Brihat Parashara Hora Shastra · Chapter 51

athā'ntardaśādhyāyaḥ

daśābdāḥ svasvamānaghnāḥ sarvāyuryogabhājitāḥ |
pṛthagantardaśā evaṃ pratyantaradaśādikāḥ

ādāvantardaśā pākapatestatkramato'parāḥ |
evaṃ pratyantarādau ca kramo jñeyo vicakṣaṇaiḥ

bhuktirnavānāṃ tulyā syād vibhājyā navadhā daśā |
ādau daśāpaterbhuktistatkendrādiyujāṃ tataḥ

vidyāt krameṇa bhuktyaṃśānevaṃ sūkṣmadaśādikam |
balakramāt phalaṃ vijñairvaktavyaṃ pūrvarītitaḥ

kṛtvā'rkadhā rāśidaśāṃ rāśerbhuktiṃ kramād vadet |
pratyantardaśādyevaṃ kṛtvā tattatphalaṃ vadet

ādyasaptamayormadhye yo rāśirbalavāṃstataḥ |
oje daśāśraye gaṇyāḥ kramādutkramataḥ same

atrā'paro viśeṣo'sti bravīmi tamahaṃ dvija |
care'nujjhitamārgaḥ syāt ṣaṣṭhaṣaṣṭhādikāḥ sthire

ubhaye kaṇṭakāj jñeyā lagnapañcamabhāgyataḥ |
carasthiradvisvabhāveṣvojeṣuḥ prāk kramo mataḥ

teṣveva triṣu yugmeṣu grāhyaṃ vyutkramato'khilam |
evamullikhito rāśi pākarāśirudīryute

sa eva bhogarāśiḥ syāt paryāye prathame smṛtaḥ |
ādyād yāvatithaḥ pākaḥ paryāye yatra dṛśyate

tasmāt tāvatitho bhogaḥ paryāye tatra gṛhyatām |
tadidaṃ caraparyāyasthiraparyāyayordvayoḥ

trikoṇākhyadaśāyāṃ ca pākabhogaprakalpanam |
pāke bhoge ca pāpāḍhye depapīḍā namovyathā

piṇḍatrikadaśāyāṃ tu bravimyantardaśāvidhim |
pūrṇa daśāpatirdadyāt tadardhaṃ tena saṃyutaḥ

trikoṇagastṛtīyāṃśaṃ turyāṃśaścaturasragaḥ |
smaragaḥ saptamaṃ bhāgaṃ bahuṣveko balī grahaḥ

evaṃ salagnakāḥ kheṭāḥ pācayanti mithaḥ sthitāḥ |
samacchedīkṛtāḥ prāptā aṃsāśchedavivarjitāḥ

daśābdāḥ pṛthagaṃśaghnā aṃśayogavibhājitāḥ |
antardaśā bhavantyevaṃ tatpratyantardaśādikāḥ