Brihat Parashara Hora Shastra · Chapter 49

atha kālacakradaśāphalādhyāyaḥ

kathayāmyatha viprendra kālacakradaśāphalam |
tatrādau rāśināthānāṃ sūryādīnāṃ phalaṃ bruve

raktapittādito vyādhiṃ nṛṇāmarkaphalaṃ vadet |
dhanakīrtiprajāvṛddhivastrābharaṇadaḥ śaśī

jvaramāśu diśet paittyaṃ granthisphoṭaṃ kujastathā |
prajānāṃ ca dhanānāṃ ca sadā vṛddhiṃ budho diśet

dhanaṃ kīrtiṃ prajāvṛddhiṃ nānābhogaṃ bṛhaspatiḥ |
vidyāvṛddhirvivāhaśca gṛhaṃ dhānyaṃ bhṛgoḥ phalam

tāpādhikyaṃ mahadduḥkhaṃ bandhunāśaḥ śaneḥ phalam |
evamarkādiyogena vadedrāśidaśāphalam

meṣe tu raktapīḍā ca vṛṣabhe dhānyavarddhanam |
mithune jñānasampānnaścāndre dhanapatirbhavet

sūryakṣe śatrubādhā ca kanyā strīṇāṃ ca nāśanaṃ |
tālike rājamantritvaṃ vṛścike maraṇaṃ bhavet

arthalābho bhaveccāpe meṣasya navabhāgake |
makare pāpakarmāṇi kumbhe vāṇijyameva ca

mīne sarvārthasiddhiśca vṛścikeṣvagnito bhayam |
taulike rājapūjyaśca kanyāyāṃ śatruvardhanam

śaśibhe dārasambādhā siṃhe ca tvakṣirogakṛt |
mithune vṛttibādhā syādvṛṣabhasya navāṃśake

vṛṣabhe tvarthalābhāśca meṣe tu jvararogakṛt |
mīne tu mātulaprītiḥ kumbhe śatrupravarddhanam

mṛge caurasya sambādhā dhanuṣi śastravardhanam |
meṣe tu śastrasaṃghāto vṛṣabhe kalaho bhavet

mithune sukhamāpnoti mithunasya navāṃśake |
karkaṭe saṅkaṭaprāptiḥ siṃhe rājaprakopakṛt

kanyāyāṃ bhrātṛpūjā va taulike priyakṛnnaraḥ |
vṛścike pitṛbādhā syāt cāpe jñānadhanodayaḥ

makare jalabhītiḥ syāt kumbhe dhānyavivardhanam |
mīne ca sukhasampattiḥ karkaṭasya navāṃśake

vṛścike kalaḥ pīḍā taulike hyadhikaṃ phalam |
kanyāyāmatilābhaśca śaśāṃke mṛgabādhikā

siṃhe ca putralābhaśca mithune śatruvarddhanam |
vṛṣeḥ catuṣpadāllābho meṣāṃśe paśuto bhayam |
mīne tu dīrghayātrā syāt siṃhasya navabhāgake

kumbhe tu dhanalābhaśca makare dravyalābhakṛt |
dhanuṣi bhrātṛsaṃsargo meṣe mātṛvivarddhanam

vṛṣabhe putravṛddhiḥ syānmithune śatruvarddhanam |
śaśibhe tu striyāṃ prītiḥ siṃhe vyādhivivarddhanam

kanyāyāṃ putravṛddhiḥ syātkanyāyā navamāṃśake |
tulāyāmarthalābhaśca vṛścike bhrātṛvarddhanam

cāpe ca tātasaukhyaṃ ca mṛge mātṛvirodhitā |
kumbhe putrārthalābhaśca mīne śatruvirodhitā

alau jāyāvirodhaśca tule ca jalabādhatā |
kanyāyāṃ dhanavṛddhiḥ syāt tulāyā navabhāgake

karkaṭe hyarthanāśaśca siṃhe rājavirodhitā |
mithune bhūmilābhaśca vṛṣabhe cā'rthalābhakṛt

meṣe sarpādibhītiḥ syānmīne caiva jalād bhayam |
kumbhe vyāpārato lābho makare'pi rujo bhayam

cāpe tu dhanalābhaḥ syād vṛścikasya navāṃśake |
meṣe tu dhanalābhaḥ syād vṛṣe bhūmivivarddhanam

mithune sarvasiddhiḥ syātkarkaṭe sarvasiddhikṛt |
siṃhe tu pūrvavṛddhiḥ syātkanyāyāṃ kalaho bhavet

taulike cārthalābhaḥ syād vṛścike roogamāpnuyāt |
cāpe tu sutavṛddhiḥ syāccāpasya navamāṃśake

makare putralābhaḥ syātkumbhe dhānyavivarddhanam |
mīne kalyāṇamāpnoti vṛścike viṣabādhitā

taulike tvarthalābhaśca kanyāyāṃ śatruvarddhanam |
śaśibhe sr/iyamāpnoti siṃhe tu mṛgabādhitā

mithune vṛkṣabādhā ca mṛgasya navabhāgake |
vṛṣabhe tvarthalābhaśca meṣabhe tvakṣirogakṛt

mīne tu dīrghayātrā syātkumbhe dhanavivarddhanam |
makare sarvasiddhiḥ syāccāpe śatruvivarddhanam

meṣe saukhyavināśaśca vṛṣabhe maraṇaṃ bhavet |
yugme kalyāṇamāpnoti kumbhasya navamāṃśake

karkaṭe dhanavṛddiḥ syāt siṃhe tu rājapūjanam |
kanyāyāmarthalābhastu tulāyāṃ lābhamāpnuyāt

vṛścike jvaramāpnoti cāpe śatruvivarddhanam |
mṛge jāyāvirodhaśca kumbhe jalavirodhatā

mīne tu sarvasaubhāgyaṃ mīnasya navabhāgake |
daśāaṃśakrameṇaivaṃ jñātvā sarvaphalaṃ vadet

krūragrahadaśākāle śāntiṃ kuryādvicakṣaṇaḥ |
yat proktaṃ rājayogādau saṃjñādhyāye ca yat phalam

tatsarvaṃ catrakāle hi subuddhyā yojayed budhaḥ |
iti saṃkṣepataḥ proktaṃ kālacakradaśāphalam