Brihat Parashara Hora Shastra · Chapter 50

atha carādidaśāphalādhyāyaḥ

carasthirādisaṃjñā yā daśāḥ proktāḥ purā dvija |
śubhā'śubhaphalaṃ tāsāṃ kathayāmi tavā'grataḥ

lagnādidvādaśāntānāṃ bhāvānāṃ phalakīrtane |
tattadrāśīśavīryeṇa yathāyogyaṃ prayojayet

balayukte ca rāśīśe pūrṇaṃ tasya tadā phalam |
phalaṃ madhybale madhyaṃ balahīne viparyayaḥ

yo yo daśāprado rāśistasya randhratrikoṇake |
pāpakheṭayute vipra taddaśā duḥkhadāyikā

tṛtīyaṣaṣṭhage pāpe jyādiḥ parikīrtitaḥ |
śubhakheṭayute tatra jāyate ca parājayaḥ

lābhasthe ca śubhe pāpe lābho bhavati niścitaḥ |
yadā daśāprado rāśiḥ śubhakheṭayuto dvija

śubhakṣetre hi tadrāśeḥ śubhaṃ jñeyaṃ daśāphalam |
pāpayukte śubhakṣetre pūrvaṃ śubhamasatpare

pāparkṣe śubhasaṃyukte pūrvaṃ saukhyaṃ tato'śubham |
pāpakṣetre pāpayukte sā daśā sarvadukhadā

śubhakṣetradaśā rāśau yukte pāpaśubhairdvija

pūrvaṃ kaṣṭaṃ sukhaṃ paścānnirviśaṅkaṃ prajāyate |
śubhakṣetre śubhaṃ vācyaṃ pāparkṣe tvaśubhaṃ phalam

dvitīye pañcame saumye rājaprītirjayo dhruvam |
pāpe tatra gate jñeyamaśubhaṃ taddaśāphalam

caturthe tu śubhaṃ saukhyamārogyaṃ tvaṣṭame śubhe |
dharmavṛddhirgurujanātsaukhyaṃ ca navame śubhe

viparīte viparyāso miśre miśraṃ prakīrtitam |
pāke bhoge ca pāpāḍhye dehapīḍā manovyathā

saptame pākabhogābhyāṃ pāpe dārārtirīritā |
caturthe sthānahāniḥ syātpañcame putrapīḍanam

daśame kīrtihāniḥ syānnavame pitṛpīḍanam |
pākādrudrāgate pāpe pīḍā sarvāpyabādhikā

uktasthānagate saumye tataḥ saukhyaṃ vinirdiśet |
kendrasthānagate saumye lābhaḥ śatrujapapradaḥ

janmakālagrahasthityā sagocagagrahairapi |
vicāritaiḥ pravaktavyaṃ tattadrāśida/sāphalam

yaśca rāśiḥ śubhākānto yasya paścācchubhagrahāḥ |
taddaśā śubhadā proktā viparīte viparyayaḥ

trikoṇarandhrariṣphasthaiḥ śubhapāpaiḥ śubhā'śubham |
taddaśāyāṃ ca vaktavyaṃ phalaṃ daivavidā sadā

meṣakarkatulānakrarāśīnāṃ ca yathākramam |
bādhā stānāni samproktā kubhagosiṃhavṛścikāḥ

pākeśākrāntarāśau vā bādhāsthāne śubhetare |
sthite sati mahāśoko bandhanavyasanāmayāḥ

uccasvarkṣagrhe tasmiñchubhaṃ saukhyaṃ dhanāgamaḥ |
tacchūnyaṃ cedasaukhyaṃ syāttaddaśā na phalapradā

bādhakavyayaṣaḍarandhre rāhuyukte mahadbhayam |
prasthāne bandhanaprāptī rājapīḍā ripobhayam

ravyārarāhuśanayo bhuktirāśau sthitā yadi |
tadrāśibhiktau patanaṃ rājakopān mahadbhayam

