બૃહત્પારાશરહોરાશાસ્ત્રમ્ · અધ્યાય 52

અથ વિંશોત્તરીમતેન સૂર્યદશાન્તર્દશાફલાધ્યાયઃ

સ્વોચ્ચે સ્વ્ભે સ્થિતઃ સૂર્યો લાભે કેન્દ્રે ત્રિકોણકે ।
સ્વદશાયાં સ્વભુક્તૌ ચ ધનધાન્યાદિલાભકૃત્

નીચાદ્યશુભરાશિસ્થો વિપરીતં ફલં દિશેત્ ।
દ્વિતીયદ્યૂનનાથેઽર્કે ત્વપમૃત્યુભયં વદેત્

તદ્દોષપરિહારાર્થં મૃત્યુઞ્જયજપં ચરેત્ ।
સૂર્યપ્રીતિકરીં શાન્તિં કુર્યાદારોગ્યલબ્ધયે

સૂર્યસ્યાઽન્તર્ગતે ચન્દ્રે લગ્નાત્કેન્દ્રત્રિકોણગે ।
વિવાહં શુભકાર્યં ચ ધનધાન્યસમૃદ્ધિકૃત્

ગૃહક્ષેત્રાભિવૃદ્ધિં ચ પશુવાહનસમ્પદામ્ ।
તુઙ્ગે વા સ્વર્ક્ષગે વાઽપિ દારસૌખ્યં ધનાગમમ્

પુત્રલાભસુખં ચૈવ સૌખ્યં રાજસમાગમમ્ ।
મહારાજપ્રસાદેન ઇષ્ટસિદ્ધિસુખવાહમ્

ક્ષીણે વા પાપસંયુક્તે દારપુત્રાદિપોડનમ્ ।
વૈષમ્યં જનસંવાદં ભૃત્યવર્ગવિનાશનમ્

વિરોધં રાજકલહં ધનધાન્યપશુક્ષયમ્ ।
ષષ્ઠાષ્ટમવ્યયે ચન્દ્રે જલભીતિં મનોરુજમ્

બન્ધનં રોગપીડાં ચ સ્થાનવિચ્યુતિકારકમ્ ।
દુઃસ્થાનં ચાપિ ચિત્તેન દાયાદજનવિગ્રહમ્

નિર્દિશેત્ કુત્સિતાન્નં ચ ચૌરાદિનૃપપીડનમ્ ।
મૂત્રકૃચ્છાદિરોગશ્ચ દેહપીડા તથા ભવેત્

દાયેશાલ્લભભાગ્યે ચ કેન્દ્રે વા શુભસંયુતે ।
ભોગભાગ્યાદિસન્તોષદારપુત્રાદિવર્દ્ધનમ્

રાજ્યપ્રાપ્તિં મહત્સૌખ્યં સ્થાનપ્રાપ્તિં ચ શાશ્વર્તામ્ ।
વિવિઆહં યજ્ઞદીક્ષાં ચ સુમાલ્યામબરભૂષણમ્

વાહનં પુત્રપૌત્રાદિ લભતે સુખવર્દ્ધનમ્ ।
દાયેશાદ્રિપુરન્ધ્રસ્થે વ્યયે વા બલવર્જિતે

અકાલે ભોજનં ચૈવ દેશાદ્દેશં ગમિષ્યતિ ।
દ્વિતીયદ્યૂનનાથે ચ હ્યપમૃત્યુર્ભવિષ્યતિ ।
શ્વેતાં ગાં મહિષીં ગદ્યાચ્છાન્તિ કુર્યાત્સુખાપ્તયે

સૂર્યસ્યાન્તર્ગતે ભૌમે સ્વોચ્ચે સ્વક્ષેત્રલાભગે ।
લગ્નાત્કેન્દ્રત્રિકોણે વા શુભકાર્યં સમાદિશેત્

ભૂલાભં કૃષિલાભં ચ ધનધાન્યવિવર્ધનમ્ ।
ગૃહક્ષેત્રાદિ લાભં ચ રક્તવસ્ત્રાદિલાભકૃત્

લગ્નાધિપેન સંયુક્તે સૌખ્યં રાજપ્રિયં વદેત્ ।
ભાગ્યલાભાધિપૈર્યુક્તે લાભશ્ચૈવ ભવિષ્યતિ

