દ્રસ્યાન્તર્ગતે શુક્રે કેન્દ્રલાભત્રિકોણગે ।
સ્વોચ્ચે સ્વક્ષેત્રગે વાપિ રાજ્યલાભં કરોતિ ચ

મહારાજપ્રસાદેન વાહનામ્બરભૂષણમ્ ।
ચતુષ્પાજ્જિવલાભઃ સ્યાદ્દારપુત્રાદિવર્ધનમ્

નૂતનાગારનિર્માણં નિત્યં મિષ્ઠાન્નભોજનં ।
સુગન્ધપુષ્પમાલ્યાદિરમ્યસ્ત્ર્યારોગ્યસમ્પદમ્

દશાધિપેન સંયુક્તે દેહસૌખ્યં મહત્સુખમ્ ।
સત્કીર્તિસુખસમ્પત્તિગૃહક્ષેત્રાદિવૃદ્ધિકૃત્

નીચે વાઽસ્તઙ્ગતે શુક્રે પાપગ્રહયુતેક્ષિતે ।
ભૂનાશઃ પુત્રમિત્રાદિનાશનં પત્નિનાશનમ્

ચતુષ્પાજ્જિવહાનિઃ સ્યાદ્રાજદ્વારે વિરોધકૃત્ ।
ધનસ્થાનગતે શુક્રે સ્વચ્ચે સ્વક્ષેત્રસંયુતે

નિધિલાભં મહત્સૌખ્યં ભૂ લાભં પુત્રસમ્ભવમ્ ।
ભાગ્યલાભાદિપૈર્યુક્તે ભાગ્યવૃદ્ધિઃ કરોત્યસૌ

મહારાજપ્રસાદેન સ્વેષ્ટસિદ્ધિઃ સુખાવહા ।
દેવબ્રાહ્મણભક્તિશ્ચ મુક્તવિદ્રુમલાભકૃત્

દાયશાલ્લાભગે શુક્રે ત્રિકોણે કેન્દ્રગેઽપિ વા ।
ગૃહક્ષેત્રાભિવૃદ્ધિશ્ચ વિત્તલાભો મહત્સુખમ્

દાયેશાદ્રિપુરન્ધ્રસ્થે વ્યયે વા પાપસંયુતે ।
વિદેશવાસદુઃખાર્તિમૃત્યુચૌરાદિપીડનમ્

દ્વિતીયદ્યૂનનાથે તુ અપમૃત્યુભયં ભવેત્ ।
તદ્દોષવિનિવૃત્ત્યર્થં રુદ્રજાપ્યં ચ કારયેત્

શ્વેતાં ગાં રજતં દદ્યાચ્છન્તિમાપ્નોત્યસંશયઃ ।
શઙ્કરસ્ય પ્રસાદેન નાઽત્ર કાર્યા વિચારણા

ચન્દ્રસ્યાન્તર્ગતે ભાનૌ સ્વોચ્ચે સ્વક્ષેત્રસંયુતે ।
કેન્દ્રે ત્રિકોણે લાભે વા ધને વા સોદરાલયે

નષ્ટરાજ્યધનપ્રાપ્તિર્ગૃહે કલ્યાણશોભનમ્ ।
મિત્રરાજપ્રસાદેન ગ્રામભૂમ્યાદિલાભ્કૃત્

ગર્ભાધાનફલપ્રાપ્તિર્ગૃહે લક્ષ્મીઃ કટાક્ષકૃત્ ।
ભુક્ત્યન્તે દેહ આલસ્યં જ્વરપીડા ભવિષ્યતિ

દાયેશાદપિ રન્ધ્રસ્થે વ્યયે વા પાપસંયુતે ।
નૃપચૌરાહિભીતિશ્ચ જ્વરરોગાદિસમ્ભવઃ

વિદેશગમને ચાર્તિ લભતે ન સંશયઃ ।
દ્વિતીયદ્યૂનનાથે તુ જ્વરપીડા ભવિષ્યતિ

તદ્દોષપરિહારાર્થં શિવપૂજાં ચ કારયેત્ ।
તતઃ શાન્તિભવાપ્નોતિ શાઙ્કરસ્ય પ્રસાદતઃ