બૃહત્પારાશરહોરાશાસ્ત્રમ્ · અધ્યાય 49

અથ કાલચક્રદશાફલાધ્યાયઃ

કથયામ્યથ વિપ્રેન્દ્ર કાલચક્રદશાફલમ્ ।
તત્રાદૌ રાશિનાથાનાં સૂર્યાદીનાં ફલં બ્રુવે

રક્તપિત્તાદિતો વ્યાધિં નૃણામર્કફલં વદેત્ ।
ધનકીર્તિપ્રજાવૃદ્ધિવસ્ત્રાભરણદઃ શશી

જ્વરમાશુ દિશેત્ પૈત્ત્યં ગ્રન્થિસ્ફોટં કુજસ્તથા ।
પ્રજાનાં ચ ધનાનાં ચ સદા વૃદ્ધિં બુધો દિશેત્

ધનં કીર્તિં પ્રજાવૃદ્ધિં નાનાભોગં બૃહસ્પતિઃ ।
વિદ્યાવૃદ્ધિર્વિવાહશ્ચ ગૃહં ધાન્યં ભૃગોઃ ફલમ્

તાપાધિક્યં મહદ્દુઃખં બન્ધુનાશઃ શનેઃ ફલમ્ ।
એવમર્કાદિયોગેન વદેદ્રાશિદશાફલમ્

મેષે તુ રક્તપીડા ચ વૃષભે ધાન્યવર્દ્ધનમ્ ।
મિથુને જ્ઞાનસમ્પાન્નશ્ચાન્દ્રે ધનપતિર્ભવેત્

સૂર્યક્ષે શત્રુબાધા ચ કન્યા સ્ત્રીણાં ચ નાશનં ।
તાલિકે રાજમન્ત્રિત્વં વૃશ્ચિકે મરણં ભવેત્

અર્થલાભો ભવેચ્ચાપે મેષસ્ય નવભાગકે ।
મકરે પાપકર્માણિ કુમ્ભે વાણિજ્યમેવ ચ

મીને સર્વાર્થસિદ્ધિશ્ચ વૃશ્ચિકેષ્વગ્નિતો ભયમ્ ।
તૌલિકે રાજપૂજ્યશ્ચ કન્યાયાં શત્રુવર્ધનમ્

શશિભે દારસમ્બાધા સિંહે ચ ત્વક્ષિરોગકૃત્ ।
મિથુને વૃત્તિબાધા સ્યાદ્વૃષભસ્ય નવાંશકે

વૃષભે ત્વર્થલાભાશ્ચ મેષે તુ જ્વરરોગકૃત્ ।
મીને તુ માતુલપ્રીતિઃ કુમ્ભે શત્રુપ્રવર્દ્ધનમ્

મૃગે ચૌરસ્ય સમ્બાધા ધનુષિ શસ્ત્રવર્ધનમ્ ।
મેષે તુ શસ્ત્રસંઘાતો વૃષભે કલહો ભવેત્

મિથુને સુખમાપ્નોતિ મિથુનસ્ય નવાંશકે ।
કર્કટે સઙ્કટપ્રાપ્તિઃ સિંહે રાજપ્રકોપકૃત્

કન્યાયાં ભ્રાતૃપૂજા વ તૌલિકે પ્રિયકૃન્નરઃ ।
વૃશ્ચિકે પિતૃબાધા સ્યાત્ ચાપે જ્ઞાનધનોદયઃ

મકરે જલભીતિઃ સ્યાત્ કુમ્ભે ધાન્યવિવર્ધનમ્ ।
મીને ચ સુખસમ્પત્તિઃ કર્કટસ્ય નવાંશકે

વૃશ્ચિકે કલઃ પીડા તૌલિકે હ્યધિકં ફલમ્ ।
કન્યાયામતિલાભશ્ચ શશાંકે મૃગબાધિકા

સિંહે ચ પુત્રલાભશ્ચ મિથુને શત્રુવર્દ્ધનમ્ ।
વૃષેઃ ચતુષ્પદાલ્લાભો મેષાંશે પશુતો ભયમ્ ।
મીને તુ દીર્ઘયાત્રા સ્યાત્ સિંહસ્ય નવભાગકે

કુમ્ભે તુ ધનલાભશ્ચ મકરે દ્રવ્યલાભકૃત્ ।
ધનુષિ ભ્રાતૃસંસર્ગો મેષે માતૃવિવર્દ્ધનમ્

વૃષભે પુત્રવૃદ્ધિઃ સ્યાન્મિથુને શત્રુવર્દ્ધનમ્ ।
શશિભે તુ સ્ત્રિયાં પ્રીતિઃ સિંહે વ્યાધિવિવર્દ્ધનમ્