બહુસેનાધિપત્યં ચ શત્રુનાશં મનોદૃઢમ્ ।
આત્મબન્ધુસુખમ્ ચૈવ ભ્રાતૃવર્દ્ધનકં તથા

દાયેશાદ્વ્યયરન્ધ્રસ્થે પાપૈર્યુક્તે ચ વીક્ષિતે ।
આધિપત્યબલૈર્હીને ક્રૂરબુદ્ધિં મનોરુજમ્

કારાગૃહે પ્રવેશં ચ કથયેદ્ બન્ધુનાશનમ્ ।
ભ્રાઋવગવિરોધં ચ કર્મનાશમથાપિ વા

નીચે વા દુર્બલે ભૌમે રાજમૂલાદ્ધનક્ષયઃ ।
દ્વિતીયદ્યૂનનાથે તુ દેહે જાડ્યં મનોરુજમ્

સુબ્રહ્મજપદાનં ચ વૃષોત્સર્ગં તથૈવ ચ ।
શાન્તિં કુર્વીત વિદ્યિવદાયુરારોગ્યસિદ્ધિદામ્

સૂર્યસ્યાન્તર્ગતે રાહૌ લગ્નાત્કેન્દ્રત્રિકોણગે ।
આદૌ દ્વિમાસપર્યન્તં ધનનાશો મહદ્ભયમ્

ચૌરાદિવ્રણભીતિશ્ચ દારપુત્રાદિપીડનમ્ ।
તત્પરં સુખમાપ્નોતિ શુભયુક્તે શુભાંશકે

દેહારોગ્યં મનસ્તુષ્ટિ રાજપ્રીતિકરં સુખમ્ ।
લગ્નાદુપચયે રાહૌ યોગકારકસંયુતે

દાયેશાચ્છુભરાશિસ્થે રાજસન્માનમાદિશેત્ ।
ભાગ્યવૃદ્ધિં યશોલાભં દારપુત્રાદિપીડનમ્

પુત્રોત્સવાદિસન્તોષં ગૃહે કલ્યાણશોભનં ।
દાયેશાદથ રિષ્ફસ્થે રન્ધ્રે વા બલવર્જિતે

બન્ધનં સ્થાનનાશશ્ચ કારાગૃહનિવેશનમ્ ।
ચૌરાદિવ્રણભીતિશ્ચ દારપુત્રાદિવર્દ્ધનમ્

ચતુષ્પાજ્જીવનાશશ્ચ ગૃહક્ષેત્રાદિનાશનં ।
ગુલ્મક્ષયાદિરોગશ્ચ હ્યતિસારાદિપીડનં

દ્વિસ્ફસ્થે તથા રાહૌ તત્સ્થાનાધિપસંયુતે ।
અપમૃત્યુભયં ચૈવ સર્પભીતિશ્ચ સમ્ભવેત્

દુર્ગાજપં ચ કુર્વીત્ છાગદાનં સમાચરેત્ ।
કૃષ્ણાં ગાં મહિષીં દદ્યચ્છાન્તિમાપ્નોત્યસંશયમ્

સૂર્યસ્યાન્તર્ગતે જીવે લગ્નાત્કેન્દ્રત્રિકોણગે ।
સ્વોચ્ચે મિત્રસ્ય વર્ગસ્થે વિવાહં રાજદર્શનમ્

ધનધાન્યાદિલાભ ચ પુત્રલાભં મહત્સુખં ।
મહારાજપ્રસાદેન ઇષ્ટકાર્યાર્થલાભકૃત્

બ્રાહ્મણ્પ્રિયસન્માનં પ્રિયવસ્ત્રાદિલાભકૃત્ ।
ભાગ્યકર્માધિપવશાદ્રાજ્યલાભં વદેદ્ દ્વિજ