bhuktirāśitrikoṇe tu nīcakheṭaḥ sthito yadi |
tadrāśau vā yute nīce pāpe mṛtyubhayaṃ vadet

bhuktirāśau svatuṅgasthe trikoṇe vāpi khecare |
yadā bhuktidaśā prāptā tadā saukhyaṃ labhennaraḥ

nagaragrāmanāthatvaṃ putralābhaṃ dhanāgamam |
kalyāṇaṃ bhūribhāgyaṃ ca senapatyaṃ mahonnatam

pākeśvaro jīvadṛṣṭaḥ śubharāśisthito yadi |
taddaśāyāṃ dhanaprāptirmaṅgalaṃ putrasambhavam

sitāsitabhayugmāśca sūryasya ripurāśayaḥ |
kaurpitaulighaṭāścendrorbhaumasya ripurāśayaḥ

ghaṭamīnanṛyultaulikanyā jñasya tataḥ param |
karkamīnālikumbhāśca rāśayo ripavaḥ smṛtāḥ

vṛṣataulinṛyukkanyārāśayo ripavo guroḥ |
siṃhālikarkacāpāśca śukasya ripurāśayaḥ

meṣasiṃhadhanuḥkaurpikarkaṭā śaniśatravaḥ |
evaṃ grāhantaradāśāṃ cintayetkovido dvija

ye rājayogadā ye ca śubhamadhyamatā grahāḥ |
yasmādvā dvitrituryasthāḥ grahāḥ śubhaphalapradāḥ

taddaśānāṃ śubhaṃ brūyādrājayogādisambhavam |
śubhadvayāntaragataḥ pāpo'pi śubhadaḥ smṛtaḥ

gatā śubhadaśāmadhyaṃ daśā saumyasya śobhanā |
śubhā yasya trikoṇasthastaddaśāpi śubhapradā

ārambhānto mitraśubharāśyoryadi phalaṃ śubham |
pratirāśyaivamavdādyaṃ vibhajya tatphalaṃ vadet

ārambhāttattrikoṇe tu saumye tu śubhabhāvahet |
śubharāśau śubhārambhe daśā syādatiśobhanā

śubhādirāśau pāpaśceddaśārambhe śubhā smṛtā |
śubhārambhe kathā keti prārambhasya phalaṃ vadet

ārambhe pāparāśau vā yadīśo durbalo dvija |
nīcādau taddaśādyante vadedbhāgyaviparyayam

yatra sthito nīcakheṭastrikoṇe vā'tha nīcagaḥ |
tathā rāśīśvare nīce sambandho nīcakheṭakaiḥ

bhāgyasya viparītatvaṃ karotyeva dvijottama |
dhanadhānyādihāniśca dehe rogabhayaṃ tathā

rāhoḥ ketośca kumbhādi vṛścikādi catuṣṭayam |
svabhaṃ tatra samārambhastaddaśāyāṃ śubhaṃ bhavet

yaddaśāyāṃ śubhaṃ brūyātsa cenmārakasaṃsthitaḥ |
yasmin rāśaudaśāntaḥsyāttasmin dṛṣṭe yute'pi vā

śukreṇa vidhunā vā syādrājakopāddhanakṣayaḥ |
daśāntaścedarikṣetre rāhudṛṣṭayute'pi vā

idaṃ phalaṃ śaneḥ pāke na vicintyaṃ dvijottama |
daśāprade nakrarāśau na vicintyamidaṃ phalam

rāhurdaśānte sarvasvanāśo maraṇabandhane |
daśānnirvāsanaṃ vā syātkaṣṭaṃ vā mahadaśnute

tattrikoṇagate pāpe niścayādduḥkhamādiśet |
evaṃ śubhāśubhaṃ sarvaṃ niścayena vaded budhaḥ

rāhvādyāśritarāśistu bhavedyadi daśāpradaḥ |
tatra kāle'pi pūrvoktaṃ cintanīyaṃ prayatnataḥ

