Brihat Parashara Hora Shastra · Chapter 4

ahorātrasya pūrvāntyalopād‌ horā'vaśiṣyate/
tasya vijñānamātreṇa jātakarmaphalaṃ vadet‌

yadavyaktātmako viṣṇuḥ kālarupo janārdanaḥ/
tasyāṅgāni nibodha tvaṃ kramānmeṣādirāśyaḥ

meṣo vṛṣaśca mithunaḥ karkasiṃhakumārikāḥ/
tulāli'śca dhanurnakre kumbho mīnastataḥ param‌

śīrṣānane tathā bāhū hṛtkroḍakaṭibastayaḥ/
guhyoruyugale jānuyugme vai jaṅ‌ghake tathā

caranau dvau tathā meṣāt‌ jñeyāḥ śīrṣādayaḥ kramāt‌/
carasthiradvisvabhāvāḥ krūrākrūrau narastriyau

pittānilatridhātvaukyaśleṣmikāśca kriyādayaḥ/
raktavarṇo bṛhad‌gātraścatuṣpādrātrivikramī

pūrvavāsī nṛpajñātiḥ śailacārī rajoguṇī/
pṛṣṭhodayī pāvakī ca meṣarāśiḥ kujādhipaḥ

śvetaḥ śukrādhipo dīrghaścatuṣpāccharvarībalī/
yāmyeṭ‌ grāmyo vaṇigbhūmirajaḥ pṛṣṭhodayo vṛṣaḥ

śīrṣodayī nṛmithunaṃ sagadaṃ ca savīṇakam‌/
pratyag‌vāyurdvipādrātribalī grāmavrajo'nilī

samagātro haridvirṇo mithunākhyo budhādhipaḥ/
pāṭalo vanacārī ca brāhmaṇo niśi vīryavān‌

bahupādacaraḥ sthaulyatanuḥ sattvaguṇī jalī/
pṛṣṭhodayī karkarāśirmṛgāṃkā'dhipatiḥ smṛtaḥ

siṃhaḥ sūryādhipaḥ sattvī catuṣpāt‌ kṣatriyo vanī/
śīrṣodayī bṛhad‌gātraḥpāṇḍuḥ pūrveḍ‌ dyuvīryavān‌

pārvatīyātha kanyākhyā rāśirdinabalānvitā/
śīrṣodayā ca madhyāṃgā dvipādyāmyacarā ca sā

sā sasyadahanā vaiśyā citravarṇā prabhañjinī/
kumārī tamasā yuktā bālabhāvā budhādhipā

śīrṣodayī dyuvīryāḍhyastulaḥ kṛṣṇo rajoguṇī/
paścimo bhūcaro ghātī śūdro madhyatanurdvipāt‌

śukrā'dhipo'tha svalpāṃgo bahupād‌brāhmaṇo bilī/
saumyastho dinavīryāḍhyaḥ piśaṃgo jalabhūvaḥ

romasvāḍhyo'titīkṣṇāgro vṛścikaśca kujādhipaḥ/
pṛṣṭhodayī tvatha dhanurgurusvāmī ca sāttvikaḥ

piṃgalo niśivīryāḍhyaḥ pāvakaḥ kṣatriyo dvipād‌/
ādāvante catuṣpādaḥ samagātro dhanurdharaḥ

pūrvastho vasudhācārī tejasvī brahmaṇā kṛtaḥ/
mandādhipastamī bhaumī yāmyeṭ‌ ca niśi vīryavān‌

pṛṣṭhodayī bṛhad‌gātraḥ karburo vanabhūcaraḥ/
ādau catuṣpadonte tu vipado jalago mataḥ

kumbhaḥ kumbhī naro babhruvarṇo madhyatanurdvipāt‌/
dyuvīryo jalamadhyastho vātaśīrṣodayī tamaḥ

śūdraḥ paścimadeśasya svāmī daivākariḥ smṛtaḥ/
mīnau pucchāsyasaṃlagnau mīnarāśirdivābalī

jalī sattvaguṇāḍhyaśca svastho jalacaro dvijaḥ/
apado madhyadehī ca saumyastho hyubhayodayī

surācāryādhipaśceti rāśīnāṃ gaditā guṇāḥ/
triṃśad‌bhāgātmakānāṃ ca sthūlasūkṣmaphalāya ca

athātaḥ sampravakṣyāmi śṛṇuṣva munipuṃgava/
janmalagnaṃ ca saṃśodhya niṣekaṃ pariśodhayet‌

tadahaṃ saṃpravakṣyāmi maitreya tvaṃ vidhāraya/
janmalagnāt‌ parijñānaṃ niṣekaṃ sarvjantu yat‌

yasmin‌ bhāve sthito mandastasya mānderyadantaram‌/
lagnabhāgyāntaraṃ yojyaṃ yacca rāśyādi jāyate

māsādi tanmitaṃ jñeyaṃ janmataḥ prak‌ niṣekajam‌/
yadyadṛśyadaleṅgeśastadendorbhuktabhāgayuk‌

tatkāle sādhayellagnaṃ śodhayet‌ pūrvavattanum‌/
tasmācchubhāśubhaṃ vācyaṃ garbhasthasya viśeṣataḥ

śubhāśubhaṃ vadet‌ pitrorjīvanaṃ maraṇaṃ tathā/
evaṃ niṣekalagnena samyag‌ jñeyaṃ svakalpanāt‌