નરવાહનયોગશ્ચ સ્થાનાધિક્યં મહત્સુખમ્ ।
દાયેશાચ્છુભરાશિસ્થે ભાગ્યવૃદ્ધિઃ સુખાવહા

દીનધર્મક્રિયાયુક્તો દેવતારાધનપ્રિયઃ ।
ગુરુભક્તિર્મનઃસિદ્ધિઃ પુણ્યુકર્માદિસંગ્રહઃ

રાશેશાદ્રિપુરન્ધ્રસ્થે નીચે વા પાપસંયુતે ।
દારપુત્રાદિપીડા ચ દેહપીડા મહદ્ભયમ્

રાજકોપં પ્રકુરુતેઽભીષ્ટવસ્તુવિનાશ્નમ્ ।
પાપમૂલદ્દ્રવ્યનાશં દેહભ્રષ્ટં મનોરુજમ્

સ્વર્ણદાનં પ્રકુર્વીત સ્વેષ્ટજાપ્યં ચ કારયેત્ ।
ગવાં કપિલવર્ણાનાં દાનેનારોગ્યમાદિશેત્

સૂર્યસ્યાન્તર્ગતે મન્દે લગ્નાત્કેન્દ્રત્રિકોણગે ।
શત્રુનાશો મહત્સૌખ્યં સ્વલ્પધાન્યાર્થલાભકૃત્

વિવાહાદિસુકાર્યઞ્ચ ગૃહે તસ્ય શુભાવહમ્ ।
સ્વોચ્ચે સ્વક્ષેત્રગે મન્દે સુહૃદ્ગ્રહસમન્વિતે

ગૃહે કલ્યાણસમ્પત્તિર્વિવાહાદિષુ સત્ક્રિયા ।
રાજસન્માનકીર્તિશ્ચ નાનાવસ્ત્રધનાગમમ્

દાયેશાદથ રન્ધ્રસ્થે વ્યયે વા પાપસંયુતે ।
વાતશૂલમહાવ્યાધિજ્વરાતીસારપીડનમ્

બન્ધનં કાર્યહાનિશ્ચ વિત્તનાશો મહદ્ભયમ્ ।
અકશ્માત્કલહશ્ચૈવ દાયાદજનવિગ્રહઃ

ભુક્ત્યાદૌ મિત્રહાનિઃસ્યાન્મધ્યે કિઞ્ચિત્સુખાવહમ્ ।
અન્તે ક્લેશકરં ચૈવ નીચે તેષાં તથૈવ ચ

પિતૃમાતૃવિયોગશ્ચ ગમનાગમમં તથા ।
દ્વિતીયદ્યૂનનાથે તુ અપમૃત્યુભયં ભવેત્

કૃષ્ણાં ગાં મહિષીં દદ્યાન્મૃત્યુઞ્જયજપં ચરેત્ ।
છાગદાનં પ્રકુર્વીત સર્વસમ્પત્પ્રદાયકમ્

સૂર્યાસ્યાન્તર્ગતે સૌમ્યે સ્વોચ્ચે વા સ્વર્ક્ષગેઽપિ વા ।
કેન્દ્રત્રિકોણલાભસ્થે બુધે વર્ગબલૈર્યુતે

રાજ્યલાભો મહોત્સાહો દારપુત્રાદિસૌખ્યકૃત્ ।
મહારજપ્રસાદેન વાહનામ્બરભૂષણં

પુણ્યતીર્થફલાવાપ્તિર્ગૃહે ગોધનસંકુલમ્ ।
ભાગ્યલાભાધિપૈર્યુક્તે લાભવૃદ્ધિકોરો ભવેત્

ભાગ્યપંચમકર્મસ્થે સન્માનો ભવતિ ધ્રુવમ્ ।
સુકર્મધર્મબુદ્ધિશ્ચ ગુરુદેવદ્વિજાર્જનમ્

ધનધાન્યાદિસંયુક્તો વિવાહઃ પુત્રસમ્ભવઃ ।
દાયેશાચ્છુભરાશિસ્થે સૌમ્યયુક્તે મહત્સુખમ્

વૈવાહિકં યજ્ઞકર્મ દાનધર્મજપાદિકમ્ ।
સ્વનામાઙ્કિતપદ્યાનિ નામદ્વયમથાઽપિ વા

ભોજનામ્બરભૂષાપ્તિરમરેશો ભવેન્નરઃ ।
દાયેશાદ્રિપુરન્ધ્રસ્થે રિષ્ફગે નીચગેઽપિ વા

દેહપીડા મનસ્તાપો દારપુત્રાદિપીડનમ્ ।
ભુક્ત્યાદૌ દુઃખમાપ્નોતિ મધ્યે કિઞ્ચિત્સુખાવહમ્