da/sārambho daśānto vā mārake cenna śobhanam |
tasminneva ca rāhuścannarodho dravyanāśanaḥ

yatra kvāpi ca bhe rāhau daśārambhe vināśanam |
gṛhabhraṃśaḥ samuddiṣṭo dhane rāhudhanārtikṛt

candrśukrau dvādaśa cedrājakopo bhaveddhruvam |
bhaumaketū tatra yadi vadho'gnermahatī vyathā

cendraśukrau dhane vipra yadi rājyaṃ prayacchataḥ |
daśārambhe daśānte ca dvitīyasthamidaṃ phalam

evamargalabhāvānāṃ phalaṃ vijñaiḥ pradarśitam |
yasya pāpaḥ śubho vā'pi grahastiṣṭhecchubhārgale

tena draṣṭrekṣite lagnaṃ pābalyāyopakalpyate |
yadi paśyedgrahastanna viparītārgalasthitaḥ

tadbhāvasya daśāyāstu viparītaphalaṃ bhavet |
saddṛṣṭe'pi śubhaṃ brūyānnirviśaṃkaṃ dvijottama

yasminbhāve śubhasvāmisambandhastuṅgakhecaraḥ |
syāttadbhāvadaśāyāṃ tu antyaiśvaryamakhaṇḍitam

yadbhāveśaḥ svārtharāśimadhitiṣṭhati paśyati |
syātadbhāvadaśākāle dhanalābho mahattaraḥ

yasmādvyayagato yastu taddaśāyāṃ dhanakṣayaḥ |
yasmāttrikoṇagāḥ pāpāstatrātmaśubhanāśanam

putrahāniḥ pituḥ pīḍā manastāpo mahān bhavet |
yasmāttrikoṇgā riḥpharandhreśārkārasūryajāḥ

putrapīḍā dravyahānistatra ketvahisaṅgame |
videśabhramaṇaṃ kleśo bhayaṃ caiva pade pade

tasmātṣaṣṭhāṣṭame krūranīcakheṭādayaḥ sthitāḥ |
rogaśatrunṛpālebhyo muhuḥ pīḍā suduḥsahā

yasmāccaturthaḥ krūraḥ syādbhūgṛhakṣetranāśanam |
paśuhānistatra bhaume gṛhadāhaḥ pramādakṛt

śanau hṛdayaśūlaṃ syātsūrye rājaprakopanam |
sarvasvaharaṇaṃ rāhau viṣacaurādijaṃ bhayam

yasmād daśamabhe rāhuḥ puṇyatīrthāṭanaṃ bhavet |
yasmātkarmāyabhāgyarkṣagataḥ śobhanakhecarāḥ

vidyārthadharmasatkarmakhyātipauruṣasiddhayaḥ |
yataḥ pañcamakāmārigatāḥ svoccaśubhagrahāḥ

putradārādisaṃprāptirnṛpapūjā mahttarā |
yasmānputrāyakarmāmbunavalagnādhipāḥ sthitāḥ

tattadbhāvārthasiddhiḥ syācchreyo yogānusārataḥ |
yasmin gururvā śukrovā śubheśo vāpi saṃsthitaḥ

kalyāṇaṃ sarvasaṃpattir devabrāhmaṇatarpanam |
yatcaturthe tuṅgakheṭāḥ śubhasvāmī grahaśca vā

vāhanagrāmalābhaśca paśuvṛddhiśca bhūyasī |
tatra candre ca lābhaḥ syādbahudhānyarasānvitaḥ

pūrṇe vidhau nidhiprāptirlabhedvā maṇisañjayam |
tatra sukre bhṛdaṅgādivādyagānapuraskṛtaḥ