કન્યાયાં પુત્રવૃદ્ધિઃ સ્યાત્કન્યાયા નવમાંશકે ।
તુલાયામર્થલાભશ્ચ વૃશ્ચિકે ભ્રાતૃવર્દ્ધનમ્

ચાપે ચ તાતસૌખ્યં ચ મૃગે માતૃવિરોધિતા ।
કુમ્ભે પુત્રાર્થલાભશ્ચ મીને શત્રુવિરોધિતા

અલૌ જાયાવિરોધશ્ચ તુલે ચ જલબાધતા ।
કન્યાયાં ધનવૃદ્ધિઃ સ્યાત્ તુલાયા નવભાગકે

કર્કટે હ્યર્થનાશશ્ચ સિંહે રાજવિરોધિતા ।
મિથુને ભૂમિલાભશ્ચ વૃષભે ચાઽર્થલાભકૃત્

મેષે સર્પાદિભીતિઃ સ્યાન્મીને ચૈવ જલાદ્ ભયમ્ ।
કુમ્ભે વ્યાપારતો લાભો મકરેઽપિ રુજો ભયમ્

ચાપે તુ ધનલાભઃ સ્યાદ્ વૃશ્ચિકસ્ય નવાંશકે ।
મેષે તુ ધનલાભઃ સ્યાદ્ વૃષે ભૂમિવિવર્દ્ધનમ્

મિથુને સર્વસિદ્ધિઃ સ્યાત્કર્કટે સર્વસિદ્ધિકૃત્ ।
સિંહે તુ પૂર્વવૃદ્ધિઃ સ્યાત્કન્યાયાં કલહો ભવેત્

તૌલિકે ચાર્થલાભઃ સ્યાદ્ વૃશ્ચિકે રોઓગમાપ્નુયાત્ ।
ચાપે તુ સુતવૃદ્ધિઃ સ્યાચ્ચાપસ્ય નવમાંશકે

મકરે પુત્રલાભઃ સ્યાત્કુમ્ભે ધાન્યવિવર્દ્ધનમ્ ।
મીને કલ્યાણમાપ્નોતિ વૃશ્ચિકે વિષબાધિતા

તૌલિકે ત્વર્થલાભશ્ચ કન્યાયાં શત્રુવર્દ્ધનમ્ ।
શશિભે સ્ર્।ઇયમાપ્નોતિ સિંહે તુ મૃગબાધિતા

મિથુને વૃક્ષબાધા ચ મૃગસ્ય નવભાગકે ।
વૃષભે ત્વર્થલાભશ્ચ મેષભે ત્વક્ષિરોગકૃત્

મીને તુ દીર્ઘયાત્રા સ્યાત્કુમ્ભે ધનવિવર્દ્ધનમ્ ।
મકરે સર્વસિદ્ધિઃ સ્યાચ્ચાપે શત્રુવિવર્દ્ધનમ્

મેષે સૌખ્યવિનાશશ્ચ વૃષભે મરણં ભવેત્ ।
યુગ્મે કલ્યાણમાપ્નોતિ કુમ્ભસ્ય નવમાંશકે

કર્કટે ધનવૃદ્દિઃ સ્યાત્ સિંહે તુ રાજપૂજનમ્ ।
કન્યાયામર્થલાભસ્તુ તુલાયાં લાભમાપ્નુયાત્

વૃશ્ચિકે જ્વરમાપ્નોતિ ચાપે શત્રુવિવર્દ્ધનમ્ ।
મૃગે જાયાવિરોધશ્ચ કુમ્ભે જલવિરોધતા

મીને તુ સર્વસૌભાગ્યં મીનસ્ય નવભાગકે ।
દશાઅંશક્રમેણૈવં જ્ઞાત્વા સર્વફલં વદેત્

ક્રૂરગ્રહદશાકાલે શાન્તિં કુર્યાદ્વિચક્ષણઃ ।
યત્ પ્રોક્તં રાજયોગાદૌ સંજ્ઞાધ્યાયે ચ યત્ ફલમ્

તત્સર્વં ચત્રકાલે હિ સુબુદ્ધ્યા યોજયેદ્ બુધઃ ।
ઇતિ સંક્ષેપતઃ પ્રોક્તં કાલચક્રદશાફલમ્