અન્તે તુ રાજભીતિશ્ચ ગમનાગમનં તથા ।
દ્વિતીયે દ્યૂનનાથે તુ દેહજાડ્યં જ્વરાદિકમ્

વિષ્ણુનામસહસ્રં ચ હ્યન્નદાનં ચ કારયેત્ ।
રજતપ્રતિમાદાનં કુર્યાદારોગ્યસિદ્ધયે

સૂર્યસ્યાન્તર્ગતે કેતૌ દેહપીડા મનોવ્યથા ।
અર્થવ્યયં રાજકોપં સ્વજનાદેરુપદ્રવમ્

લગ્નાધિપેન સંયુક્તે આદૌ સૌખ્યં ધનાગમમ્ ।
મધ્યે તત્ક્લેશમાપ્નોતિ મૃતવાર્તાગમં વદેત્

અથાષ્ટમવ્યયે ચૈવં દાયેશાત્પાપસંયુતે ।
કપોલદન્તરોગશ્ચ મૂત્રકૃર્ચ્છસ્ય સમ્ભવઃ

સ્થાનવિચ્યુતિરર્થસ્ય મિત્રહાનિઃ પિતુર્મૃતિઃ ।
વિદેશગમનં ચૈવ શત્રુપીડા મહદ્ભયમ્

લગ્નાદુપચયે કેતૌ યોગકારકસંયુતે ।
શુભાંશે શુભવર્ગે ચ શુભકર્મફલોદયઃ

પુત્રદારાદિસૌખ્યં ચ સન્તોષં પ્રિયવર્દ્ધનમ્ ।
વિચિત્રવસ્ત્રલાભશ્ચ યશોવૃદ્ધિઃ સુખાવહા

દ્વિતીયાદ્યૂનનાથે વા હ્યપમૃત્યુભયં વદેત્ ।
દુર્ગાજપં ચ કુર્વીત છાગદાનં સુખાપ્તયે

સૂર્યસ્યાન્તર્ગતે શુક્રે ત્રિકોણે કેન્દ્રગેઽપિ વા ।
સ્વોચ્ચે મિત્રસ્વવર્ગસ્થેઽભીષ્ટસ્ત્રીભોગ્યસમ્પદઃ

ગ્રામાન્તરપ્રયાણં ચ ભાહ્મણપ્રભુદર્શનમ્ ।
રાજ્યલાભો મહોત્સાહશ્છત્રચામરવૈભવમ્

ગૃહે કલ્યાણસમ્પત્તિર્નિત્યં મિષ્ઠાન્નભોજનમ્ ।
વિદ્રુમાદિરત્નલાભો મુક્તાવસ્ત્રાદિ લાભકૃત્

ચતુષ્પાજ્જીવલાભઃ સ્યાદ્બહુધાન્યધનાદિકમ્ ।
ઉત્સાહઃ કીર્તિસમ્પત્તિર્નરવાહનસમ્પદઃ

ષષ્ઠાષ્ટમવ્યયે શુક્રે દાયેશાદ્બલવર્જિતે ।
રાજકોપો મનઃક્લેશઃ પુત્રસ્ત્રીધનનાશનમ્

ભુક્ત્યાદૌ મધ્યમં મધ્યે લાભઃ શુભકરો ભવેત્ ।
અન્તે યશોનાશનં ચ સ્થાનભ્રંશમથાપિ વા

બન્ધુદ્વેષં વદેદ્ વાપિ સ્વકુલાદ્ભોગનાશનમ્ ।
ભાર્ગવે દ્યૂનનાથે તુ દેહે જાડ્યં રુજોભયમ્

રન્ધ્રરિષ્ફસમાયુક્તે હ્યપમૃત્યુર્ભવિષ્યતિ ।
તદ્દોષપરિહારાર્થં મૃત્યુર્જયજપં ચરેત્

શ્વેતાં ગાં મહિષીં દદ્યાદ્રુદ્રજાપ્યં ચ કારયેત્ ।
તતઃ શાન્તિભવાપ્નોતિ શઙ્કરસ્ય પ્રસાદતઃ