āndolikāptirjīve tu kanakāṃdolikā dhruvam |
lagnakarmeśabhāgyeśatuṅgasthaśubhayogataḥ

sarvotkarṣamahaiśvaryasāmrājyādimahatphalam |
evaṃ tattadbhāvadāyaphalaṃ yatsyādvicintayet

ekaikoḍudaśā svīyairguṇairaṣṭādaśātmabhi |
bhinnaṃ phalavipākaṃ tu kuryādvai citrasaṃyutam

paramocce tuṅgamātre tadarvāktaduparyapi |
mūlatrikoṇabhe svarkṣe svādhimitragrahasya bhe

tatkālasuhṛdo gehe udāsīnasya bhe tathā |
śartorbhe'dhiriporbhe ca nīcāntādūrdhvadeśabhe

tasmādarvāṅ nīcamātra nīcānte paramāṃśake |
nīcārivarge sakhale svavarge kendrakoṇabhe

vyavasthitasya kheṭasya samare pīḍitasya ca |
gāḍhapūḍhasya ca daśāpacitiḥ svaguṇaiḥ phalam

paramoccagato yastu yo'tivīryasamanvitaḥ |
sampūrṇākhyā daśā tasya rājyabhoogyaśubhapradā

lakṣmīkaṭākṣacihnānāṃ ciravāsagṛhapradā |
tuṅgamātragatasyāpi tathā vīryādhikasya ca

pūrṇākhyā bahulaiśvaryadāyinyāpi rujapradā |
atinīcagatasyāpi durbalasya grahasya tu

riktā tvaniṣṭaphaladā vyādhyanarthamṛtipradā |
atyucce'pyatinīcasthe madhyagasyāvarohiṇī

mitroccabhāvaprāptasya madhyākhyā hyarthadā daśā |
nīcāṃtāduccabhāgāntaṃ bhaṣaṭke madhyagasya ca

daśā cārohiṇī nīcaripubhāṃśagatasya ca |
adhamākhyā bhayakleśavyādhiduḥkhavivardhinī

nāmānurūpaphaladāḥ pākakāle daśā imāḥ |
bhāgyeśagurusambandho yogadṛkkendrabhādibhiḥ

pareṣāmapi dāyeṣu bhagyopakramamunnayet |
jātako yastu phalado bhagyayogaprado'tha yaḥ

saphalo vakrimādūrdhvamanyānapi ca khecarān |
durbalānasamarthāṃśca phaladāneṣu yāgataḥ

tāratamyātsusambandhā daśā hyetāḥ phalapradāḥ |
svakendrādijuṣāṃ teṣāṃ pūrṇārddhāṃghrivyavasthayā

śīrṣodayabhagāḥ svasvadaśādau svaphalapradāḥ |
ubhayodayarāśisthadaśā madhyaphalapradā

pṛṣṭhodayarkṣagāḥ kheṭāḥ svadaśānte phalapradāḥ |
nisargataśca tatkāle suhṛdāṃ haraṇe śubham

sampādayettadā kaṣṭaṃ tadviparyayagāminām |
daśeśākrāṃtabhāvarkṣādārabhya dvādaśarkṣakam

bhaktvā dvādaśarāśīnāṃ daśābhukti prakalpayet |
ekaikarāśeryā tatra suhṛtsvakṣetragāminī

tasyāṃ rājyādisampattipūrvakaṃ śubhamīrayet |
duḥsthānaripugehasthanīcakrūrayutā ca yā

tasyāmanarthakalahaṃ rogamṛtyubhayādikam |
bindubhūyastvaśūnyatvavaśāt svīyāṣṭavargake

vṛddhiṃ hāniṃ ca tadrāśibhāvasya svagṛhātkramāt |
bhāvayojanayā vidyātsutastryādiśubhā'śubham

dhātvādirāśibhedācca dhātvādigrahayogataḥ |
śubhapāpanaśābhedācchubhapāpayutairapi

iṣṭāniṣṭasthānabhedāt phalabhedāt samunnayet |
evaṃ sarvagrahāṇāṃ ca svāṃ svāmantardaśāmapi

svarāśito rāśibhuktiṃ prakalpya phalamīrayet |
antarantardaśāṃ svīyāṃ vibhajyaivaṃ punaḥ punaḥ